قال لي للأسف دخلت في غيبوبه والله اعلم تصحي منها متين لكن مدام بتتنفس يبقى نحمد الله على انها لسه عايشه عن اذنك مشا لقيت امي وابوي ومؤيد وميار واصحابها كلهم وراي ببكو انا زاتي غلبني والله قعدت ابكي بعد شويه قلت ليهم ارجعو كلكم وتعالو الصباح ابو قعدت احنس فيهم ما رضو ي الله مشيت للدكتور قال ليهم هي كويسه حتي راسها كويس بس دخلت في غيبوبه ارجعو ارتاحو وتعالو بكره بعد مسافه حتي رجعو قعد معاي مؤيد قعدت شويه مشيت دكتور قلت ليهو ممكن اخش ليها قال لي ممكن بس 5 دقايق بس قلت ليهو تمام نزلت شلت مصحف من عربتي ودخلت ليها قلت ليها تسنيم حبيبتي كلنا مستننك امي وابوي ومؤيد وعلياء وأصحابك كلنا مستننك (طبعا علياء حالتها كعبه شديد ما بتتكلم خالص ولا بتاكل ولا بتشرب بس ساكته ساي) قريت ليها قرآن وطلعت فتحت تلفونها خشيت المكالمات بالغلط لقيت اخر مكالمه من نبضي وخاته قلب وخاته صوره معتصم ربطت الأفكار لمن الدكتور قال عندها صدمه وانهيار عصبي قلت أمكن هو السبب ليها الصدمة دي🙄 تسنيم عندها تطبيق بسجل المكالمات فتحتو سمعت المكالمه كلها طبعا انهرت انا زاتي ما عرفت اعمل شنو يعني كسر اختي عشان حبيبتو القديمه لا وكمان بقول ليها كنت بحبك عشان املى وقتي قلت معناتو هو السبب 💔😒عندي صحبي بتاع إلكترونيات طوالي ضربت ليهو قلت ليهو معليش بس محتاج ليك في خدمة دايرك تعرف لي معلومات كامله عن زول قال لي جدا ما عندك مشكله بس وريني رقمو مليتو رقم معتصم قال لي تمام ي زول في أقرب فرصه بتلقى عندك معلوماتو قلت ليهو اي عليك دايرها معلومات كامله شغلو وسكنو وكلو قال لي قدام ي زول قفلت علي كده بقيت اتكلم مع نفسي قلت لو ما ندمت ي معتصم علي كسره قلب اختي ما ابقي حسام ولد ياسر 😠😠ضربت لناس الشغل حكيت ليهم ليهم ظروفي اتعاطفو معاي عشان اساسا ما قاعد اخد إجازات كتيره قلت ليهم خلوها لي فاتحه الاجازة بس اختي تفتح 💝وافقو قفلت علي كده 😴مره اسبوعين وتسنيم ما صحت من الغيبوبه وكلنا يومي معاها وعلياء لمنن دخلوها لدكتور نفسي اتكلم معاها حتي بقت تاكل واتحسنت واصحابها ما فارقونا لحظهه فعلا تسنيم محظوظه بي اصحابها واهلهم برضو ما قصرو و صحبي جاب لي معلومات عن معتصم بس مستني تسنيم تصحي بعداك اتصرف معاهو 😠💔يوم وانا في غرفه تسنيم بتكلم معاها قلت ليها معقولا ي تسنيم اسبوعين انتي في غيبوبه اصحي حبيبتي بعد د اشتقنا ليك شديد اشتقت لهبالتك ولطلباتك 😭قعدت ابكي فجأه حسيت بي يد زول بتمرر علي شعري وزول بققول لي ما تبكي رفعت راسي لقيتها تسنيم فتحت بقيت احك في عيوني قالت لي الناس بتقول حمد الله على السلامة ما بتحك عيونها هههه😂😂😂بعدها بكيت ععددديل وحضننتها قلت ليها اشتقت ليك ي مجنونه الله الله يخليك ما تمشي تخلينا تاني انتي عارفه برا اصحابك وامك وابوك ومؤيد وعلياء وناس كتتتتتتار اشتاقو ليك شديددددد ليك اسبوعين في غيبوبه ي زوله ما تمشي تخلينا وحضننتها شديدد 😭❤️❤️❤️طلعت برا
بلسان تسنيم :
فتحت عيوني وراسي داير يطق من الصداع حسيت في زوول جمبي لقيت حسسام ببكي ودافن راسو في يدي وبتكلم ابتسمت قلت ليهو ما تبكي رفع راسو بقى يدعكك في عيونو قلت ليهو الناس بتقول حمد الله على السلامة ما بتحك عيونها زيك كده 😑😂😂حضني شديد وبقا يتكلم بس اتفاجأت لمن قال لي اني لي اسبوعين في غيبوبه شديت علي التشريت بتاعو مسحت ليهو دموعو قلت ليهو خلاص ما تبكي طلع برا بعد شويه جا الدكتور وبي وراهو اتفاجأت ليك بي مؤيد ملامحو لمن متغيره ولا امي بقت ضعيفه شديد وابوي وعلياء بس دموعها جاريه واصحابي أشكالهم لمن متغيره أشكالهم تحزن عديل تقول ديل عندهم زول ميت ليهم بقو واقفين الدكتور قال لي ممكن تطلع بعدين لانو كناا منتظرنها تصحي حنكتب ليك ادويه تصرفييها ومرق ♥️قمت بعد تعب حضنت امي وابوي قعدو يبكو قلت ليهو ما تبكو مشيت لمؤيد حضني عليهو شديد انا زاتي بكييت لمؤيد بقا يقول لي عليك الله ما تمشي تاني حاجيب ليك كل االعايزاهو فكاني مسح لي دموعي وباسني في راسي مششيت لعلياء قلت ليها بتي الشينه قعدت تضحك حضنتني قالت لي تاني ما تخلينا قلت ليها ان شاء الله حبيبتي ❤️❤️وراها لقيت اعز أصحاب في حياتي لقيتهم كلهم واقفين سوا ناردين جات حضنتي شديد وبقت تبكي بي اعلي صوت قالت لي حمد الله على السلامة حبيبتي قللت ليها الله يسلمك مسحت ليها دموعها قلت ليها لو بكيتي البجيب ليك توب الهزاز بتاع الجرتق منو 😂😂😂😂كلهم وسط دموعهم ضحكو (طبعا دايما بكاويها بي انو اجيب ليها في عرسها تتوب هزاز في الجرتق) تاني اسيل وقفت قدامي قالت لي للو كنتي مشيتي خليتني كنت حنتتحر حضنتها قلت ليها بععد الشر ي حبيبتي بعدها مشيت وقفت قدام حاتم وعثمان وشادي اشكالهم لمن متغيره حااتم وعثمان عيونهم مرقرقه من الدموع وشادي دموعو نازله وبعاين لي قلت ليهم مما بتبكو انا بقيت كويسه سكتو ساي قالو لي حمد الله على السلامة قلت ليهم الله يسلمك بجد ياخخ الاصحاب ديل ما بتلقا زيهم ياخ سند وحنينه ومحبه ❤️🌹
بعدها رجعنا البيت و.........
اشوفكم ❤️🌹
