تاني يوم صحيت ولقيت في ناس بنضفو في البيت 😕استغربت طبعا جات واحده جنبي سألتها الجابكم منو لقيتها ما بتعرف عربي 😂😂😂قلت ليها Hi قالت لي Hi😂بعدها قالت لي شي طويل كده بقيت بعاين ليها طبعا بفهم انجليزي وشغاله ترطن شكلها ما انجليزيه وانا بعاين ليها 😂😂😂😂في النهايه ناديت وحده تانيه عرفت انو الجابهم حسام 😂♥️طلعت فوق صحيت البنات قلت ليهم قومو عشان نجهز خشيت الحمام وطلعت لقيتهم بتفقو اي زول ينضف شنو 😂😂😂قلت ليهم ما بحتاج امشو شوفو تحت علياء نزلت 😂😂😂جات قعدت تضحك قلت ليها مالك قالت لي سألت لي وحده شغاله ترطن بس ما ادتني فرصه زاتو 😂😂😂قعدنا نضحك نزلنا تحت لقينا البت القبيل واقفه مع حسام قعدت اضحك جاني قال لي البت دي من قبيل بتسأل فيكم قلت ليهو تسأل شنو ياخ من قبيل بترطن قال لي ي بت دي فرنسيه بقيت عامله كده 😮قلت ليهو ومن قبيل ما تقول هي فرنسيه انا قلت ليها هاي اشتغلت رطانه قعد يضحك مشينا المطبخ شربنا الشاي طلعت فوق اجيب التلفون لقيت في فستان بس مغطى بي قماش مقفول بي سسته معلق في الدولاب بتاعي مشيت فتحتو لقيت د فستان بصلي خراااافيييييي 😍😍😍😍كوركت للبنات علا جات قالت لي وبعلي د الجابو شنو ميار جات بتتكلم دي هديتي ليك ي تسنيم جريت حضنتها قلت ليها انتي الزيك منو ياخ ♥️♥️♥️اسيل قالت لي ما عاجبنك نحنا يعني (طبعا اساسا اشتريت فستان كان بالاسود فيهو حبه لمعه رههيب) قلت ليهم الساعه 12نطلع زابط؟ قالو تمام
في جانب اخر & 🌏
صح ي بت قلت ليك ما تضربي لي تاني
........ :والله ي مؤيد فهمت غلط د انا كان عايز مني أوراق في الجامعه وانت جيت شفت وفهمت غلط
مؤيد :عايني عليك الله ما تنكدي علي وريني فهمت غلط كيف يعني علي فكره لو قايله نفسك مفكره انا شفت اي شي قبل ما اخش
المتصل :....................
مؤيد :سكتي مالك والله كلام صحبتك ما كان غلط لمن قالت لي انتي جاريه وراي عشان القروش فأحسن ليك تبعدي عن طريقي والا والله اءذيك ويلا طيري قفل بتكلم مع نفسو اووف دي شنو الحيوانه دي الحمد لله لسه ما حبيتها (طبعا دي البت الكان بحبها مؤيد كانو لسه علاقتهم ما تمت اسبوع مؤيد مشا ليها في الجامعه لقاها مع واحد وحضناهو وخلاها 💔)
يلا نجي لناس تسنيم :
فتحت البلكونه بتاعتي شايفه الحرص برتبو في الحته الورا البيت تلفوني ضرب لقيتو مصعب
انا :صباح الخير ي حبيبي
مصعب :صباح الجمال اخبارك
انا :تمام وانت
مصعب :كويس والله اها جاهزه لبعدين
انا :اكيد طبعا 💃💃💃(طبعا من جوه انا دايره ازغرت عديل لكن قلت اتقل شويه 😂😂) قعدت أتونس معاهو وقفلت نزلت لمؤيد لقيتو صاري وشو
انا :ميدو مالك
مؤيد :مافي شي بس تعبان شويه
انا :علي انا برضو
مؤيد :خليت مأب
انا :حصل شنو صح انت بتحبها
مؤيد :لسه ما بديت احبها لانو في بت في قلبي وعايزها بالحلال في الأول ما كنت بحبها خالص وابيت اخليها تتعلق بي لانو كنت شاكي فيها والحمد لله ما وقعت في حبها مشيت ليها الجامعه الساعة 7في المكتبه لقيتها فاضيه وكان بتتكلم مع ولد وحضنتو بس دخلت عليهم عرفت انو د ولد بتحبو 🌚
