خشيت المطعم ولقيت المفاجاه 😱صرخت بي اعلي حس عندي 😂😂😂😂ما تخافو حاجزين المطعم كلو لينا بس 😂لقيت شادي وناردين نزلو السودان 😱والباقين جريت سلمت عليهم ياخ مشتاقه ليهم شوق الحرص قعدو في طربيزهه ونحنا في طربيزهه اسيل قالت لي واي ي تسنيم بقيتي مشهوره وحرص وحركات ما شاء الله والله 😂😂😂😂قعدت اضحك قلت ليها قولي عاجباك قصه الحرص بس قالت لي اي والله ما بتخافي انتي شوفيهم معضلين كيف؟ 😂قلت ليها في الأول قلبي وقع في رجليني لكن اتعودت بقينا نتونس تلفوني ضرب لقيتو مصعب ما رديت عليهو 😏اسيل قالت لي ما تردي هسي في واحد زي مصعب د يقفلو فيهو الخط اححي بس ولد زي عامل زي الشيه البتطلع من النار من سماحتو 😍قلت ليها ي بت اخجلي شويه وبعدين انتي مخطوبه صح 😂😂😂😂شادي قال لي اها ي تسنيم كيف الشغل وكده قلت ليهو تمام والله بس ما بلقا طريقه احك بيها راسي وكمان عندنا منافسه تاني مع نفس الشركه دي 😭حاتم قال لي خلي بالك من الراجل داك ممكن ياذيك بي أي طريقه قلت ليهو ما خايفه منو والله وبعدين انا هسي بي امكاني امشي افتح فيهو بلاغ قالو لي كيف انتي المره الفاتت ما قلتي د ما هو🙃 قلت ليهم تعالو اديكم الذبده طبعا انا كنت شاكه فيهو ما متأكده بس مصعب ساعدني في انو نصل لي الزول الورا الموضوع د في الأول عرفنا مكان العربيه ومشي مصعب لصاحبها ومعاهو الحرص مسكوهو لحدي ما ضغطو عليهو طلع حسين ورا الموضوع فعلا وكان عايز يتخلص مني للأسف والولد اعترف بي كل حاجه حتي كمان معاهو تسجيل لمن حسن اتفق معاهم بي كده 😢وطبعا د كلو مسجل صوت وصوره😉يعني الحكايه واضحه وكل الدلائل في يدي يعني لو عمل اي حركه كده ولا كده مكالمه واحده بتوديهو في دهيه طبعا ما وريت ناس البيت عشان حيحموني من الشغل طبعا د التعبت عشانو مستحيل اخليهو عشان خايفه من راجل فمصعب جاب لي حرص فعلا ☺️♥️شادي قال لي لاحوله للدرجه دي قلت ليهو واكتر كمان متوقعه منو اي حاجه د عثمان قال لي ما حنقدر نقول شي غير خلي بالك من نفسك لانو عارف راسك قوي وما حتسمعي الكلام ناردين قالت لي وبعلي ي تسنيم بغض النظر عن حسن وعمايلو بس مصعب د راجل ما شاء الله عليو قلت ليهم زكرتوني احكي ليكم 😁❤️حاتم قال لي وقعتي ولا شنو 😉😉😂😂قلت ليهو شبهه كده والله ♥️طبعا من يوم المستشفى أعجبت بيهو لحدي ما بقينا أصحاب كل يوم لازم اديني مقاله عن اخلي بالي عن نفسي بحبو ياخ وبحب كل حاجه فيهو اهتمامو ضحكتو و حنيتو علي ورجولتو معاي 😔♥️بس خايفه اعترف اخسرو لانو فعلا كل ما اكون زهجانه يضحكني هو الحببني في الحياه دي 😭خوفو علي حببني فيهو اكتر وهو كل يوم بدي الحرص تعليمات انو يخلو بالهم مني 😭♥️♥️عثمان وحاتم وشادي بقو يصفرو شويه كده سمعت صوت