ကူကယ်ရာမဲ့ခြင်းက အတိတ်ရဲ့ငါ့လိုလူအတွက်ရယ်စရာဖြစ်နိုင်ခဲ့ပေမဲ့ အခုချိန်မှာမင်းပေးခဲ့တဲ့သွေးသားလေးနဲ့အတူရှိချိန်မှာတော့ မတူတော့ဘူး။
အရှင်တကယ်ကိုကူကယ်ရာမဲ့နေပြီ ကလေး။
MELIVODY
"ဘုရင်ကြီး Welth ကျွန်တော်ဝင်လာခဲ့ပါရစေ"
"ကျစ်! ဝင်လာခဲ့"
မနက်ခပ်စောစော ၊ ကျယ်ဝန်းသောအိပ်ရာထက် ဘုရင်အမည်ခံသောလူ မိန်းမတစ်ယောက်နှင့်ပလူးနေချိန် ထိုအသံကြောင့်အနှောင့်အယှက်ဖြစ်သွားသည်ထင်၏။ တွန့်ချိုးသွားသောမျက်ခုံးတွေနောက်မှာ သူ့ဘေးမှမိန်းမပျိုကခပ်အို့အို့ရယ်သည်။
"Selena ဟိုကောင်မလာခင် မင်းအဝတ်သွားဝတ်တော့"
"ဟုတ်ကဲ့ရှင့်"
စောင်ဖြူဖြူရှည်ဆွဲပတ်ကာ ခပ်ကော့ကော့ထွက်သွားသည့်မိန်းမပျိုအနောက် ရိုကျိုးကျိုးလူတစ်ယောက်အခန်းတွင်းဝင်လာသည်။
"ပြော"
ခက်ထန်သောမျက်နှာသွင်ပြင်ဖြင့် ခပ်ပြတ်ပြတ်ပြောသောသူ့စကားအနောက်မှာ ခေါ်ဆိုသောအစေခံယောက်ျားသားစကားဆက်လာသည်။
"ဘုရင်ကြီး Welth အရှင်Nathan..."
"အဲ့ကောင်ဘာဖြစ်လဲ"
"ဒီနေ့အရှင်Nathanကိုဘာဆက်လုပ်မလဲဆိုတာဆုံးဖြတ်ရမဲ့နေ့ပါ"
"အာ...ဟုတ်သားပဲ ငါမေ့နေတာ"
ပြုံးကော့တတ်လာသောနှုတ်ခမ်းတို့တွက် ကြမ်းတမ်းသောလက်တစ်ဖက်ကနှုတ်ခမ်းမွှေးစစကိုဆွဲရင်းပြုံးလာ၏။ ကောက်ကျစ်စင်းလဲသောယုတ်ညံ့သူက အောက်တန်းကျလွန်းသည်။
"ငါမကြာခင်လာခဲ့မယ်"
"ကောင်းပါပြီ ဘုရင်ကြီး"
ပိတ်သွားသောတံခါးအနောက်၌ ကုတင်ပေါ်ရှိလူကြီးဘာတွေကြံနေလဲမသိရပါ။ သွေးသားတူရင်းဖြစ်လင့်ကစား ဖျက်ဆီးရက်သောဦးလေးဖြစ်သူက ရွံရှာဖွယ်အတိပြီးသောလောက်ကောင်တစ်ကောင်။ မူရင်းဧကရာဇ်ငယ်အား အကျဉ်းထောင်ထဲလပေါင်းများစွာပိတ်နှောင်ထားသောအဖြစ်ပျက်အနောက် တိုင်းသူပြည်သားတို့အား အရှင်Nathan ကျန်းမာရေးချို့ယွင်းနေတာမို့ ဤဘုရင်နေရာအားဦးလေးဖြစ်သူကခေတ္တနေရာယူထားရသည် ဟုသတင်းလွှင့်ထားသည်တဲ့ အဟက်။
YOU ARE READING
MELIVODY 𐤀 [Completed]
FanfictionUnicode & Zawgyi ကျွန်တော်ကလေးမဟုတ်တော့ဘူးဆိုတာ စိမ်းပြာရောင်သန်းနေတဲ့မျက်ဝန်းတွေကိုကြည့်ပြီး အရှင့်ကိုကတ္တီပါမွေ့ရာထက်မှာသက်သေပြပါ့မယ်...။ ကြၽန္ေတာ္ကေလးမဟုတ္ေတာ့ဘူးဆိုတာ စိမ္းျပာေရာင္သန္းေနတဲ့မ်က္ဝန္းေတြကိုၾကည့္ၿပီး အရွင့္ကိုကတၱီပါေမြ႕ရာထက္မွာသက္ေသ...