انا :لاحوله في بنات كده الحمد لله خليتها وبرضو عرفت حقيقتها عيش حياتك ي حبيبي +دي منو الدايراها بالحلال 💃💃🎉
مؤيد :زوله هسي معانا في البيت وانتي بتعرفيها ♥️
انا :منووو
مؤيد : علا صحبتك والله حبيتها وخشت قلبي حتي قبل ما اعرف عنها حاجه
انا :ااااييييووووووي فكيت ديك ي الزغروته جو البنات جارين فتحو باب الغرفه 😂علا جات اخر وحده مؤيد لمن شافها عاينا لبعض وضحكت قلت لي علا تعالي ي مزه
مؤيد مشا لعلا مسك يدها طلع برا كورك لأمي وابوي الناس كلها اتلمت طلعت هي عامله كده 😯😯😯😯وبتسال في شنو مسكها من كتفها قال ليهم البت دي انا دايراها بالحلال 😍انا زغرت وحسام صفر وامي تزغرت وهي قاعده تبكي 😭 مؤيد ضماها عليو قال ليهم خطوبتنا بكره وعرسنا تاني يوم من عرس علوش بس 😍اسيل وناردين ازغرتو قلت ليهم نحنا ماشين الكوفير خليها معاك جيبها بعد تخلصو كلامك مشينا بي عربتي لكن سايقها واحد من الحرص كنت حاجزه في كوفير في الحاج يوسف وصلنا خشينا لقيت المره الاتكلمت معاها قالت لي تسنيم ياسر عاش من شافك قلت ليها كيفك ي مدام قالت تمام الحمد لله حاعمل لي دسكاونت عشان جيتي عندنا اليله😚 قلت ليها تسلمي ي رب قالت لي اتفضلي لقيت في بنات قعدت عملو لي شعري كيرلي ورسمت في يدي الاتنين ما خليت شي والبنات برضو لحدي ما جاء المغرب لبست و سرحو لي شعري شلت الطرحة غطيت بيها شعري وصلنا البيت لسه مافي زول ج بس لكن لقيت الحته مرتبه ومزينه والعشاء بوفي مفتوح الاكل مرصوص تحت السلم كان في قعده حلوه زحو طقم الجلوس جابو الطاوله طويله ختو فيها كل الاكل كان كتير شديد ما شاء الله جات وحده من الشغالين شايله بخور بتبخر في البيت طلعنا فوق لقيت علا قاعده متمكيجه ولابسة فستان احمر ابدااااااااع ولا المكيب ما شاء الله قلت ليها علا 😯وبعلي من سماحتك ما شاء الله عليك وين اتمكيجتي قالت لي اخوكي حجز لي في كوفير جهزوني فيهو قلت ليها ما شاء الله سمحه شديد غمزت ليها 😂😂😉😉دنقرت راسها مشيت حضنتها قلت ليها مبروك ليك ياخ مش قلت ليك لو من نصيبك ربنا ما بخزلك ربنا يتم ليك علي خير ♥️♥️♥️قالت لي الله يبارك فيك اتخيلي العرس بعد 19 يوم قعدو يزغرتو شويه كده الناس بدو يجو طبعا الرجال قعدتهم في النجيله برا جايبين مكيفات متحركه لو الجو كتم طبعا الحرص واقفين برا بفتشو اي زول بجي خاشي طبعا دي أوامر حضره الاستاذ مصعب 😒😂😂😂شويه كده جو ناس العريس قعدو شويه نزلت ليهم ومعاي البنات يذغرتو قعدت في كرسي شويه كده جا مصعب ومعاهو رجال غطيت شعري كنت عاملاها بس طريقه حلوه شديد لبسنا الدبل طبعا د كلو والمصورين بصورو كده قالو للناس اتفضلو العشاء بوفي بي هنا قامو الناس ياكلو بعد شويه قامو للربه فاتحين السماعات حتينا حت انا ومصعب بعد شويه جو الحرص شايلين جاتوهات فيهم صوره جيهان وجواد كان لابس بنطلون اسود و وتشيرت اسود شاكيها وجيهان لابسة فستان مشكل معاهو جكت جنيز وميار لابسه توب منقاوي رهههيب والبنات فستانين بالبنفسجي وامي توب مشكل والوانو هادئه والأولاد لابسين جلاليب علي الله طالعين يهبلو مصعب لابس بدله سوداء اابداعع دمار عديل 🎉🎉♥️♥️♥️♥️شويه جات بت وقفت جمبي سمحه سماحة لابسه توب مورد رهيب عرفت انها اخت مصعب سلمت علي وجات برضو مره شكلها ما غريب علي قالت لي متزكراني؟ قلت ليها شكلك ما غريب علي قالت لي عرس حاتم صحبك سلمت عليك وقلت ليك مدام علي محمد عوض 😂بقيت عامله كده 😯😯😯😯قلت ليها ام مصعب صح قالت لي ايوه مبروك ي بتي فرحانه ليكم والله ♥️♥️قلت ليها تسلمي ي خالتو انتهت الخطوبه لحدي ما الناس مشو بقينا ناس البيت قالو لي تعالي شوفي مصعب جاب ليك شنو نططت عيوني قلت ليهم كيف يعني جاب حاجات هو قالو لي اي تعالي لقيت القروش 100 مليون وجايب سلسل وخناق وحلق ديل دهب وما خلي كريم ما جابو ولا حلاوه والعطور دي كتيره كترة ما شاء الله بس بقيت منططه عيوني كده بس 😳لملمنا الحاجات حسام ج حضني قال لي مبروك ليك ربنا يسعدك قلت ليهو امين يارب تسلم😘 باسني في راسي مشيت فوق فتحت الفيس بقيت التصفح فجأه ناردين صرخت قلت ليها مالك قالت لي حامنشنك لقيت صورتي انا ومصعب وابوهو وامو مكتوب فيها تمت خطوبه المهندسه تسنيم ياسر من ابن رجل الأعمال مصعب علي محمد عوض منشنت مصعب جاني في اللانبوكس قلت ليهو النزل الصوره منو قاال لي فوكس المصور قال لي على الاقل كان يشوش وشك قلت ليهم حبييبي وبغير علي ولا شنو 😂😂😂قال لي اكيد قال لي اها العرس متين نحددو قلت ليهو بعد تلاته شهور عندي منافسه بعد شهر قال طيب صمممي ليننا ڤيلا علي زوقك يكونن بيتنا قلت ليهو حتتبني في تلاته شهور قال لي لا عندي بيت في ساريه في نفس المجمع الساكنين فيهو ناس امي حنققعد فيهو لحدي ما نخلص بيتنا قلت ليهو طيب قعدنا نتونس لحدي ما قفلنا صحيت الصباح صليت الصبح وقريت قرآن لحدي الساعه 10حتي الباقين صحو جهزنا لخطوبه مؤيد و علا تمت خطوبه كانت حلوه شديد ♥️😍😍😍طبعا علا بكت عشان أهلها ما فيشين ومافي زول معاها لامن اهل امها او ابوها بس مؤيد اتكلم معاها وسكت لحدي ما الناس مشو رتبنا الحته كويس طلعنا شارع النيل كلنا حتي علوش طلعت بي نقاب مشينا قعدنا نتونس والجو رهيب انا كان معاي مصعب مشا معانا ما فك يدي ثانيه واحده انا زاتي خجلت من اخواني 😂😂😂اتصورنا بعدها قمنا انا ومصعب بقينا نتمشي قال لي مستني يجي اليوم وتكوني معاي في البيت انا هسي لو علي ي تسنيم ما داير زول يشوفك تكوني لي انا بس حتي ما يشوفك زول عاينت ليهو ابتسمت ليهو 😅طبعا ساكته بس عيوني كانو بعبرو عن اي حاجه وصلت الحد الولهان بيهو😍😍 بعدها اتصورنا الاتنين ضربت لناس حسام قال لي انحنا اتحركنا تعالي مع مصعب قلت ليهو اوكي مصعب قال لي تعالي نقعد في العربيه قلت ليهو طيب ارح ركبنا العربيه طبعا عربتو مظلله قال لي نزلي الكرسي بتاعك واحكي لي عن حياتك كلها من ما اتولدتي لحدي ما لاقتني