قالت لي حاتم د عمل حادث هسي اهلو اتصلو علي 😭😭😭
قلت ليها واااي في يأتو مستشفي قالت لي يستبشرون قفلت منها سريع شلت لي عبايه سودا ومعاها طرحه ومرقت بي شبشب البيت شلت المفتاح سريع وصلت المستشفى سالت بتاعت الاستقبال قالت لي في غرفة العمليات الطابق الثاني بقيت عامله كده لمن قالت لي عمليات 😢😢😢جريت في السلالم لقيت في ناس متجمعين في النهايه سلمت عليهم لقيت ناردين واسيل وشادي شويه كده ج عثمان وعيونو وارمه قال لي حاتم مالو ي تسنيم قلت ليهو عمل حادث وهسي ففي العمليات بقا ساكت ساي (طبعا هو حنين شديد 😢♥️) شويه كده جو الدكاتره طالعين قالو حالتو مستقره وكويس بس ككان مضرر ففي الراس لكن الحمد لله عدا من مرحله الخطر😥 عثمان قال الحمد لله مشينا حمدنا السلامه لأهلو لقيت في وحده غريبه كده بيضاا ووشها شاحب وعيونها حمرا سلمت عليها رجعت قلت لعثمان دي منو قال لي دي حبيبتو قلت ليهو اااا طلعت الكفتيريا عشان اشرب مويه شربت لمن دايره اطلع لقيت حبيبه حاتم قاعده وبتبكي بي حرقه😔 مشيت قعدت جمبها قلت ليها قولي الحمد لله عدا مرحله الخطر رفعت راسها قالت لي اانا خايفه يسيبني قبيل قال لي ما حيخليني😭😭قلت ليها حاتم قوي وان شاء الله مرحله وتعدي مسحت عيونها بي طريقة طفوليه 🤤قالت لي انا شهد قلت ليها انا تسنيم ياسر صحبتو ربنا يخليكم لبعض قاالت لي امين ي رب وتسلمي ربنا يخليلك قلت ليها امين مشيت جبت ليها مويه قلت ليها اشربي طلعنا فوق اسيل قالت لي كنتي وين قلت في الكفتيريا قاالت لي ايواا شويه كده تلفوني ضرب لقيتو مؤيد قال لي وين انتي قلت ليهو حااتم عمل حادث وانا هسي في المستشفى قال لي لا ياخ ان شاء الله جات سليمه قلت ليهو الحمد لله قال لي في أي مستشفى ققلت ليهو يستبشرون قال لي تمام قفلت رجعت ليهم شويه كده قالو حاتم فتح طبعا القاعدين امو وابوهو واختو وحبيبتو وانحنا واالبباقين رجعو طبعا شهد لمن قالو ليها كده جرت لمن شافتو وقعت في الواطه من البكا😭😭😭😭 خشو اممو و ابوهو حمدو ليهو السلامه بعدها خشينا نحنا قلت ليهو الف حمد لله على سلامتك تاني خلي بالك في الطريق قال لي الله يسلمك ان شاء الله بعدها شهد قالت ليهو حمد الله على السلامة عاين ليها مسافه و ابتسم قال ليها الله يسلمك ي حبيبي 😍♥️قال ليها ما تبكي خلاص مسحتت دموعها بعد استاذنت منهم طلعت رجعت البيت لقيت امي وابوي قاعدين قالو لي اها كيف بقا قلت ليهم كويس الحمد صحي قبيل هسي ماشه ارتاح وأمر عليهم بكره مشيت الاوضه لقيت علياء نايمه وفاتحه خشمها 😂😂😂ضحكت ضحك طوالي نمت صحيت الصباح لقيت امي عملت سندوتشات وشوربة وعصاير مشو معاي امي وابوي ومؤيد وعلياء وصلنا سلمت علي امو اوبوهو واختو كان في بت قالو دي اخت شهد بصراحه البت جميله جمال ما طبيعي ما شاء الله عليها 😍 خشيت الغرفه بتاعت حاتم لقيت معاهو شهد قلت ليهم اها ي عصافير