لن أستسلم

9

*انهارت شجن تبكي بهلع :
-هيكون راح فين بس لحد دلوقتي... من مدرسته وتليفونه خارج الخدمه انت فين يا على.
*بكى والدها بحرقه وقلب مفطور من الوجع :-_اتصالي علي الأستاذ نضال يمكن يكون معاه يابنتي راح فين اخوكي يا شجن... ليكون حصله حاجه ولا عمل حادثة، ابني نور عيني.

*هتفت شجن بصراخ :
نضال كمان تليفونه مقفول اكيد عنده محكمه تتفتكر حد خطفه يا بابا؟ بس مين؟ مجدي اهو بقاله كام يوم مرمي في السجن مفيش حد غيره، انا هبلغ البوليس يا بابا مش هقدر استني اكتر من كدة.
*وفجأه دق هاتف شجن برسالة نصيه مرفق معاها صوره فتحتها باصابع مرتجفه لتشهق بقوه وهي ترتد للخلف بفزع تقرا محتواها :
_اخوكي معايا لو عايزه تاخديه حى مش ميت تعالي ع العنوان ده لوحدك فاهمه لوحدك واياكي تبلغي البوليس أو اي حد.
*عضت اناملها تكتم صرختها وهي تري صوره علي يبكي وحافت سكين كبيره علي عنقه، ابتلعت ريقها و نظرت إلى والدها العجوز، و قالت بتتوتر وهي تحمل حقيبتها :
_انا عرفت مكان علي اطمن يا بابا أن شاء الله هيكون بخير.

*صرخ الأب هو الآخر بكاء :
_علي فين يا شجن اخوكي فين؟ حد اخده؟ يابنتي
*غمغمت تشهق بمرارة مريره تمزقها وهي تكز علي شفتيها :
_مش عارفه مين يا بابا مش عارفه بس لازم اروح اجيبه حالا.
*ركضت ووالدها يحاول أن يلحق بها وهو يهتف بقلق :
_كلمي نضال بيه.... متروحيش لوحدك....استرها معانا يارب... سترك يارب.
***********************
*جلست رتيبة بجانب ابنها مجدي تولول بعويل ونواب :
_كان مستخدمي الهم ده لينا فين....ليه يا بني ليه يا مجدي كده تضيع نفسك يا حبيبي...منها لله إلا كانت السبب منها لله.
*قال مجدي بحزن وهو يضع راسه بين كفيه :
_هي ملهاش ذنب ياما ربنا بيخلص مني...كله من سلطان الكلب إلا طلع منها زى الشعرة من العجينة زينات قالتلي البوليس معرفش يمسك عليه أي حاجه.
*بكيت رتيبة تمسح دموعها :
_منه لله ليه يعمل فيك كده المفتري جوز الاربعه كان عامل نفسه حبيب وهو عدو ليه تسمع كلامه يا مجدي نابك ايه غير السجن والبهدله يابني...حتي لما رحت لحد عنده اترجاه و اطلب منه يجبلك ابوكاتو[محامي] يدافع عنك طرديني طردت الكلاب وقالي أمشي يا وليه يا خرفانه من هنا.

*ضرب مجدي معقد الحبس الخشبي بندم شديد :
_اه الخسيس الكلب رماني في السجن علشان يخلص مني وكان عايزني اقتل الا اسمه نضال.
*كزت اسنانها وهي تقل بغل :
_كله منها وش البلاوي هي السبب... ياريتك طلقتها وخلصت.
*صاح مجدي غضبا فى أمه :
_بس بقا... بقولك هي مظلومه وأشرف مني ومنه هو إلا كان عايزها وانا غبي كنت مطوعه انا ضعت ياما وضعت خلاص... انتهيت.

*ضمته أمه لصدرها تبكي فوق رأسه :
_ياما قولتلك طلقها يا مجدي مسمعتيش كلامي كان خدها يابني وانت عشت حر ايه الفايده تبقا مسجون وهي علي ذمتك.
*ضم مجدي أمه من خصرها يبكي ندما علي شجن وهو يغمغم :
-هطلقها ياما في الجالسه هى رفعه علي قضيه طلاق خلاص ياما ارتاحي هطلقها واتسجن خدي بالك انتي من نفسك ومن دلال.