وبالجد حكيت ليهو قصتي كلها ولا كذبت حكيت ليهو قصتي مع معتصم وكده وكيف اتعرفت علي شلتي وشغلي وكده بعد ما خلصت لسه سرحانه فجأه حسيتو مسك يدي وضغط عليها عاينت ليهو لقيتو مدمع قال لي اوعدك وعد رجال ي تسنيم اعوضك عن اي وجع لقيتيهو في حياتك انا حبقي سندك وعوضك وكل شي 😍❤️انتي الأوكسجين البتنفسو ي تسنيم انا ولهان بيك ربنا يخليك لي☹️ قلت ليهو وانا بعشقك ي حبيبي ويخليك لي قلت ليهو الزمن اتأخر قال طيب ارح بكره عازمك غداء يعني تخلصي شغل بدري قلت ليهو طيب وصلني البيت قبل ما انزل قال لي خلي بالك من نفسك قلت ليهو وانت كمان ☺️❤️نزلت وانا فرحااانننهه جهزت هدوم بكره ان شاء الله صحيت الصباح قلت لي علا خليك محبوسه ما تنزلي بعد تحانيس حتي قعدت مرقت بدري اول حاجه مشيت المستشفى لام معتز اول حاجه غشيت الحسابات سألتو لو اندفعت القروش قال لي ايوه استاذ ياسر دفع كل شي قلت ليهو تمام مشيت فوق لقيتهم مع امهم سلمت عليهم قلت ليهم بقت كيف قالو لي كويسه الحمد لله فتحت يادوب قلت ليهو حمد الله على السلامة 😍شفت الفرحه في عيون معتز و اختو قلت ليهم حتطلع متين قالو لي بعد شهر قلت ليهو ايوااا شويه كده امهم فتحت قعدت أتونس معاهم قمت ماشه جاتني اخت معتز برا قالت لي تسنيم والله خجلانه منك بس عندي طلب قلت ليها ي بت صح قلت ليك اعتبريني اختك من غير ممكن قولي طوالي قالت لي لي انا قاريه اداره اعمال وعامله ماجستير اتخرجت لي سنه ونص بس ما لاقيه شغل قلت أمكن عندك لي مكان وكده قلت ليها انتي والله ربنا بحبك عنديي صحبتي كانت السكرتيرة حقتي بس خطبوهاا واتحبست ومحتاجه لسكرتيره ممكن تنزلي من بكره لو حابه قالت لي واااي بحبك ياخ حضنتي قلت ليها وانا كمان قالت للي خلاص بنزل من بكره د كرت فيهو أرقامي لمن تصلي اديني تلفون قالت لي طيب ربنا يفرحك زي ما فرحتني قلت ليها امين ي رب مرقت مشيت الشركه لقيتهم عاملين حفله صغيره بمناسبه اني اتخطبت وكده قعدنا اتونسنا وكده ناديت وحده قلت ليها حتفضضلي السكرتيرة بتاعتي اليله بكره بكره حتجي وحده بس عشان عندي شغل وكده قالت للي طيب هي اساسا ماسكه الحسابات وكده خشيت المكتب بقيت ارسم ارسم لي في بيت ابسط ممن البسيط وطلع رهههيب شديد جاني شغل بقيت ارسم في التصميم لحدي ما خلصتو عيوني طششو من التركيز 😭😕لقيت الساعه 3وربع مشيت صليت وجيت بديت ارسم في ڤيلتنا هي شكلها غريب بس ررهههيبه دققت فيها 😥شويه ضرب لي مصعب قال لي حبيبي انا قربت اجهزي قلت ليهو اوكي دخلت التصميم غرفه بتاعت الرسم وقفلتها بالمفتاح وطلعت لقيت الحرص طلعو ووراي لحدي ما جا مصعب قلت ليهم ارجعو انتو ركبت مع مصعب اول ما ركبت مسك يدي وضغط عليها قال لي اشتقت ليك ياخ 😭❤️❤️قلت ليهو وانا اكتر وين عازمني قال ومطعم جديد فتتح عشانك ي حلوه ❤️❤️قلت ليهو يلا طيب بي حماس 💃💃شويه خشينا علي حته كلها ڤلل وحته هادئه شديد قلت ليهو مصعب جايبني وين قال لي😘😉😉😉...............
اشوفكم ♥️