الحب 😂😂😂😂االعررسس متين حاتم قال لي اليله صح يوم12 من شهر 5 قلت ليهو ايوه قال لي في نفس اليوم د الشهر الجاي شهد بقت طنطت حااتم ضحك ضحك للمن دموعو جات جاريه وانا كذالك قلت ليها ي بت اتقلي 😂😂😂سكتت بقت عامله خجلانه وحاتم بشاغل فيها بالجد حلوين ولايقين علي بعض😆 ضرب لي حسام قال لي شنو ياا ما بتسالي الا اسأل منك انا قلت ليهو والله الشغل مالي راسي وهسي حاتم عمل حادث وهسي معاهو قال لي لا حوله متين الكلام د قلت ليهو امبارح المسا قال لي فتح؟ ققلت ليهو اي وهدا كمان حددد عرسو 😂😂😂😂إديتو ليهو بقو بتونسو بعد شويه جو خاشين مره وراجل سلمت عليهم شهد قالت ليهم طبعا ي بابا دي تسنيم صحبه حاتم وي تسنيم ديل ماما وبابا قلت ليهم اهلين اتشرفت بي معرفتكم☺️ قعدت معاهم شويه بعد شويه جو خاشين الباقين حاتم وراهم انو عرسو بعد شهر قعدو يذغرتو كتبو ليهو خروج الناس مشت وانا مشيت للشغل 🐸😂😂😂كان عندي تصاميم مفروض تتنفذ انتهيت منها عملنا الاجتماع الراجل عجبو التصميم شديد قال لي فضل لي مهندس الديكور قلت ليهو شفت الطابق الرابع اخخر اللممر علي يدك اليمين د مكتب المديره بتاعت الديكور طوالي مشا بقيت بين الشركه وتجهيزات عرس حاتم وشهد طبعا جات اتحبست في بيتنا 😂ياخ البت ظريفه ظرافه شديده وبريئه طبعا الاولاد مع حاتم وحسام نزل السودان هو ومرتو وعيالو طبعا حاتم حننوو شغاله قبل العرس بي 10 يوم حسام عمل ليهو حنه في صالة بي قونه هوو ومؤيد 😂😂😂😂😂ياخ كان رابه ربه 😂😂😂ولا حقت شهد طبعا رقصت رقيص مجنونه خلاص البشوفها ما بقول دي العروس😂😂 وطبعها ما احتاجت ميكب كتتير لانوو هي اساسا سمحه مرت الايام لحدي ما جا يوم العرس من الصباح طبعا عشان شهدد لايوقه في النوم صحيناها بي مويه 🐸حركه علياء 😂😂😂قامت قاعده تبكي وشغاله لينا حاكلم ليكم حاتم 😂😂😂😂😂قلت ليها قومي ي ماما الساعه 6 قالت لي لسه ياخ قلت ليها قومي ي بت قامت تااني تبكي مشت الحمام طلعنا سرعه طبعا بيتهم هناك مليان ناس مشينا الكوفير قلنا ليها ابدي ليها الحنه (طبعا دا كلامها قالت دايره اتححنن يوم العرس) ونحنا برضو اتحننا علياء و ناردين اتحننو لكن انا واسيل واسراء (اخت شهد) ما اتحننا مر الوقت لحدي ما جا وقت العقد قاعدين كده تلفون شهد ضرب ففتحت الخط قالت لي واي العقد فتحت الاسبيكر لحدي ما قالو القعد انتهاء انحنا ذغرتنا ذغاريت وطبعا قفلت الاسبيكر وبقت تتكلم وبتكي وشويه بقت تتبسم غمزت ليها 😂😂😂😂😂😂شلت تلفونها قلت لي حاتم الف مبروك ي صحبي فرحت ليك💚 والله يعينك علي المصيبه العرستها دي 😂😂😂😂😂قعدت تبكي ياخ ضحكنا ضحك😂😂😂 بعدها بدينا ميكياج طبعا فستاني بنفسجي من تحت موف اي زول جنا فيهو 😂😂عملت ميكب بسيط طببعا محجبه 😌لحدي ما خلصت وقفت ليهم بقو عاملين كده 😱😱😱ناردين قالت لي انتي مززززههه لكن اسيل قالت لي وبعلي من سماحتك ربنا يحفظك قلت ليهم