رواية طلقة حب بقلم نوران جمال

الفصل العشرون

كل سنة وانتوا طيبين وعيد مبارك❤⚘
البارت اكبر من اللي فات بمناسبة العيد

#رواية_طلقة_حب...
#نوران_جمال ...
#الفصل_العشرون...

خرج كنان من غرفته عندما وجد كوب القهوه الذي بجانبه قد انتهي ونزل الي الاسفل الي المطبخ لكي يجهز كوبا اخر ليعمل قليلا بما انه لا يستطيع النوم الان فكلمات نادين مازالت تتردد في اذنه جاعلة اياه يبتسم كل دقيقه لا اراديا حتي انه فكر بالذهاب اليها ولكنه شعر انها يمكن ان تكون نائمة كما انه مشغول فعليه ان يؤجل اي حديث الان ..

واقفا في المطبخ يعد القهوه حتي استمع الي صوت اقدام في الخارج ليخرج فيجد يزن واقفا يشير لأحد بالدخول
كنان بإستغراب: انت بتعمل ايه ..
يزن بإبتسامة:  حليت الموضوع ..لينظر له بإستغراب فيجد اياد وندي يدخلان من الباب .
ندي بهمس لإياد : هو ده كنان ..
اياد بهدوء : اه ..
كنان بهدوء : اتفضلوا اقعدوا ..ثم اشار الي يزن ليذهب خلفه
دخلا هما الاثنان الي المطبخ
كنان بغضب : ممكن افهم انت بتهبب ايه ..
ليسرد له يزن ما حدث
كنان بهدوء : يعني هيعيشوا هنا الفتره ديه ..
ليومئ له يزن
كنان بحدة : كان بيت اهلك ده ..
يزن بضحك : انا بعتبره بيتي يا كنان وشكرا علي القهوه ...ليأخذ يزن رشفه من القهوه
لينظر له كنان بيأس ويخرج فيجد اياد يملي علي ندي ما يجب ان تفعله بأنه عليها الابتعاد عن كنان والبقاء امام ناظريه لا تخرج سوا بإذنه ولا تثق في احد سواه..

كنان بضحك : مش هستغرب اللي بيحصل ده ..
ندي بفضول وقلق : فين نادين..
كنان بهدوء وهو يشير الي الاعلي : فوق تاني اوضه علي اليمين..
لتصعد الي الاعلي ليجلس كنان امام اياد
ويخرج يزن من المطبخ ليجلس معهم

كنان بهدوء:  يزن فهمك كل حاجه ..
اياد بهدوء : ايوه فهمني ومش معني ان انا جيت هنا ان انا واثق فيكم لا انا جيت عشان مصلحتنا مشتركه فقط ..
كنان بإبتسامة: مافيش مشكله المهم ان ماحدش فينا يخون وماحدش فينا يتصرف من دماغه لازم قبل كل حاجه نكون احنا التلاته موافقين عليها عايزين نخلص من اللي بيحصل ده في اسرع وقت ..
ليومئ له اياد ويزن
كنان بهدوء : ندي هتنام مع نادين وبيسان وفي اوضه جنب اوضة يزن نام فيها..
اياد بإستغراب: مش انت ونادين متجوزين ..
ليبتسم كنان بسخريه ويذهب الي غرفته
لينظر اياد الي يزن
يزن بضحك : جواز صوري ..ثم بمكر : بس مظنش انه هيكمل كده ..
اياد بتفكير : انت دايما بتضحك كده ..
يزن بتفكير : لازم حد فينا يضحك كفايا حزن بقي ..
ليتنهد اياد بهدوء
يزن بهدوء : انت عارف انت وكنان مش متفقين ليه ..
اياد : ليه ..
يزن بإبتسامة : عشان شبه بعض ..ثم بهدوء : يالا اوريك اوضتك ..
ليصعدا هما الاثنان الي الاعلي ..

بينما في غرفة نادين
استيقظت نادين وبيسان علي صوت الباب وهو يتم فتحه لتشعرا هما الاثنان بالصدمه من رؤيتها امامهما .
نادين بصدمة : ندي ..
ندي بفرح : وحشتيني اوي انتي كويسه ..
نادين بإبتسامة: انا كويسه انتي جيتي ازاي ..ثم بشك : كنان خطفك ..
ندي بهدوء وهي تغلق الباب خلفها وتجلس علي السرير لتجلس بيسان ونادين امامها
ندي بفضول : فهموني في ايه بالظبط عشان اياد مش راضي يقولي اي حاجه ..
بيسان بسخرية ومكر : اياد ..
لتلقيها ندي بالوساده
ندي بضيق : بس بقي واتكلموا بجد واحده فيكم تحكي اللي حصل بالتفصيل وانا هحكي وراها ..
بيسان بإبتسامة : كان يا ما كان ..
ندي بضحك : هي حدوته اخلصي ..
لتتحدث نادين مقاطعة بيسان وهي تسرد كل شئ حدث لتظهر معالم الصدمة علي وجه ندي التي لا تصدق هل كل ذلك حدث فهي كانت تظن ان ما يحدث لها مع اياد امر سئ ومحير ومخيف ولكنها الان رأت انها كانت افضل حال من تلك الاثنتان امامها ..
وعندما انتهت نادين من سرد ما حدث بدأت ندي هي الاخري في سرد ما حدث لها من اول ما قابلت اياد الي مجيئها الي هنا ..
بيسان بتفكير وهي تجمع خيوط الاحداث : كده المفروض ان كنان واياد كانوا علي عداوة وفي سوء تفاهم ويزن حل سوء التفاهم ده ولما اتوحدت مصلحتهم انتوا جيتوا هنا عشان هنا اكتر مكان محمي ..ثم بسخرية : بس برضه احنا مازلنا في خطر ..