مصعب وهو بقول لي وانا بعشقك ي احلي تسنيم ♥️♥️♥️قلت أمكن بتخيلي بكيت زيادة ابيت اتلفت شويه لقيتو بمسح في دموعي قال لي بحبك والله ي تسنيم كنت دايما بدعي في صلاتي انو تكوني من نصيبي (كده عرفتو الشخصيه المجهوله الكانت بتدعي انو ربنا يجعل تسنيم من نصيبها ياهو مصعب ♥️😭) طبعا بقيت اتمتم قلت ليهو صح قلت ما جاي 🌚قال لي ما يرضيني اخلي حبيبتي زعلانه مني عشان كده جيت وسمعت كلامك من الاول ❤️😉غمز لي طبعا خجلني نزلت راسي 😂😂♥️♥️شويه وشفت الحرص شايلين جاتوهات كتيره وفيها شموع 😯قال لي تسنيم تقلبي بي اكون شريك حياتك😍♥️
حاتم :راجل وسيد الرجال ما بتقلي زيو
شادي :وبحبك وافقي
عثمان :حكي لي بي حبو ليك بصراحه عمري ما اتخيلت زول يكون يحب زول قدر د انا غايتو مع حاتم وشادي ♥️اها قلتي شنو
انا :اساسا موافقه من غير ما تقولو عنو حاجه😂😂😂
كلهم ضحكو وناردين و اسيل فكو الزغاريت 😍مصعب كان بعاين لي وفي لمعة في عيونو قال ليهم الخطوبه يوم الخميس الجاي ان شاء الله طبعا انا دايره انطط بس قلت ي تسنيم بطلي الخفه 😂😂😂ابتسمت طبعا بعد شويه الحرص ختو الجاتوهات كلها طبعا كل واحده فيها صورتي 🎈هم تلاته قعدنا كلنا بقينا نتونس ومصعب ما فكه يدي خالص 😂🎉وانا دايره اطير من الفرحه 💃💃لمن قمنا طالعين حاتم قال لينا احلا ثنائي لاقوني ربنا يحفظكم 😉😍قلت ليهو تتسلم ياخخ 😍😍😍♥️مشيت مع مصعب العربيه الحرص قالو لينا ربنا يخليكم لبعض يارب 😍قلنا ليهم امين مصعب قال لواحد يرجع لي عربتي مشينا شارع االنيل ركبنا فلوكه 😍😍برانا طبعا مصعب فضل يعاين لي نهائي ما نزل عيونو مني قلت ليهو مصعب ياخ 😂قال لي مالك قلت ليهو خجلتني عديل بي عيونك د 😂😂😂😋مسك يدي وضغط عليها قال لي من أول يوم شفتك فيهو وخشيتي قلبي واوعدك ي تسنيم حاخليك اسععد وحده وعمري ما حازعلك😭❤️دموعي نزلت مسحهم لي قال لي ها نبققي علي الخطوبه يوم الخميس؟ قلت ليهو ايوه ان شاء الله قال لي طيب يلا ناكل وارجعك ☺️❤️طلعنا قلت ليهو ارح كاتي نفسي في زلابية بالشوكولاته 😋قال لي بس كده طوالي مشينا قعدنا نتونس اكلنا اللزلابيه لمن جينا ندفع الحساب مصعب قام مع الولد اتكلم معاهو ورجع طبعا الشمار حرقني 😁😂😂😂رجع قلت ليهو يلا نمشي قال لي ثواني بس قعدنا نتصور ج الولد شايل لييهو كيس اسود شالو مصعب وركبنا العربيه قال لي خلي تلفونك فاتح ونومي بدري فاهمه قلت ليهو حاضر 😂😂😂😂وصلنا دايره انزل قال لي حبيبي قلت ليهو عيونها 😍قال لي اححححي من عيونك قلت ليهو لخص 😂اداني الكيس القبيل قال افتحيهو بعدين حاشتاق ليك 😍😘قلت ليهو وانا كمان نزلت وانا الفرحه ما ساعياني دخلت البيت ارقص وانططت 💃💃💃😂واغني لقيت البيت كلو بعاين لي 😂😂قالو لي مالك قلت ليهو مصعب أتقدم لي