تسلمو طببعا شهد طلعت حاجة خرافيه 🤤🤤🤤🤤🤤🤤ولا اختها ما شاء الله عليهم بعد شويه قالو العريس وصل جا خاشي حاتم وقف بقاا يعاين ليها قالت ليهو بتسحرني كده 😂😂😂😂ضحك حضنها قال ليها ما شاء الله عليك ربنا ربنا يحفظك ي حبيبي قالت ليهو امين😚 قلت ليهم بي مناسبه الجفاف العاطفي العملتو لينا د تعالو ناخخد سيلفي اتصورنا طبعا عثمان و شادي ما شاء الله عليهم 🤤🤤🤤لابسين بدل سودا شادي جايب معاهو حبيبتو لابسه بصلي ما شاء الله عليها😍 بعد شويه قالو اتوزعو في العربات انا قلت ليهم جيت بي عربتي اتوزعو عثمان معاهو إسراء اخت شهد قلت ليهو براحه ما تنسي تحنكها 😂😂😂قال لي يلا ي بت علي عربيتك😂 غمزت ليهو اسيل ركبت مع خطيبها حاتم وناردين ركبت قدام مع العرسان السايق كان سايق مهند صحبو علياء ج ساقها وسام 😂😂😂(لابسه بصلي بي ابيض)وصلنا الصاله كان عبارة عن حاجه فخمه وكبيرة فظيعه بجد 😍الفنان كان حسين الصادق 😂يلا خشو العرسان سوا وبعديهم كل جوز سوا انا جاني اتصال رجعت كان من رقم غريب لقيتو د عايز تصميم😑 قلت ليهو تمام بكره تعال الشركه الساعه 4 بكون موجوده قفلت في قلبي هسي د وقت شغل استغفر الله 😒يلا لمن جيت خشيت طبعا الناس كلها بقت تعاين لي طبعا بقيت اعاين في نفسي لو فيني شي غلط 😂😂فجأه حسام يصفر بصوت عالي 😂😂😂😂مجنون خلاص قمت ضحكت الصورة اتثبتت في الشاشه لقيت العرسان خلاص بقطعو في الطورته 5طوابق 🐸بعد شويه هاك ي الزغاريت بس جا حسين رباها ياخ حتيت حت جا حسام قال لي ما شاء الله ربنا يحفظك قلت ليهو امين ويحفظك بقينا نرقص فجأه شفت مؤيد مع حسين بقول ليهو حاجه في اضانو 😂😂😂😂بس في نص الغنيه اسمع اسمي بس الناس دي رفعت يديها سوا وبقو يكوركو يلا بقينا نحت واقفين الشله كلها وبنرقص جا حسين رقص معانا وتم الناقصه جو العرسان رقصو اتصورنا كلنا🌹❤️ بقيت واقفه العرسان مشو يغيرو للجرتق جاتني مره قالت لي ما شاء الله عليك يا بتي ربنا يحفظك من كل عين قلت ليها تسلمي ي خالتو قالت لي قالو عندك شركه بتاعت تصميم وانا محتاجه لتصميم ڤيلا قلت ليها جدا ي خالتو بس ممكن نتلاقي في الشركه وكده قالت خلاص تمام لو لقيت طريقه بمر عليك بالمناسبه انا مدام علي محمد عوض (طبعا راجلها صاحب ابو حاتم 😍) طبعا نطتت عيوني😮🌚 د رجل أعمال كبير في البلد أديتها الكرت بتاعي فيهو أرقامي قلت ليها ممكن تتواصلي معاي لمن تكوني حابه تجي الشركه 😊♥️ومشت (يلا طبعا الشركه بتاعتي بقت مشهورة شديد في البلد وعملت كذا تصميم لكذا ناس كبيرين في البلد وعجبوهم وطبعا فرحت شديد لمن في ناس بشكروني وكده ❤️) جو العرسان للجرتق كان بي مياده قمر الدين 💃يلا تاني شوفو الحت والعجب شهد 😂😂😂وبعلي منها وحاتم زاتو ما هين الاتنين مجانين لكن كانو حلوين شديد ما شاء الله لحدي ما خلص سافرو جزر المالديف شهر العسل رجعنا البيت طوالي نمت.........
اشوفكم ❤️
