رجعنا البيت خشيت غرفتي معاي ناردين وعلياء واسيل لمن خشيت اتذكرت معتصم 😔بكيت بي عدلي هم زاتم استغربو قالو لي مالك قلت ليهم حكيت ليهم بالحاصل معاي علوش قالت لي انسيهو خلاص مصيرو يندم لانو كسرك ركزي في قرايتك امتحاناتك قربت 😭 هم زاتهم بكو معاي 😭💔بالجد ياخ كسرني ععديل بقيت احاول ابعد الموضوع من راسي بقيت أتونس معاهم😓 تحت ابوي جاب خروفين وحاتم وعثمان و شادي جابو خروف معاهو خدار عملو كرامه قالو الكرامه الكبيره يوم الجمعه المهم ناس خالاتي في الشماليه وعماتي واعمامي نصهم في السعودية جو كلهم وزعلو عشان مافي زول وراهم الناس بقت خاشه وطالعه وتحمد في السلامه بنسي موضوع معتصم بالنهار بس لمن اخت راسي في المخدة بتذكر كل شي فتحت تلفوني مسحت صورو والمحادثه ولقيتو حاظرني من المواقع كلهم انستا واتس فيس تويتر اسناب كلو 😔💔مرت الايام وانا بقيت احاول انسى معتصم واقرى وفعلا امنتحنت الحمد لله كانت الامتحانات حلوه مافيها شي صعب الا شويه طبعا اصحابي كلهم وعلياء ساعدوني في اني انسي معتصم 😭❤️يوم وانا راقده في السرير بحضر في اليوتيوب في فديوهات ميكب وكده علياء في الجامعة ومؤيد في الشغل ابوي في الشغل وامي مرقت وميار حسام اجبرها انو ترجع عشان مدارس الاولاد وكده 🌹الباب دق بتاع الغرفه قلت اتفضل خش حسام ج قعد جمبي قال لي اها ما حابه توريني السبب الخلاك يغمي عليك شنو قلت ليهو مافي شي بس كنت مهبطه وكده😚 قال لي اممم طيب قال لي معتصم كيف لمن قال لي معتصم حسيت كانو في نار مغليه في خدي لقيتها دي دموع💔😢حضنتو طوالي وبكيت قال لي ابكي وفضي كل الجواك وانا عارف اي حاجه وعارف انو معتصم قال ليك شنو فكيتو سرعه قلت ليهو كيف عرفت😱😱 قال لي اللهم بس عرفت نزلت راسي قال لي ارفعي راسك فوق ما اشوف راسك د نازل تحت😊 انتي حبيتيهو بس خليك عارفه انو حيجي اليوم الحتلقي فيهو البعوضك عن كل حاجه اتكسرت جواك ابدا الدنيا دي ما واقفه علي حاجه واحده ي تسنيم انتي صح دايما بتتمني يكون عندك شركه بتاعت تصاميم وكده حققي حلمك تخريجك قرب حبيبتي انسي كل الفات وهسي قومي صلي ركعتين واقري قرآن واحمدي ربك علي انو عرفتي حقيقتو والا كان حيلعب بيك زياده 😍انا راجع بكره عشان الشغل وكده بس خليك واعيه حافظي علي صلواتك وإيمانك ما يضعف وما تخلي زول يقيف في طريق حلمك ابعديهو لانو د مستقبلك انتي التعبتي عشان تصلي ليهو انتي أقوى من كده بكتير😍🎉 ما تخلي زول يكسرك وصلي كل صلاه في وقتها بالذات الصبح حاضر واقري قرآن كتير شوفي لو ما ربنا نحجك وونساك كل همومك انا هسي اخليك وتخريجك بعد تلاته اسابيع انا جهزت ليك كل حاجه حتي لبستك حتصل قريب يلا حبيبتي لمن قام طالع قلت ليهو حسام قال لي ايوه جريت حضنتو قلت ليهو ربنا يخليك لي وما يحرمني منك ي رب 😘قال لي امين قلت ليهو الله يخليك ما تجي بي ناحيه معتصم خليو في الأول سكت عرفتو ناوي علي حاجه بعدها قال لي اوك ونحنا واقفين كده ج خاشي مؤيد قال لي ايواا الحضن بس لحسام بس انا لا معناتو ارجع النوتيلا 😂😂😂قلت ليهو لالا والله ترجعها وين 🌺♥️انت كمان اخوي حبيبي حضنتو جات علياء قالت لي اها ما تاخدوني معاكم حضن ناقصه حنان 😂😂😂😂😂حسام قال ليها مجنونه نزلنا تحت مشينا علي جهة المسبح قعدنا في المظله لقيتم مجهزين قعده كامله قعدنا نتونس شويه جو امي وابوي قعدنا نتونس (بالجد ياخ احلي حاجه تكون قاعد مع اهلك وتكونو مبسوطين دايما نحمد ربنا علي النعمه دي لانو في ناس كتار عايشين من غير اب او ام او الاتنين 😍♥️) بعدها اي زول قام طلعت فوق لقيت شادي ضارب لي رجعت ليهو قلت ليهو وين ي فرده قال لي قاعد انتي المختفيه عاملين طلعه وكده بعد ساعه اجهزي (ولا بياخد رأي😂😂😂) قلت ليهو تمام ي زول قفلت(طبعا عرفو انو معتصم خلاني في الأول كانو عايزين ياذوهو بس قلت ليهم مافي زول يهبشو ربنا بجيب لي حقي) نزلت لناس امي قلت ليهم طالعين انحنا والشله وكده قالت لي تمام قولي ليهم عازمنكم يوم الجمعه يوم مفتوح هم واهلهم لانو بالجد ما