ابوي : 😯قال لي مصعب الكان واقف معانا يوم المستشفى؟
انا :ايوه ياههو زاتو
مؤيد :جا حضني قال لي اخيرا انا غايتو موافق وغمز لي لي 😂😂😂مصعب راجل وحيقدر يسعدك بستو في خدو
اامي :فكت الزغروته قالت لي اانا موافقه عليهو ربنا يسعدك ي بتي قلت ليها امين ي حبيبتي بستها في رأسها
علياء :وبعلي وبعلي والله ما بلقي زيو لي اختي قلت ليهو قمري انتي ياخ حضنتها
ابوي : انا زاتي موافق ما بلقي احسن منو لبتي خليو ييجي في أي وقت
طبعا فرحت فرح وحمدت ربي بي انو اداني اهل زي ديل جيت حضنتهم كلهم 💃♥️فتحت الكيس قلت ليهم تعالو نشوف خاتي ششنو ختيتو في الصفرة لقيت عباره عن زلابية بي الشوكلاته 😋مختوت فيها شوكلاته مكتوب فيها بحبك ي سعادتي ❤️كلهم بقو عاملين كده 😯😯😯😯😯😯انا 😂😂😂😂😂😂اكلنا طبعا كلهم شغلوها لي😆 طلعت فوق ضربت لحسام
حسام : مسا مسا ي حلوه
انا :مساء السرور علي اخوي السمح
حسام :اخبارك
انا :عندي ليك خبر حلوووو
حسام :احلفي قولي طيب
انا :تتذكر مصعب الكان معانا في المستشفي لمن ضربوني الرجال؟؟؟
حسام :ايوه متذكرو
انا :أتقدم لي 💃🎉
حسام :احلفي😮 انا موافق لانو وقف معانا وقفه رجال ومتاكد انو حيسعدك
انا :حبيبي ياخ اها حتنزل السودان صح الخطوبه يوم الخميس ان شاء الله
حسام : والله عندي رحله لكن بشوف طريقه وبجي عشان في نفس اليوم د عيد ميلاد جيهان وجواد اعملو بالمرة معاكم وبخلي ميار تنزل السودان
انا :حبايبي ياخ خلاص انت وريها تنزل السودان وانا هسي بضرب ليها اوريها بالخطوبه قفلت منو ضربت لميار
انا :مرت اخوي السمحه
ميار : تسنيمو مشتاقين ياخ وين مختفيه كده اخبارك
انا :ككتتيير والله العظيم ي ميرو +والله مع الشغل ما بلقي طريقه امسك التلفون كيف الاولاد
ميار :كويسين الحمد لله
انا :خطوبتي يوم الخميس ان شاء الله 💃💃🎉جهزو حاجاتكم عشان حتجو السودان 😂
ميار :زغرتت في التلفون 😂😂الف مبروك ياخ ربنا يتم ليك علي خير اتفقنا انو تجي ونعمل عيد ميلاد الاولاد وكده مشيت غيرت فتحت المكيف والتلفزيون وقفلت النور 💃قعدت احضر في فلم مصري اسمو عسل اسود 😍مندمجه مع الفلم ضرب لي مصعب قعدنا نتكلم في الخطوبه وكده... لحدي ما نمت في الخط من غير ما اجهز هدوم بكره 🐸😂😂صحيت تاني يوم لقيت اول شي الخط فاتح والحمد لله تلفوني كنت موصلاهو في الشاحن وبتكلم ختيت التلفون في اضاني سامعه صوت انفاسو 😆عرفت التلفون قريب ليهو شديد قلت الو ما رد شويه وصرخت بي حس عالي وهو قام مخلوع 😂😂😂😂لقا غرفتو فاضيه لقاني دي انا في التلفون قال لي ي بت انتي كويسه 🤣🤣قلت ليهو صباح النور 😂😂اي كويسه وبعدين خليت الخط فاتح ليه قال لي ساي بس يلا علي الشغل😂 قفلت قمت اخت دوش لبست فستان كبدي فيهو كمر في