جو الدكاتره طالعين قالو ليهم حالتها ما مستقره ادعو ليها حندخلها العنايه المركزه ادعو ليها اسيل وناردين وشهد وعلياء نزلو الجامع بقو يصلو ويدعو للي الخبر وصل حسام طوالي ج في أول طياره وهم واقفين كده جاهم زول ويدو ملفوفة ورجلو كمان قال ليهم السلام عليكم كلهم استغربو قالو ليهو وعليكم السلام قاال ليهم انا الضربت ليكم انو بتكم حصل ليها حادث☺️ حاتم قال ليهو ايوه عرفتك سلامتك واسفين والله حاتم قال ليهم د الولد الضرب لي وراني الحاصل والناس برضو ضربوهو 😶 ابوي قال ليهو هسي كيفك ي ولدي قال ليهو انا كويس بتك كيف بقت قال ليهو ليهو الحمد لله 😢
بلسان مؤيد :
طبعا بعد ما ورنا الدكتور انو حاله تسنيم صعبه خفت افقدها 😔ببقيت بدعو انو ربنا يطلعها بالسلامه وانحنا واقفين كده جا واحد ظاهر عليهو التعب يدو ملفوفه ورجلو كمان ماشي بالجلاله سلم علينا عرفنا انو هو الجابها المستشفي حتي الناس ضربوهو هو كمان 😔تاني بعد شويه جا مقدم ومعاهو تلاته عساكر قال لينا سلامه بتكم ان شاء الله بس دايرين ناخد ااقوالكم عشان نصل للعمل كده ووقفت معاهو قال لي هي عندها أعداء ولا مشاكل؟! قلت ليهو ابدا بس هي فاتحه شركه بتاعت تصميم وعندها منافسين وعلي حسب ما هي قالت لينا في واحد داير نتقم منها لانو كان جا راجل مشهور وطلب منهم تصميمات وعجبتتو تصميمات تسنيم ودايما بطلب منها كذا تصميم وكده ودااك غضبان منها 😤المقدم قال ليهو طيب نحنا حنخلي معاكم عسكري لمن تصحي حيورينا ونجي نتكلم معاها برضو قلت ليهو ان شاء الله قال لي بس داير اتكلم مع الولد الضربوهو برضو وينو طوالي اتلفت علي الولد قلت ليهو داك ليهو مشا ليهو
المقدم :اسمك منو وعمرك وظيفتك ومحل سكنك
الولد :مصعب علي محمد عوض العمر 27 سنه عندي شركه بتاعت بترول ساكن في ساريه مجمع.... شارع رقم.... ☺️
المقدم :طيب تعال اقعد عشان اقدر اتكلم معاي شكلك ما قادر (فعلا الولد كان ظاهر عليهو انو مما قادر وكل شويه يعصر في رجلو) قعد معاهو قال لييهو احكي لي ككل حاجه بالتفصيل
مصعب :قال ليهو انا طلعت من الشركه بتاعتي كنت محتاج لمهندس عشان اعمل لي تصميم وفعلا كم شخص شكرو لي البت دي وقالو عندها شركه وفي شركتها عندها مهندس ديكور وكده فبس اخدت العنوان ووصلت وانا داير ابركن في عربيه سودا مظلله كان داير يبركن وطلع منها راجل بس ما ركزت معاهو ققال لي انا داير ابركن هنا ما ساالتو طلعت خشيت في حته تانيه سألت السكرتيرة من المديرة وكده قالت لي هسي طلعت وحدددت لي موعد وانا طالع لقيت العربيه القبيل في واحد منزل القزاز وبعاين للبت لحدي ما رككبت العربيه انا ركبت وبقيت ماشي ورا العربيه لانو كان في مساري زاتو الماشي ليهو لحدي ما اتخطوها ونزلو ضربوها نزلت سريع ضربت واحد في وشو والتاني لزيتو وقع التالت ضربني 😔💔
المقدم :طيب شكرا ليك انحنا حنعمل تحريات لحدي ما نصل ليهم
