အမုန်းပင်မှပွင့်သော အချစ်ပန်း
အပိုင်း (၂၁)
"ငှက်တစ်ကောင်ကိုမပျံသန်းစေချင်တော့ရင် အတောင်ပံကိုချိုးပစ်ရမယ်"
"ဟဲလို မင်းမင်းပြော။အဆင်ပြေရဲ့လား မမကြီးတို့ လိုက်လာဖို့လုပ်နေကြပြီ"
"...."
"ဘယ်လို!! ဆုံးသွားပြီ ဟုတ်လား"
"အန်တီဘာဖြစ်တာလဲ"
အဝတ်အစားတစ်ချို့အားထည့်နေရင်း အန်တီရဲ့အသံကြောင့် ဟယ်ရီစိတ်ပူကာသွားမိသည်။အန်တီမျက်နှာက ချက်ချင်းပင် အရောင်ဖျော့ကာ သွားတော့သည်။
"သက်သေ..သက်သေလုပ်ပေးမဲ့သူက ဒီမနက်ပဲဆုံးသွားပြီတဲ့"
ပြောရင်း ကြမ်းပြင်ပေါ်ခွေခနဲအရုပ်ကြိုးပြတ်ဖြစ်သွားသည့်အန်တီ။ဟယ်ရီလည်း ထိုနည်းတူစွာပင်။အမှန်တရားအတွက်ဟယ်ရီတို့အများကြီး ကြိုးစားခဲ့ကြရတာ။ဒါပေမဲ့..ဒါပေမဲ့ ကံကြမ္မာက ဟယ်ရီတို့ကိုမျက်နှာမပေးခဲ့ဘူး။ဆယ်နှစ်ကြာ လှည့်စားပြီးတာတောင် ကံတရားက ဟယ်ရီ့ဘက်မှာမရှိခဲ့ဘူး။
"အန်တီ...ဘာမှမဖြစ်ဘူးနော်။ဟယ်ရီ..ဟယ်ရီတို့အတွက်နည်းလမ်းရှိအုံးမှာပါ"
"ဘယ်လိုလဲ..ဘယ်လိုနည်းလမ်းလဲ။ဒီသက်သေက တို့တွေအတွက်နောက်ဆုံးပဲသိလား။အခု..အခုတော့"
"ဟယ်ရီတို့နည်းရှိအုံးမှာပါ။ဒီတစ်ခုဆုံးရှုံးသွားလည်းဘာမှမဖြစ်ဘူးနော်။အန်တီနဲ့ဟယ်ရီ အတူတူဆက်ပြီးနည်းလမ်းရှာလို့ရပါသေးတယ်"
ပါးပြင်ပေါ်ရှိမျက်ရည်စတို့အား သုတ်ရင်း ဟယ်ရီဆိုမိသည်။ဒီအရာအတွက် ဒီအမျိုးသမီး ဘယ်လောက်ထိအပင်ပန်းခံခဲ့လဲဟယ်ရီအသိဆုံးပင်။နေ့ညမပြတ် မင်းမင်းရှာပေးသမျှအချက်အလက်တွေကိုစုလိုက်၊လေ့လာလိုက်နဲ့ မနားမနေကြိုးစားပြီးနောက်ဆုံးမှာ ဒီသက်သေဆီ လမ်းစပေါ်ခဲ့ခြင်းပင်။သက်သေနဲ့ဆက်သွယ်ပြီး ဖြောင်းဖြပေးခဲ့တာလည်းသူမကိုယ်တိုင်ပင်။ခါးခါးသီးသီးငြင်းဆန်နေသည့်သူအားသူမဘက်ရောက်အောင် ဆွဲခေါ်သိမ်းသွင်းနိုင်ခဲ့သည်။ဒါပေမဲ့ ကံကြမ္မာက မျက်နှာသာမပေး။သပ်သေဟာ ဆုံးပါးသွားခဲ့ပြီတဲ့။ကြိုမမြင်နိုင်တဲ့သေခြင်းတရားမလို့ ဟယ်ရီတို့ဘာလုပ်နိုင်မှာလဲလေ။
YOU ARE READING
အမုန်းပင်မှပွင့်သောအချစ်ပန်း (Completed)
Fantasyအန်တီနဲ့သမီးဇာတ်လမ်းလေးပါရှင်။ Start Date^^ 26:2:2022 End Date^^
