Please Don't See Me [Mm Transl. || Completed]

CHPATER-19

UNICODE

အပိုင်း (၁၉)
ရက်စက်ပြင်းထန်လွန်းသော လမ်းခွဲမှု

ဤသည်ကား သူတို့နှစ်ဦး အတူတကွ ရှိခဲ့ကြသည့်လဝက်ပင်ဖြစ်၏။

ရှုကျင်းက အတန်းမတက်တော့ဘဲ ခွင့်ရက်ရှည်ယူကာ ရှန့်ရှင်းဟယ်အနား၌သာ နေ့စဥ်နေ့တိုင်း အမြဲရှိနေဖြစ်သည်။

နှစ်ဦးသား အကြည့်ချင်းဆုံခိုက် ရှုကျင်းဘက်မှ စတင်မျက်နှာလွှဲပစ်၏။ စကားပြောရာတွင်လည်း ရှန့်ရှင်းဟယ်၏မျက်နှာအား တည့်တည့်စိုက်မကြည့်ရဲဘဲ မြေကြီးထက်တွင် ရတနာရှိနေသကဲ့သို့ အောက်ကိုသာ ငုံ့ကြည့်မြဲငုံ့ကြည့်တတ်သည်။

ရှုကျင်းမှာ အချိန်တိုင်းလိုလို တွေဝေနစ်မြောနေရာ ရှန့်ရှင်းဟယ်မှစ၍ စကားစမြည်ပြောကြည့်ခြင်း၊ ရှုကျင်းစိတ်ဝင်စားမည့်နေရာများဆီ ခေါ်သွားကြည့်ခြင်း စသည်ဖြင့် အမျိုးမျိုးအဖုံဖုံကြိုးပမ်းကြည့်သော်လည်း ရှုကျင်းခမျာ မိမိကိုယ်မိမိအကြပ်ကိုင်နေသည့်ပမာ ပတ်ဝန်းကျင်နှင့်လုံးလုံးအဆက်အသွယ်ပြတ်နေတော့သည်။

"ကို.. ကို့မျက်လုံးတွေ အကောင်းအတိုင်းဖြစ်နေရင်ရော ကျွန်တော့်ကို ချစ်ဦးမှာလားဟင်?"

တစ်ညသော် ရှုကျင်းက ရုတ်တရက် ဤသို့မေးလာ၏။

အလုပ်များနေသည့် ရှန့်ရှင်းဟယ်က ထိုစကားများကို ကြားသော် လက်ပ်တော့ကို ဘေး၌ချ၍ ခေါင်းအုံးထက်၌ရှိနေသူထံ အကြည့်ပို့လိုက်သည်။

"ဘာလို့ အဲ့လိုမေးတာလဲ?"

ရှုကျင်းက ပြန်ဖြေ၏။

"ဒီအတိုင်း စိတ်ကူးကြည့်တာ"

ရှန့်ရှင်းဟယ်က ပြောပါသည်။

"ဒီလိုမေးခွန်းမျိုးက လုံးဝယုတ္တိမရှိဘူးနော် ကောင်လေး.. ကိုယ်မင်းကိုကြိုက်ခြင်း မကြိုက်ခြင်းက ကိုယ့်မျက်လုံးတွေနဲ့မှ မဆိုင်ဘဲ"

ရှုကျင်းက မျက်နှာတစ်ပြင်လုံးကို စောင်ထဲနှစ်မြှုပ်လျက် ရေငုံနှုတ်ပိတ်သာ နေတော့၏။

ရှန့်ရှင်းဟယ်လည်း ရှုကျင်းနံဘေး လှဲချလိုက်လေသည်။ လက်မောင်းဖြင့် ရှုကျင်း၏ခါးကို ဖက်လျက် သက်ပြင်းမောရှိုက်ကာ ပြောဆို၏။