مشينا انا والشلة قعدنا تحت الشجرة قلت ليهم بي مناسبه عربتي الجديده عازماكم غداء قالو طوالي اساسا في الطقة دي ما بنهظر 😂😂طلعو برا طبعا شهقو في العربيه المهم اتوزعنا في العربات الساقين انا وحاتم وعثمان ونادين اي زول بي عربتو قالو دايرين امازون وديتهم طلبنا بيتزا 😋واي زول بي باردو طلعنا مشينا sun day اكلنا اسكريم وملك شيك د كلو علي حسابي 😭😭😭😭بعدها قالو نختم بي شارع النيل نشرب قهوة شربنا قهوه و حاتم وعثمان يشغالو في البنات 😭😂😂😂😂اتصورنا رجعو بيوتهم انا راجعه لقيت الحته مضلمه حتي غرف النوم الحته من المدخل مضلمه خفت شديد فتحت الفلاش بقيت ماشه براحه (بيتنا طابقين من تخشي للمدخل كده بوصللك البيت في المدخل بالجمبتين فيهم نجيله وشججر وورا للبيت مسبح ووفي زي مظله كده فيها قعده سمحه كده الطابق التحت استقبال كلو طقم جلوس فيهو حمام و الطابق الفوق 5غرف نوم بي حماماتهم ومطبخ وفي قعده بتاعت تلفزيون) فجأه الحته نورت لقيت قدامي حسام ومعاهو اولادو 😍😍جريت حضنتو وبقيت ابكي ليهو سنتين ما نزل السودان 😭😭😭💔قال لي اختي المجنونه مشتاقين شدددددديييددد والله قلت ليهو انا اكتر والله 😥😘😘قال لي بطلي بكا ي بت هدي قاعد معاك شهرين كامله بقيت انطط 😂ميار مرتو قالت لي يعني نحنا ما بسلمو علينا يعني 😂جريت حضنتها ططبعا هي ظريفه بمعني الكلمة وفيها جمال ما شاء الله بس سلمت عليها بعد شويه جو جيهان وجواد شغالين لي عمتو عمتو قلت ليهم عمتو في عينكم 😂😂😂قلت ليهم كيفكم قالو كويسين حلاتهم ياخ 😍🌺😋قعدت معاهم شويه امي ختت الاكل اكلنا كلنا بعد شويه جا مؤيد ج داخل يصفر 😂😂مجنون خلاص اول ما شاف حسام بقا مقلع عيونو قال أعوذ بالله من الشيطان الرجيم 😂😂😂داير يتحرك حسام قال ليهو يعني ما حتسلم علي 😕😑قال ليهو يعني انت جدجد ما خيال 😂😂😂قال ليهو لالا كضب كضب مشتاقين ي خوه مويد حلف كان يخليهو 😂😂😂ماسكو اليوم كلو طبعا هم قريبين لبعض شديد وبحبو بعض ♥️🌺طلعت غرفتي ضربت لنور عيوني 💃💃♥️
انا :عصومم ي عصوم حبيب قلبي ♥️♥️
معتصم :روح حبيبك انتي وين اليله مشتاق ليك ضربت ليك ما رديتي☹️💕
انا :معليش ي بيبي مرقت الشله وكده وجيت لقيت حسام ج قعدت اتونست معاهو ♥️
معتصم :خلاص ببكره نتلاقى عاازماك غدا لانو مشتاق ليك شديد
انا :انا كمان والله اتونست معاهو وقفلت 💃
جهزت ملابس تاني يوم وظبطت المنبه ونمت
تاني يوم صحيت مخلوعه لبست سريع سريع نزلت تحت لقيت جيهان وجواد بتجارو 😂😂وابوهم ساكيهم
جيهان :جواد ما تخليني بابا حثلني عايز يددني 😭(بابا حصلني حيدقني)