بعد ما المقدم مشا بقينا واقفين في وحده من صحباتها داخت (ناردين) ججو الدكاتره رفعوها قالو بس هبطتت ادوها درب بقت راقده مره اليوم والولد الانقذ تسنيم ما فارقنا ابدا مشي بليل تاني يوم ج ومعاهو رجال ضخمين واضح عليهم بوديقارد شايلين اكل ومويه وعصاير وحاجات كتير مشيت عليهو قلت ليهو ما كان تتعب نفسك قال لي ابدا مافي تتعب والله ربنا يطمنا عليي اختك بس شويه الدكتور خش العنايه وطلع قال لينا وضعها اتحسن شويه بقو الدكاترة كل شويه يمرو عليها ووعرفت ااننو الولد اسمو مصعب وبرضو انو ابوهوو رجل أعمال مشهور جايب معاهو ححرسين بقعدو معانا وقت هو يمشي يعني بالجد مع انو ما بعرفنا لكن راجل و محترم شديد 😍بقا كويس ففكو ليهو يدو ورجلو مرة اسبوع كامل وتسنيم ما صحت 😔💔بقينا مقلقين عليها لمن وضعها استقر نقلوها غرفه لكن الدربات في يديها دايما بقينا متناوبين لمن نحنا نمشي البيت نغير اصحابها بكونو قاعدين ااساساا عثمان وشادي ببيتو في المستشفى الصباح بغيرو وبجو حتي كمان ناس الشركه جو زاروها
بلسان تسنيم :
فتحت عيوني حسيت بي راسي داير يطق من الصداع وشايفه طشاش طشاش فتحت شويه كده لقيت امي بتصلي ومؤيد بقرا في قرآن قلت بي صوتت براحه ويالله طالع م مؤيد طوالي عاين لي مسافه جا باسني في راسي قال لي حمد الله على سلامتك حبيبتي امي خلصت الصلاه زغردت جو جارين راجلين لابسين اسود في اسود واحد تاني طويل لابس قميص ابيض وبنطلون كحلي غامض واسبوورت ابيض سمح سماحه 😂😂ابوي جا معاهم سلمو علي ج الولد السمح داك قال ليي حمد الله على سلامتك قلت ليهو تسلم الله يسلمك🤗 بي استغراب عشان ما بعرفو مؤيد قال لي طبعا ي تسنيم د مصعب الانقذك لمن ضربوك الرجال وضربوهو هو زاتو وهو البلغنا بي حالتك عاينت ليهو وابتسمت قلت ليهو شكرا ليك ياخ واسسفه كمان 😊♥️قال لي مافي داعي للأسف الحمد لله قمتي بالسلامة بس ابتسمت ليهو فضل يعاين لي انا زاتي لمن خجلت 😂💃💃بعد شويه جو ناردين واسيل وعلياء وشهد يصرخو 😂😂😂😂😂سلمو علي بعدها ج الدكتور قال لي حمد الله على سلامتك ي تسنيم قلت ليهو تسلم ي دكتور الله يسلمك قال لي الحمد لله بقيتي كويسه بس حتفضضلي معانا 3 يوم ععشان لو في اعراض ولا كده لانو ضربتك كان في مموقع خطر جدا والحمد لله عدت علي خير طبعا علياء تشيل تغمز لي جات ققعدت جمبي قالت لي شوفي الولد جايب الحرص بتاع بيتهم عشانك 😂😂😂😂شوفيهو سمح كيف احححي قلت ليها اصبري لممن أوري ليك وسام قالت لي لالا ي زوله خلاص قعدنا اتونسنا الولد الاسمو مصعب داك مشي طلع مع الدكتور ما جا تاني ونحنا بنتكلم كده جو الحرص بتاعين مصعب شايلين بيتزا كتيره قريب اال5 كراتين وفي أكياس فيها عصاير ومويه ببالججد ياخ احترمتو شديد طبعا النااس دي كلها مخلوعه 😱بليل لمن ج كنت براي في الغرفه سلم علي قلت ليهو مافي داعي للتعب قال لي ابدا مافي تعب ولا حاجه قعد أتونس معاي ياخ ياخ ظريف ظرافه 😋♥️قال لي صح انتي تسنيم المديره بتاعت شركه...... لتتصاميم قلت ليهو ايوه قال لي انا قبل اسبوع جيتك لكن قالو طلعتي وكده وسبحان الله كنت ماشي ورا العربيه المتابعاك لانو كان نفس المسار ❤️😍قلت ليهو صحي وصلتتو للناس الضربوني؟ قال لي لسه لكن في عسكري كان حارسك عشان لو صحيتي هسي ببللغهم وكده بكونو جايين عليك قلت ليهو ايواا وانحنا بنتوننس ج راجل قال لي انا المقدم........ حمد الله على سلامتك قلت ليهو الله يسلمك ي رب قال لي طبعا عرفت انو شركتك مشهوره ما شاء الله في البلد وككنت خاشه منافسة مع شركه تانيه عندك شك في زول ممكن يعمل كده قلت ليهو ابدا ما شااككه في زول قال لي طيب تتوقعي منو ممكن يعمل فيك كده قلت ليهو ما عارفه والله...... بقو يحققو مععاي كتتير لحدي ما مشو مصعب قال لي أمكن مدير الشركه التانيه ديك هو السبب قلت ليهو ماا عارفه ربنا بيظهر الححق استأذن مني ومرق بقيت براي بفكر ي ربي منو يقدر يعمل كده فجأه اتذكرت المكالمه من حسن (د مدير الشركه التانيه الداير ينتقم مني)
