အမုန်းပင်မှပွင့်သောအချစ်ပန်း
အပိုင်း {၉}
"လွန်းဟယ်ရီ စကားခဏပြောရအောင်"
အိမ်ပေါ်သို့တက်ရန်ပြင်နေသည့် ဟယ်ရီခြေလှမ်းတို့မှာ အန်တီခေါ်သံကြောင့် ဧည့်ခန်းဆီသို့ဦးတည်လိုက်မိသည်။တစ်ခါမှခုလိုမပြောဖူးတာကြောင့်ရင်ထဲမှာလည်းထိတ်လန့်တုန်လှုပ်မိသွားသည်။အန်တီများ ဟယ်ရီ့အနားကထွက်သွားတော့မလို့လားလို့တွေးမိတော့ လှမ်းနေသည့်ခြေလှမ်းတို့မှာမခိုင်တော့စွာ အနားရှိတံခါးဘောင်အား လက်လှမ်းကိုင်ကာ မှီလိုက်မိသည်။
"ဘာပြောမလို့လဲအန်တီ"
အန်တီဆိုသည့်အခေါ်ကြောင့် နန်းရိပ်မျက်ခုံးနှစ်ဖက်မြောက်တက်သွားကာ အံ့သြသွားရသည်။မူးနေလို့လားလို့ကြည့်မိတော့လည်းလူကပုံမှန်ပင်။
"ဒီမှာလာထိုင်ပါလား တို့မင်းနဲ့ဆွေးနွေးစရာလေးရှိနေလို့"
ခြေလှမ်းတို့အား အားယူကာလျှောက်လိုက်ပြီး အန်တီအရှေ့ရှိ ဆိုဖာတွင်ဝင်ထိုင်ကာအန်တီအားကြည့်နေလိုက်မိသည်။အိမ်နေရင်း အင်္ကျီအပွအားအောက်မှ ပြောင်လုံချည်ကလေးဖြင့်တွဲဝတ်ထားပုံမှာ ဟယ်ရီမျက်လုံးထဲတော့ကြည့်ရျ်ကောင်းလှသည်။ဟယ်ရီအကြည့်တို့မှာ အန်တီနီစွေးစွေး နှုတ်ခမ်းလွှာတို့တွင်ရပ်တန့်သွားသည်။ဒီနှုတ်ခမ်းလွှာတို့ကနေ ထွက်ကျလာမည့်စကားလုံးတို့ကို ဟယ်ရီရင်ခုန်နေမိသည်။ထွက်သွားဖို့သာပြောခဲ့ရင် ဟယ်ရီရင်ကွဲရချည်ရဲ့လေ။
"သွန်းချယ်ရီကိစ္စနဲ့ပတ်သက်ပြီး မင်းနဲ့ဆွေးနွေးစရာလေးရှိလို့ အဆင်ပြေနိုင်မလား"
ထိုအခါမှသက်ပြင်းအား ချမိသည်။တော်ပါသေးရဲ့လေ ထွက်သွားမှာမဟုတ်လို့။
"ဘာများလဲ အန်တီ"
ဝုန်းဒိုင်းများကြဲမလားဆိုပြီး စိုးရိမ်မိခဲ့ပေမဲ့အေးအေးဆေးဆေးပုံစံကြောင့် စိုးရိမ်စိတ်အနည်းငယ်လျော့ကျသွားမိသည်။
"တို့က ကိုကိုကြီးဘက်က ကာပြောပေးတယ်လို့မင်းထင်ချင်လည်းထင်ပေါ့။ဒီကိစ္စက ကိုကိုကြီးနဲ့မဆိုင်တာတို့ယုံကြည်တယ်။မင်းကိုလည်းယုံကြည်ပါလို့မပြောပေမဲ့ သေချာလေးပြန်စုံစမ်းကြည့်စေချင်တယ်။မင်းယုံကြည်အောင်သက်သေပြဖို့လည်း တို့ကြိုးစားနေတယ်။အဲ့အတွက်မင်းဘက်ကလည်း တစ်ယူသန်မတွေးဘဲ သေချာလေးပြန်ပြီး အဖြေကိုရှာစေချင်တယ်"
"ဟယ်ရီ ဒီကိစ္စကိုအဖြေရှာဖို့စဥ်းစားထားပြီးသားပါ အန်တီ ဘာများပြောအုံးမလဲ"
"မင်း နေတော့ကောင်းပါတယ်နော် လွန်းဟယ်ရီ"
"ကောင်းပါတယ်"
"ပြီးတာပါပဲ အဲ့တာလေးတော့စဥ်းစားကြည့်စေချင်တယ် တို့ပြောတာနားထောင်ပေးလို့ ကျေးဇူး"
ပြောပြီး နေရာမှထကာ မီးဖိုခန်းထဲသို့ဝင်သွားလေသည်။အပေါ်လည်းမတက်ချင်တော့တာကြောင့် ဆိုဖာပေါ်တွင် လှဲကာနေလိုက်ရင်း အိပ်ပျော်သွားတော့သည်။
---
"ဆူး ဘာချက်တာလဲ"
"အန်တီအတွက် အရွက်ကြော်ကြော်ပေးနေတာ အန်တီကအသားတွေသိပ်မစားလို့လေ"
"အန်တီစားတတ်ပါတယ်ဆိုကွယ် ဆူးတစ်ယောက်တည်းပင်ပန်းနေတာကို ဘာကူရမလဲ"
"ဟော့ဒီခုံမှာသာ ထိုင်နေပါအန်တီရဲ့ အန်တီမျက်နှာလေးမြင်ရရင်ကို ဆူးက ပင်ပန်းတာတွေပျောက်ပြီးသား"
"အမလေး ဘာစားမလဲ ကျွေးမယ်"
နန်းရိပ်နဲ့ဆူး နှစ်ယောက်ပေါင်းကာ ပွဲကျနေတော့သည်။ခဏအကြာမှာတော့ သစ်လွင်လည်းပြန်လာလေတော့ ပိုပြီးပွဲစည်နေတော့သည်။ဟိုကဒီရောက်၊ဒီကနေဟိုရောက်ဖြင့် မပျင်းရတော့ပေ။
YOU ARE READING
အမုန်းပင်မှပွင့်သောအချစ်ပန်း (Completed)
Fantasyအန်တီနဲ့သမီးဇာတ်လမ်းလေးပါရှင်။ Start Date^^ 26:2:2022 End Date^^
