أزمة الوقوع في الحب "المفقودون"

البارت الثالث

البارت الثالث من روايه ازمه الوقوع في الحب "المفقودون" بقلمى جنى عمرو♥️

بصقت شاهيناز عليه. ولكنه كان بعيد عنها ليضحك بشده على شَكلها بينما ظلت هى تحاول تحرير نفسها، و وسط هدوء الجميع استمعوا جميعًا إلى صوت طلق نارى ليصرخوا بخوف و تتحدث شاهيناز بخوف:
- خلاص مش عايزه أقعد مش عايزه

دلف سراج إلى الحديقه مع بعض الرجال و قام بِفك رِباط الجميع و توجه بهم إلى داخل ذلك البيت الواسع والمكون من طابقين، ليقوم بفتح باب سرى تحت الارض و يدخلهم جميعًا ويقول لهم من فوق:
- محدش يفكر يطلع فوق لأى سبب

ثم اغلق ذلك الباب و لم يهدا صوت الطلقات الناريه بل استمر فى زياده مرعبه لجميع من كان بذلك القبو، لتتحدث شاهيناز وهى تُطرقع أصابعها من التوتر:
- يا جماعه انا مش بتكلم فرنساوي المزز اللى فوق دول لو جرالهم حاجه مش هنرجع مصر تانى، انسوا

نظرت لها حور وقالت:
- أهو تبقى مصر خلصت من أشكالك

صُدمت شاهيناز من رد حور لتهتف وهى تضع يدها فى خِصرها:
- انتى يا بت يا اللى شنبك أطول من شنب تمثال طلعت حرب يا اللى الدفعه كلها بتخاف منك و مسمينك البوعبوع يا اللى سيرتك على لسان اللى رايح واللى جاى، يا اللى فاكره نفسك شيخه وانتى يا حَسره لسه تلميذه، جايه تقولى مصر هتخلص من اشكالى انا يا بيئه

نظرت لها حور بصدمه وقالت:
- لا هو عمتا واضح مين فينا اللى بيئه، ثم نظرت إلى حلا وقالت:
- هو مين فينا اللى من عيله كلاس و مولود فى بوقه معلقه دهب؟

حركت حلا أكتافها بعدم معرفه و أدارت وجهها فهى ليست تافهه إلى ذلك الحد، فهم مخطوفون و يوجد إشتباك بين من خطفوهم و أُناس أخرى لا يعلمون من هم، نظر أنس إلى أشرقت وقال:
- يا جماعه متقلاقوش الواد اللى أشرقت ماشيه معاه هيطلعنا من هنا، ثم نظر إلى أشرقت وهو يضحك بسخريه وقال:
- مش كده بردو

شهقت أشرقت بصدمه وقالت:
- تصدق إنك مشوفتش بربع جنيه تربيه و خساره فيك كلمه راجل يا شبيه للرجال

نظر لها بغضب وقال:
- انا شبيه للرجال أما العيل بتاعك لا صح يا حضره يا شريفه

إندفعت الدماء إلى وجه أشرقت ليصبح شديد الحُمره لتقول هى بغضب شديد:
- انت فعلا قليل الأدب ثم قامت بصفعه صفعه كادت أن تتحطم لها الجدران من ضَيّها؛ ليشهق جميع الموجودين بصدمه، بينما قالت أشرقت بغضب و قد إمتلئت أعينها بالدموع:
- دا ابن عمى يا محترم، ثم تركتهم جميعًا و ضربت بنصائح سراج عرض الحائط و خرجت من ذلك القبو، لتنظر له شاهيناز بغضب وتقول:
- أنت عبيط يلا، بعدين انت عارف إن أشرقت صعيديه و البنات الصعايده مفيش أرجل منهم ولا يمكن يمشوا مع ولد و خصوصًا أشرقت، بجد انت راجل غبى، و قامت هى الأخرى بضرب نصيحه سراج بعرض الحائط و خرجت من القبو وهى تركض وراء أشرقت التى كانت بدأت فى البكاء فهى تعلم لماذا يقوم برمى الكلام عليها بذلك الشكل ليزداد بكائها؛ لتلحقها شاهيناز وهى تقول:
- ايه دا يا بت يا أشرقت هو انتى بتعيطى زينا كده؟ وبعدين جتك نيله بتعيطى على عبده كلبشات؟؟!