Flash Back:
طلعت من المكتب فرحانه انو الراجل عجبتو تصميماتي رجعت البيت حكيت لناس امي فرحو برضو نمت صحيت بي صوت التلفون لقيتو رقم غريب
انا :(بصوت ناعس) الووو
المتصل :ما تفرحي بي نجاحك ي حلوه حادمرك عشان خخليتي العميل يعجب بي تصاميمك 😒
انا :ما حتقدر تعمل حاجه ولو عملت قسمما بالله اوديك ورا الشمس ما انا تسنيم ياسر البتهدد امشي لشافع صغير هددو بس انا ما بخاف ثم ثانيا د مجهودي يعني لا واسطاتت لا غيرو الخلا العميل تعجبو تصاميم اوك وقفلت
بقيت اتكلم مع نفسي شوف الحيوان د عليك الله يعني بعد شقاي كلو وتعبي جاي يهدد فيني بس والله مايقدر يغير في شغلي حاجه 😤
Flash Back:
والله لو طلع الحيوان د الا ااندمو مرت الايام لحدي ما جا يوم الحاخرج فيهو من المستشفى مصعب قال لي خلاص نتكلم في الشغل لمن تنزلي قلت ليهو ان شاء الله رجعنا البيت قعدت اسبوع يووم السبت بي بليل نزلت تحت قلت ليهم بكره نازله الشغل ابوي قال لي لا تأني مافي شغل ما شايفه حصل ليك شنو من ورا شغلك د قلت ليهو لكن ي ابوي د د حلمي من زمان ووصلتو ما ممكن اوقفو عشان أعداء نجاحي عليك الله ياخ 😭😭😭😭😭قال لي خلاص تعملي حرص 😶سكت ساي قلت ليهو ما بحتاج ي ابوي ياخ ما بحبهم قال لي خلاص مافي شغل قلت ليهو لالا خلاص حاجيب حرس مشيت جهزت هدومي بنطلون اسود وقميص بي جوا احمر وجكت اسود وشبط احمر وطرحه سودا 😂😂😂😂صحيت الصباح صليت وقريت قرآن صحيت علياء و مرقت بقيت اراقب مافي اي حاجه وصلت الشركه الناس كلها تسلم علي وتحمد لي السلامه خشيت لعلا سلمت عليها قالت مزه لكن ما عرفتك 😉قلت ليها تسلمي ي حلوه يلا جيبي لي قهوه وتعالي قالت لي حاضر خشيت المكتب جات علا قالت لي اول ما طلعتي جا واحد برضو كان داير يقابلك وطلع قلت ليها اسمو منو قالت لي مصعب علي محمد عوض قلت ليها طيب اتصلي عليهو خليهو يجي وتاني شنو قالت لي في كذا عميل طالبين تصميمات الشغل كتتير شديد والله 😶قلت ليها بتسهل ان شاء الله قلت ليها يلا ي حلوه علي الشغل راجينا كتتير 😂😂مرقت وانا خشيت بقيت ارسم خلصت واحد اشتغلت في التاني شويه كده جات قالت لي استاذ مصعب جا ادخلو؟ قلت ليها ايوه وبعدها شوفيه يشرب شنو 😊قالت لي طيب مرقت طلعت مكتبي قعدت ج خاشي مصعب قال لي السلام عليكم قلت ليهو وعليكم السلام اتفضل سألني مني اخباري وكده بدينا الشغل وراني داير يصممو ليهو شنو بالضبط وكده بعدها قال لي اها ما وصلتو لبتاع العربيه النزلت منها الاولاد قلت ليهو شاكه في زول بقينا نتكلم قال لي عايني انا كده حاشغلك اديني رقمك ونشوف كيف نتصرف إديتو الرقم ومرق بقيت ارسم قريب4 تصميمات وتعبت شديد لكن قلت لازم أنجز رجعت البيت العشاء نمت صحيت الساعه 10 لقيت مكالمه من رقم غريب قمت صليت وقريت شويه ودعيت انو ربنا يسهل لي حياتي ويبعد العوارض من طريق نجاحي قمت اكلت لقيت امي دايره تنوم قلت ليها تعالي اوديك غرفتك وديتها لقيت ابوي بقرا في كتاب كده اتونست شويه معاهو وطلعت لقيت مؤيد بخلط 😂😂😂شاغلتو شويه مشيت لعلياء في غرفتها (مشت غرفه تانيه الحيوانه) لقيتها بتتكلم في التلفون 😂😂😂غمزت ليها ومشيت دخلت غرفتي لقيت تلفوني بضرب من نفس الرقم رديت لقيت د معصب حكيت ليهو عن قصه حسن كلها