جواد وقف مسك يد اختو وبقو جارين سوا 😂😂😭😂😭😂😂😂😂😂ياخ حلوين حلا وابوهم ميت من الضحك نزلت بستهم قعدت اتونست شويه معاهم وطلعت مشيت الجامعه لقيت حاتم وعثمان بتجارو 😂😂😂ياخ اكتر جوز بتشاكلو توم وجيري بس عثمان ج مسكني قال لي تسنيم عايني حيدقني 😂😂😂قعدت أضحك فيهم قلت ليهم بطلو هبل عاينو الجامعه كلها بتتفرج فيكم مشينا خشينا المحاضره حددو موعد الامنتحانت دي اخر امتحانات وتاني نخلص بس يكون التخريج ونتخارج 😭💃💃طبعا ما ناقشين حاجه نحنا لقيت تلفوني بضرب لقيتو معتصم
انا :هلا حبيبي
معتصم :اهلين اها اتحركتي حنمشي برشلونه
انا :طيب هسسي بتحرك خلصت انا
معتصم :طيب خلي بالك من نفسك
انا :اوكي ♥️قفلت منو
مشيت للشله قلت ليهم انا طالعه مع عصوم نتلاقى بكره
شغلوها لي اتجاوزتهم
اتحركت وصلت برشلونه لقيت معتصم مشيت قعدت معاهو
معتصم :حبيبي الحلو اشتقت ليك عديل والله
انا :انا اكتر والله العظيم حددو لينا الامتحانات وخلاص كده خلصنا 💃
معتصم :بالتوفيق ي رب حبيبي اقري كويس عشان تنجحي وبعدها حاجي أدق باب بيتكم عشان اقول ليهم عندي عندكم روحي جاي استلمها 💃
انا :قول والله يعني حنعرس واخيرا 💃💃
معتصم :ايوه ي روحي حنعرس وتكوني ملكي
طبعا واتحمست شديد طبعا معتصم د بحبو مممووتتت لكن ناس عثمان بقولو لي خلي بالك منو لانو شاكي فيهو لكن عمري ما كسرت ثقتي فيهو دايما بجيني كلام انو عمل وسوا بس ما بشتغل بيهم بقول ديل ناس دايرين يخربو علينا عشان شايفننا مبسوطين.
بعد ما اكلنا عزمني اسكريم اكلنا ورجعت البيت مبسوطه 💃طوالي رجعت البيت لقيت حسام في التلفزيون قعدت أتونس معاهو قال لي هسي مافي زول بتحبيهو ولا كده اعتبريني صحبتك واحكي😂😂😂😉😉
طبعا خجلت شديددددد رصيت ليهو قصتي مع معتصم كلها وانو حيتقدم لي وكده وما خليت حاجه بالجد ياخ لمن يسألوني من معتصم برص اي شي معتصم د اغلي شي عندي لو جاتو حمه ساي ما بنوم في البيت العارفني بحبو مؤيد وعلياء 😍😘
حسام :اختي حبيبتي كبرت وبقت تحب ربنا يخليكم لبعض بالجد حبك ليهو ظاهر من اللمعه ألفي عيونك وانتي بتتكلمي عنو بالنسبه لي انو جاي يتقدم وكده طوالي يجي
انا قلت ليهو انو بعد اتخرج وكده حيجي جو ناس امي قعدنا نتونس طلعت فوق ضربت لمعتصم ما برد 😢خفت عليهو شديد رجعت ضربت ليهو كتير في النهايه رد
معتصم :ياخ مالك كنت في اجتماع ومعاي ناس وانتي زانه لي في راسي اصبري شويه
انا :(خفت لانو اول مره بتكلم معاي كده) 😢💔قلت ليهو اسفه بس كنت عايزه اتطمن عليك
معتصم :انا كويس انا هسي معاي ناس لمن اخلص برجع ليك 😑
انا :طيب قبل ما اقول مع السلامه قفل الخط ضربت التلفون بالأرض وقعدت ابكي 😢😢😢💔💔نمت وانا ببكي صحيت بصوت التلفون لقيتها اسيل
انا :رديت ليها وزهجانه ونعسانه احكي
اسيل :تسنيم ما عارفه اقول ليك كيف بسس افتحي الانستا وشوفي
انا :في شنو ي بت اتكلمي
اسيل:افتحي وشوفي قفلت
فتحت الانستا و...........
اشوفكم ♥️
