البارت الرابع
✨الضمير صوت هادئ .. يخبرك بأن أحدا ينظر اليك✨
دخل يزيد إلي المنزل فراي حور فنظر لها و ابتسم ابتسامه ساحرة ..
يزيد / كنت عارف انك جايه
حور / اه جيت اي خدمه ، و بعدين ايه الثقه دي
يزيد بتكبر / اه ما هي خدمه مقابل خدمه و بعدين أنا محدش يقدر يقولي لا
انهي حديثه و ذهب بكل تكبر ، و لكن قطعه صوت والدته
والدت يزيد / ايه يا ابني عامل ايه
يزيد بحب / بخير الحمدلله يا ماما اهم حاجة انتي عامله ايه
ام يزيد / كويسه يا ابني الحمدلله و البنت الا انت بعتها عشان تساعدني طيبة جدا و محترمه و أنا حبيتها
حور / ميرسي يا طنط والله أنتِ الا سكر
يزيد و هو يحاول أن يقلد صوت حور / ميرسي يا طنط
حور / انت بتتريق عليا
يزيد / ايوه
ذهب يزيد دون إضافة اي كلمه أخري الي غرفته و ذهبت ام يزيد إلي المطبخ لتحضير الطعام ، بعد مغادرة والدت يزيد إلي المطبخ
حور / أنا مش عارفه ازاي ده يبقي ابن العسل دي بصراحه
ثم ذهبت إلي ام يزيد في المطبخ و هي تقلده
حور / سيبي يا طنط أنا هعمل مكانك الاكل
ام يزيد / أنا هعمل الاكل و بعدين يزيد مش بيحب ياكل غير الاكل الا أنا بعمله
حور بضحك / يعني كل الشاب الطويل العريض ده طلع في الاخر بتاع أمه
ام يزيد / بتقولي حاجة يا بنتي عشان كنت مش اخده بالي
حور / لا يا طنط
ام يزيد / معلش يا بنتي اطلعي هاتي من الاوضة بتاعتي العلاج بتاعي
حور / حاضر
ذهبت حور و ظلت تنظر إلي فخامه المنزل و جماله و كيف هو يشبه القصر مليء بالخدم و مع ذلك فهو لا يستغني عن أكل الطعام من يد أمه ، ظلت تتجول حور في المكان حتي تري غرف جميلة جدا فتري أنه يوجد غرفه مميزة و مقفولة بقفل و لكن شكلها مدهش جدا غير باقي الغرف مسكت حور يد باب الغرفه و حاولت أن تدخل و لكن دون جدوى ، فشعرت بيد تمسك يدها
يزيد / حد قالك تدخلي هنا
حور / أصل شكل الاوضه دي حلو اوي فحبيت اشوفها و هي مميزة عن باقي الاوض
يزيد بزعيق / تعرفي ملكيش دعوه بالاوضه دي تاني انتي سامعه
حور .. بخوف / حاضر ، هي فين اوضه طنط
يزيد / هناك
حور / ماشي شكرا
ذهبت حور إلي غرفه ام يزيد مدام نيرمين و تري العلاج موجود بجانب السرير
حور / واو ايه الاوضه الجميلة دي ، تحححفههه
يزيد / اكيد اول مره تشوفي قصر و اول مرة تدخلي اوضه زي دي
حور / دخلت قصور زي دي اصلا احنا كنا عايشين في قصر كبير زي ده و بعدين بابا حصلت معه حاجات في الشركة بتاعته خليته يبعها و بعد ما كنا في قصر كبير بقينا في فيلا صغيرة لكل واحد فينا اوضه
يزيد / سؤال هو أنا طلبت منك تحكيلي تفاصيل حياتكم
حور بضحك / اجابه لا
يزيد بغضب / هو ايه الا اجابه اعدلي كلامك معايا انتِ متعرفيش أنا مين
حور / لا معرفش و مش عايزة اعرف
يزيد / أنا يزيد سراج المهدي من اغني ناس هنا و عمري ما دخلت في حاجه الا و انتصرت فيها و لو عايز اعمل حاجه بعملها .