والمكالمه وانو ابوي قال عايز لي حرص وكده قال لي خلاص خلي الموضوع بتاع حسن د علي لحدي ما اصل لنهايتو بوريك قلت ليهو اوكي قفلت منو قمت جهزت هدوم تاني يوم اسكريت زيتي مكرمش كدة وقميص ابيض واسبورت ابيض وطرحه مشكله ضبطت المنبه صحيت لقيت الناس نايمه شربت نسكافيه ومرقت لقيت اولاد كده عندهم عضلات ولابسين بدل سودا انضف من ضميري قاعدين في العتبه قدام الباب قلت خلاص د حسن رسلهم عشان يراقبوني ولا اشتغلت بي الموضوع عملت نفسي قويه قلت بسم الله اوتكلت عليك ي الله وبقيت مارقه مشيت محل العربيه كلهم جو وراي قلت ليهم انتو منو 😖في واحد قال لي حرص سياتك ☺️طبعا بقيت عامله كده 😱قلت ليهم الجابكم منو قال لي استاذ مصعب قلت ليهو ايواا طيب انتو كم قال لي نحنا5 اتنين حيفضلو معاك داخل الشركه وتلاته برا قلت ليهم طيب يلا نتحرك مشو ركبو جايين بي عربتين واحده قدامي والتانيه وراي وانا في النص وانا جوه العربيه طبعا ما بحب فكره حرص وكده انا اساسا بخاف من الأشكال الضخمة دي 😂😂😂ضربت لمعصب صبحت عليهو وكده قلت ليهو شكرا بالجد ما عارفه اشكرك كيف قال لي ما بيناتنا والله اتونسنا شويه وقفلنا وصلنا الشركه طبعا الناس كلها مستغربه انو ليه مدخله حرص وكده خليت الاتنين المعاي يقعدو برا أدوني زي حاجه كده زي السبحة البتتلبس في الصباع فيها زر قالو لي لو حصل ليك حاجه ولا كده اضغطي علي الزر د بجينا تنبيه طبعا بقيت عامله كده 😶😂😂ضحكت قلت ليهم طيب الكفتيريا تحت وقت ما جعتو طوالي امشو اوكي؟ قالو لي طيب خشيت المكتب جات علا سلمت عليها وكده قلت ليها اضربي لي للعميل........... قولي ليهو خلصنا التصميم وحددي ليهو الاجتماع وبعدها طوالي العميل... و.... لانو خلصت تصاميمهم قالت لي تمام خشيت المكتب بقيت ارسم في حق مصعب حقو كان شويه صعب فأخد مني زمن كتير خلصت جاني اتصال من علا انو العميل وصل خشيت وريتو التصميم عجبو وشكرني ومرق بعدها خش التاني برضو عجبو وطلب مني تصميم لشركة 😢🐸طبعا الشركات دي دايره ليها يوم كامل للتصميم قلت ليهو تمام اخلص ونتصل عليك خش البعديهو لحدي ما كان آخر واحد انتهي قلت لعلا خلاص الباقين لحدي بكره وما تنسي تتصلي علي مصعب بكره انو تصاميمو خلصت قالت لي طيب طبعا الوقت كان المغرب كده تعبت شديد وانا سايقه حسيتي بي اني ما قادره اسوق وعيوني زغللو وقفت العربيه كلهم جو نازلين 😂😂😂قلت ليهم معليش بس زول يسوق عشان ما قادره اركز ساق لي واحد دخلت البيت وريت ناس امي طلعت فوق مشيت لعلياء حكيت ليها قالت واااي يعني تاني تمشي وانتي معاك حرص وكده 😂😂😂😂😂😂🐸قلت ليها اتخيلي قالت والله كبرتي والله بالله خلي لي واحد يمشي معاي قلت ليها قايلاها حلاوه انتي بكره شوفيهم😂 مشيت غرفتي صليت ونمت صحيت الساعه 8 لقيت مكالمه من مصعب قعدنا نتونس وقفلنا 😴مشيت فتحت التلفزيون لقيت مافي شي نزلت تحت لقيتهم كلهم قاعدين مشيت جبت السماعات مؤيد وصل تلفوني كلو زنق 😂😂😂😂😂بقينا نرقص وابوي وامي يضحكو فينا قلت ليهم نفسي في بيتزا وملك شيك بالاوريو ميدو قال لي انا زاتي امشي اجيب؟ قلت ليهو اي عليك الله انا دايره اتنين بالشوكولاته بي اوريو وعلوش قالت دايره زي 😒امي وابوي قالو دايرين اسكريم مرق مشا جابهم وجا اتعشينا بالبيتزا شربت واحد من الملك شيك التاني ختيتو في التلاجه اشربو الصباح 😋😋طللعت فوق نمتتت😴
اشوفكم ♥️