النص بالاسود وكعب بالاسود ولبست طرحه مشكله شلت المفتاح والشنطة نزلت مستعجله قلت بشرب في المكتب صحبت علي ناس البيت ومرقت صبحت علي الحرص قلت ليهو الشهر د مرتباتكم حتجيكم الضعف مرتين ☺️❤️فرحو طبعا 😂😂اتحركنا علي الشركه صبحت علي اي زول جا سلم علي خشيت المكتب جاتني علا قالت لي لبستك عينه لكن 😂😂😉😉قلت ليها عازماك يوم الخميس خطوبتي قالت لي احلفي بس العريس منو 😮قلت ليها مصعب تذكريهو صح؟ قالت لي العميل الكان جا قبل شهر تغريبا قلت ليها هو الانقذني من الرجال الضربوني علي فكره 😂😂قالت لي وبعلي لكن عاد هو سمح سماحه احي قلت ليها ي بت اتلمي 😂😂قلت ليها جيبي لي نسكافي طلعت جابتو وواصلت شغلها شربت النسكافيه وبديت الشغل لفت انتباهي ورقه في الطاوله فتحتها لقيت مكتوب فيها "حاكسب المنافسه المره دي ولو خسرت حاقتلك بي يدي" طبعا خفت كوركت لعلا قلت ليها الخش المكتب منو قالت لي والله ما انا طوالي نزلت غرفه كميرات المراقبه طبعا في أي مكتب في كاميرا بس مغير ما الموظفين يعرفو شفت مكتبي الصباح بدري الساعه ٥ و٣٤ دقيقه لكن ما ظاهر وشو طلعت للبتاع الأمن قلت ليهو في زول دخل هنا ما شفتو؟ حوالي الساعة ٥ كده قال ابدا والله ي استاذه امكن كنت بصلي وغفلني ضربت لمصعب قلت ليهو تعال لي الشركه قال لي تمام مسافه السكه قفلت الخط وانا طالعه المكتب سمعت واحده بتصرخ نزلت لمحل الصوت لقيت د بكري بتاع تعين الموظفين بتعدى علي وحده كوركت للحرص واديتو كف قدام ناس الشركه قلت ليهو انت واحد حيوان ولا شنو كيف تعمل كده قال لي اسف والله ما كنت قاصد قلت ليهو أمم قلت ما قاصد د كمان فيهآ ما قاصد انت مرفود من غير نقاش 😊✋ولحدي هنا وكفايه ولو لقيتك ختيت رجلك في الشركه دي ما تلوم الا نفسك فاهم يلا اطلع برا بقيت برجف من شده الخوف مشيت حضنت البت قعدت تبكي بي حرقه لحدي ما اغمي عليها شالوها الناس دخلوها المكتب عملت ليها جلكوز شربتها قامت قعدت تصرخ قلت ليها اهدي مافي حاجه اهدي قعدت تبكي حضنتي ياخ لمن ضربات قلبها سامعاها خليتها لمن هدت كده قلت ليها احكي لي الحاصل قالت لي كنت بشتغل فجأه جا بكري خاشي المكتب بتاعي كان بقرب مني وشغال بقول في كلام فارغ داير يصلني كوركت بس وانتي جيتي قلت ليها هو اترفد خلاص اهدي جبت ليها سندوتش وعصير قلت ليها لو ما قادره تواصلي ممكن ترجعي البيت هزت راسها ومرقت خليت واحد من الحرص يوصلها خشيت المكتب ختيت راسي في المكتب وبتحسبن ألقاها من منو ولا منو اووف شويه كده خشت علا قالت لي استاذ مصعب وصل ادخلو؟ قلت ليها اي دخلي مرقت ج خاشي قال لي في شو لقيت تحت الحته جايطه قلت ليهو كان في واحد اتعدا علي بت وطردتو قال لي لا حوله ياخ 😥💔قلت ليهو تعبت ياخ قال لي في شنو ي حبيبي جبت ليهو الورقه قرأها ملامح وشو اتغيرت قال لي د حسن صح؟ قلت ليهو في غيرو قال لي تسنيم ما عندي استعداد اخسرك انسحبي من المنافسه دي قلت ليهو بتبالغ ي مصعب الشركه دي كنت ببني فيها عشان تصل للقمه وهسي اجي اتنازل عشان خايفه منو مستحيل طبعا انا حاكمل في المنافسه وما حنسحب منها واعلا مافي خيلو يركبو يلا ✋قال لي لكن د كده في خطر علي حياتك وحياه اهلك ي تسنيم ممكن ياذي اي زول فيكم سكت ساي قال لي خلاص نزيد الحرص ويكونو في البيت كمان عشان نضمن سلامتكم قلت ليهو تمام قال لي خلصتي شغل؟ قلت ليهو ما بديت اساسا قال لي خلاص لمن تخلصي اضربي لي نتغدا سوا؟ قلت ليهو زيتون مرق قلت لي علا جيبي لي قهوه قالت لي تسنيم ممكن اعرف منو الخت الورقه قلت ليها ما عارفه لسه قالت لي لكن كده في خطر علي حياتك قلت ليها لو الموت د كلنا حنموت بس ما حنسحب من المنافسة دي قالت لي الله يحفظك وطلعت بقيت اشتغل في الرسومات خلصت واحد لقيت تصميم لبيت صغير كنت راسماهو ونسيتو بقيت اعاين فيهو ختيتو بالجمبه بقيت شغاله في التصاميم التانيه خلصت خليت واحد من الحرص يسوق لانو فقدت التركيز وراسي صدع وصلت البيت سلمت علي ناس امي وطلعت نمت طوالي ونسيت مصعب 😂😂😂وانا نايمه صحاني تلفون من مصعب قال لي انتي نمتي ولا شنو وانا منتظرك قلت ليهو والله لمن فقدت تركيزي قال لي طيب انا زاتي هلكان ماشي انوم قلت ليهو طيب قفلت كملت نومي تاني يوم صحيت علي صوت علياء
علياء :ي بت تسنيم ما ماشه الشغل ولا شنو وبعدين د شنو الحرص ألفي بيت ديل برضو
انا :نطيت من السرير قلت ليها حرص شنو ي بت قالت لي تعالي شوفي من شباكك لقيت الحرص محاوطين البيت اتسوكت و شلت لي توب ونزلت فتحت الباب القا ليك واحد كده وافق زي الصنم ما شاء الله قلت ليهو انتو الاداكم امر انو تجو منو قال لي استاذ مصعب انا طبعا نسيت زاتو ضربت لمصعب قلت ليهو ي ولد انت قايلني نازله حرب القا البيت كلو محاصر بالحرص انا زاتي خفت 😂😂😂😂قعد يضحك قال لي الناس بتقول صباح الخير المهم ي بيبي انا عشان خايف عليك بس جبت الحرص يعني فتره مؤقته قلت ليهو طيب 😑قال لي وبعدين بعد تلاته يوم ما بعيد تكوني مرتي 😕قلت ليهو مرتك كيف انحنا حنعمل خطوبه قال لي أمم طيب قلت ليهو مصعععب ما تكون ناوي تقلبها عقد قال لي لالا ما مستعجل انا علي التدبيس قلت ليهو تافهه 😒😂ضحك قال لي وانا بعشقك ي روحي ضحكت😂😂😂 وقفلت مشيت جهزت هدومي واخدت دوش ولبست نزلت لقيت ابوي قال لي ي بت الحكايه شنو محاصره البيت كلو حرص قلت ليهو د مصعب ما انا والله قال لي امشي وتعالي سمعت امي قالت لي يعني ما دايره ملاح نعيميه قلت ليها احلفي عاملاهو؟ قالت لي هدا جهز طوالي قعدت في الصفرة وابوي يضحك فيني مشيت جبت الصحانه من المطبخ وجينا قعدنا مؤيد ج نازل قلت ليهو ميدو ي ميدو الشوق قال لي تسنيم والله مشتاق ليك وين انتي حتي في البيت ما بتظهري قلت ليهو الشغل بس تقول شنو تعال اكل الشغل د خام قال لي اساسا جاي اكل 💃قعدنا ناكل جات علياء قعدت اضحك فيها قلت ليها العروس 😂😂قعدت تضحك قالت لي واي ما تزكريني اكتر شي كرهتو الحبسه دي 😂😂قلت ليها مافي مشكله وسام بفسحك قعدت تضحك قعدنا ناكل قالت لي ما حتأجزي للخطوبه قلت ليها بكره مؤجزه بس لانو الشغل كتتير عندي قالت لي زابط قلت ليهم يلا لبعدين مرقت قلت للسواق وديني مستشفي الراقده فيها ام معتز قال لي طيب وصلنا سلمت عليهم لقيتهم مدخلين ام معتز الكيماوي والعمليه يوم السبت معتز واختو بكو بكا انا زاتي اتاثرت 😭💔قعدت معاهم وطلعت قلت لي واحد جيب لي عصاير وسندوتشات ومويه وانت راجع قال لي تمام خشيت المكتب قلت لعلا اعملي حسابك اليله حتبيتي معاي قالت لي طييب 💃💃فضل لي في ٣ تصاميم خلصت منهم قلت لعلا اضربي للعملاء عشان يستلمو التصاميم قالت لي طيب خلصت من الاجتماعات اخر واحد كان برضو حق علي محمد عوض قال لي بكره خطوبه ولدي معزومه (طبعا هو ما عارف انا العروس 😂😂😂😂) ضحكت فيهو قلت ليهو ولدك هو خطيبي 😂😂😂😂نطط عيونو 😮😮قال لي انتي جاده ما اتخيلتك انتي ولدي محظوظ والله بيك قلت ليهو تسلم ي عمو😍 قال لي خلاص نتلاقي بكره ان شاء الله طلعت من غرفه الاجتماعات كان المغرب اذن 😭مشيت صليت في المكتب وطلعنا انا وعلا ومعانا الحرص وصلت البيت لقيت حسام وميار والأولاد وصلو قعدت انطط سلمت عليهم اخدت دوش مشينا انا وعلا وميار وعلوش المظله البي ورا البيت طبعا علا قالت الا تسبح قلت ليها الا يجي الراجل ينضف الحوض لانو مافي زول بدخلو 😂😂قالت لي د لو عندي تلقي فطوري وغداي كلو فيهو 😂😂😂ضحكنا فيها قلت ليهم دقيقه اضرب لاسيل وناردين ضربت ليهو قلت ليهم تعالو بيتو معاي طبعا ما صدقو طوالي جو طبعا ناردين راجلها رجع أمريكا وهي قاعده هنا 9شهور جو قعدنا نتونس مشيت عملت فيشار و جبت بارد وطلعت فوق لقيت جيهان وجواد راقدين في الأرض وبحضرو 😂😂😂😂😂✋قعدت اضحك (طبعا غرفتي اكبر غرفه فيها سرير دبل كبير طبعا غرفتي بعد اشتغلت ضربتها بالبمبي ومليتها دباديب بس جيهان كل ما تجي بترجع بي دبدوب 😂😂😂وفيها طقم جلوس عباره عن كنبه كبيره وكرسين صغار وطربيزه طويله) رقدنا كلنا في الأرض جواد نام ميار مشت ودتو لابوهو وجيهان حلفت كان تنوم 😂😂😂😂بس شغاله تحضر معانا فتحتنا مسلسل مصري كنت منزلاهو في فلاش فتحناهو في الاب ومنها بي وصلة في الشاشه قعدنا نحضر لحدي ما نمنا تاني يوم صحيت ولقيت 😮😮😮........
اشوفكم ♥️