حور / أنا يزيد سراج المهدي نننيييي ، استفدت أنا ايه كده يعني تعرف تسكت طب ما أنا حور عمران و مش معوجه عليك و بتكلم عادي اهو
يزيد / أنتِ تقدري تعملي غير كده انك تقفي تكلميني
حور / اه بس اقدر اعمل كده
تركته و غادرت بكل غرور
ظل هو ينظر في اثرها ثم ظل يضحك و في الجهه الأخري تقول شخص غريب عمره ما قال شكرا و قال ايه بيقولي انتي متعرفيش أنا أبقي مين ده أنا يزيد سراج المهدي استفدت أنا اي يعني
نيرمين .. بضحك / معلش يا حور هو طبعه كده
حور بخوف / ايه ده استغفر الله العظيم
نيرمين .. بضحك / معلش فجعتك
_حور / ولا يهمك يا طنط
نيرمين / يلا تعالي دوقي اكلي
حور / لا شكرا يا طنط
نيرمين / لا يا حور لازم تدوقي الاكل
_حور / حاضر يا طنط عشان خاطرك بس لولا أنك حلفتي
نيرمين بضحك / ماشي يا حبيبتي يلا
**********************
كن جميلا مع الكل فهناك لحظه وداع ليس لها وقت 🤍
في المستشفى
تقعد ام حور بجانب زوجها هي و أولاده
الاب / حور راحت فين
الام / راحت الشغل
الاب / ماشي
ثم يصمت الجميع قليلا و يصمت الاب و فجأة يتوقف جهاز ضربات القلب و تصرخ الام... الحقوني حد ينادي الدكتور بسرعه
*************
🤍✨ كن قوياً فالحياة تميت الضعيف قهراً✨🤍
في مكان بعيد تقف فتاه بكل شموخ ثم يأتي إليها رجل ، فترفع نظارتها الشمسية لاعلي و تنظر له و تتفحصه جيداً ثم يعطيها شئ و تظل هي تنظر حولها خائفه من أن يراها احد ثم تعطيه مال و تذهب إلي سيارتها و تذهب إلي منزلها ، ذهبت إلى غرفتها و ابدلت ملابسها ثم ظلت تنظر إلي الشيء الذي جلبته و هي تضحك و كان الشيء الذي جلبته كيس من البودرة ، نعم انها مدمنه ، فجأة سمعت صوت أحد يأتي إلي غرفتها فاخفت ما كان في يديها و هي خائفه
يزيد / ايه يا نور يا حبيبتي انتِ رجعتي من الكليه
نور .. بضحك/ لا لسه هناك
يزيد .. بضحك / عامله ايه
نور / الحمدلله
يزيد / مش عايزة اي حاجة
نور .. و هي تريد أن يخرج حتي تأخذ جرعتها / مش عايزة حاجة عايزة سلامتك ، أنت الا عايز حاجه أصل أنا تعبانه و عايزة انام
يزيد / طيب انا خارج
نور / ماشي
خرج يزيد و أخرجت نور من أسفل الوساده الشئ الذي جلبته و لكن عاد يزيد مجدداً فاخفته بسرعه خوفاً من أن يراها أخيها
يزيد / أنا كنت عايز اقولك حاجه قبل ما اخرج ، انك قويه و انك نور سراج المهدي و انك من عائلة المهدي يا ريت متنسيش ده و ترجعي لموضوع زمان تاني
نور .. بابتسامة / حا .. ض .. حاضر
يزيد / يلا سلام و لو عوزتي اي حاجة قوليلي
نور / حاضر
ذهب يزيد و ظلت نور تتذكر الماضي و تبكي ..
***************
حور / الله الله ، ايه الاكل الجميل ده بصراحه حقه ابنك مياكلش من أكل حد غير من اكلك ، تسلم ايدك
نرمين / الله يسلمك يا حبيبتي
حور / هو أنا عايزة أسأل سؤال
نرمين / اسألي
حور / هو يزيد معندوش اخوات
نرمين / لا عنده ، عنده اخت اسمها نور
حور / دي كبيرة
نرمين / اه هي في الفرقه الرابعه كليه حقوق
حور / و يا تري بقي عسولة كده زي حضرتك ، و لا شبه يزيد
نرمين / والله يزيد ده مفيش اطيب منه
حور / لا لا متقوليش ده طيب ، اه صح ما هو القرد في عين امه غزال
نرمين .. بضحك / لما تعرفي يزيد كويس هتعرفي الا أنا بقولك عليه
اتي اتصال لحور قطع حديثهم ، و بعد أن أنهت المكالمه ذهبت و هي تجري و عيونها مليئه بالدموع ..
متنسوش رأيكم و الڤوت 🤍
بقلمي بسملة السيد ( الفاديجا)