قصرو معانا ايام المستشفى قلت ليها تمام طلعت فوق لقيت علياء بتخلط قلت ليها لمن أفضى ليك بس 😂😂😂طلعت لي بنطلون جينز وتيشرت ابيض شكيتها وجكت طويل زيتي وطرحه بيضا وجزمه بالجنيز وشنطه سودا 😂😂❤️وعملت ميكب خفيف د كلو وعلياء تتبسم ساي في التلفون عملت روحي ماشه شلت التلفون سرعه لقيتو وسام 😂😂😂قلت ليها متين خشيتي الجامعة عشان تحبي كمان 😂😂 قالت لي خليني ياخ 😂شلت مفتاحي وقمت طالعه ضربت لعثمان قلت ليهو وين ياا قال لي تمام وانتي قلت ليهو كويسه اها اللمه وين قال لي ما بقدر والله جيت هسي من مشوار قلت ليهو بطل ثقاله كلنا طالعين عاين انا طلعت خلاص لو ما جيت برجع طوالي وبعدين انت عندك عربيه ما ماشي بي رجليك والجكس اليله يخلوهو لمنو 😂😂😂😂😂قال لي غايتو انتي خلاص جاي قلت ليهو يلا قفلت ضربت لحاتم قلت ليهو اها وين اللمه قال لي الفاخر 😂قلت ليهو زابط يلا وصلت الفاخر بس قعدت كده جا الراجل ملا الطربيزه اكل بقيت عامله كده 😱😂😂😂قلت ليهم د شنو ي مجانين قالو لي مالك نحنا مافي زول اتغدا😄 قلت ليهم تمام لو كملتو كلو الحساب علي 😂😂😂شويه وصل عثمان قعدنا اكلنا وفعلا اكلو لقمتين بس 😂😂😂😂قلت ليهم في داعي ناديت الراجل قلت ليهو ممكن تعمل لي الباقي سفري 🌚🌿قال لي تمام شال الاكل قالو لي حتعملي شنو قلت ليهم صح اكلتو اسكتو بس 😂حاتم وعثمان يشاغلو في البنات وشادي تلفونو ضرب قال لينا عن اذنكم 😂😂😂مشا وجا قلت ليهو اها د شرك جديد ولا شنو بقيت زي حاتم وعثمان 😂😂😂قال لي عرسي قريب كوركت قلت ليهو احلف اخيرا حيكون في عرس 💃💃قال لي ابردي ي بت لسه شويه قلت ليهو اممم قلت ليهم ارح شارع النيل جابو لي الاكل دخلتو العربيه واي زول ركب عربتو اسيل ما جات بي عربيه اليله ركبت معاي قلت ليها اها كيف حبيبك داك قالت لي قريب ويجي يدق بابنا زغرتدت زغاريت 🤣🤣🤣قلت ليها اللله ياخ حتكون انتي وشادي سوا قالت لي انا التعارف بتاعي قريب ان شاء الله قلت ليها ربنا يتم عليك علي خير🌹 طبعا انا بي صلاتي وقراني طلعت معتصم من راسي الحمد لله ورجعت عشت حياتي 😴قلت ليها تخريجنا يوم الخميس البعد الجاي جاهزه قالت لي اكيد وصلنا شارع النيل لقينا ديل وصلو وجابو شاي اللبن واللقيمات 😋😍قلت ليهم ي سلام ياخ قلت ليهم يلا نتفق علي التخريج حنعمل شنو حنلبس سوا ولا كيف شادي قال لي خلوها علي يوم التخريج بالنسبه للبس ايوه حنلبس سوا اسود بي كبدي قلت ليهو تمام بعدها اخدنا ونستنا قالو لازم نجوط ركبنا للعربات اي واحد جاري اكتر من التاني انا اسيل دي عايزه تبكي عديل وناردين راكبه مع حاتم بكت بي اعلي صوت وانا مشغله الاغاني بي اعلي صوت وجارين بعدها وقفت كلهم وقفو قالو لي مالك ياخ قلت ليهم كفايه😂😂 هوي نرجع بعد د وبالمناسبة عازمنكم يوم الجمعة يوم مفتوح انتو واهلكم وكده قالو زابط نزلت اسيل في بيتم وانا واقفه في الاستوب لقيت راجل كبببيرر لمن منحني من الكبر ناديتو ولقيت مره تانيه معاها شافع الاستوب فتح قلت ليهم دقيقة بركتنت بالجمبه نزلت فتحت الباب الورا وزعت ليهم الاكل واديتم قروش مليتم رقمي قلت ليهم لو محتاجين اي حاجه اضربو لي اعتبروني بتكم😚💓 دعو لي دعوات كتتيرر (بالجد ياخ في ناس كتتيره ما لاقيه تاكل حتي وعندها أطفال صح هم بتحرجو من حته زي دي بس ممكن نديها ليهم بي طريقه تانيه) قلت ليهم امين يارب ومشيت البيت لحدي ما جا يوم الجمعة قمت من الصباح انا وعلياء نضفنا ومؤيد رتب الاستقبال تحت والاكل جهز وبخرنا البيت شويه الباب دق فتحت لقيت د حاتم معاهو امو (زينب) وابوهو (محمد) واختو (ملاذ) فضلناهو بعدها جو عثمان امو (عائشه) وابوهو (محمود) وناردين امها بس (فاطمه)ابوها برا السودان واسيل ابوها (مدثر) امها (منى) وشادي امو (اميمه) وابوهو (احمد) كلهم ما شاء الله جو ختينا الفطور فطرنا بعدها جو النسوان قعدو في استقبال النسوان والرجال بهناك كانت لمه ظريفة شديد اتعارفو علي بعض واتفقو يجهزو حاجات التخريج هنا لحدي ما مشو ضايرنا البيت ورتبناهو مشيت نمت.........
اشوفكم ♥️
