أنفاس الكوبرا

الحلقة (١٨)

الحلقة (١٨)

ذهبت نرمين لتتحدث إلي والديها وذهب خلفها خالد،  وظل أدم وكيان وفهد ونفس، وأدم وكيان يتشاكسون وفهد يقوم بالضحك علي ابنته ولكن تركتهم نفس وخرجت إلي الحديقة وأغمضت عينيها وظلت تتنفس الهواء الطلق وهي تبتسم بسعاده لأول مره تشعر بدفئ العائلة و هى ما تزال مغمضة عينيها وفجأة توجه ناحيتها ليزر لونه أحمر ومن بعيد يقف رجل مصوب بندقيته ناحية نفس وفجأة قام فهد بالنداء علي نفس من الداخل فقامت نفس بالتحرك نحو الداخل ولم يستطع القناص اطلاق النار علي نفس لأنه لايريد وجود أحد حولها حتي لايتم إنقذها ولكنه كان غاضبًا لأن مني تريد التخلص منها سريعًا.
بداخل القصر كانت تتحدث نرمين مع والديها علي الهاتف.
_نرمين:  الو يا بابا

_ مازن:  إيه يا حببتي أنتِ مش جايه ولا إيه الوقت اتاخر أوي.

_نرمين: لا يا بابا مش هاجي عشان نفس طلبت مني ابات هنا والوقت اتاخر.

_مازن: ماشي يا حببتي أهم حاجه خالي بالك من نفسك ولما تصحي طمنيني عليكِ.

_نرمين:  حاضر يا بابا متقلقش وطمن ماما إنِ بخير.

_مازن:  حاضر يا حببتي، سلام.

_نرمين:  سلام يا بابا.
أغلقت نرمين الهاتف مع والدها وقامت بالف ضهرها وجدت خالد يقف خلفها.
_نرمين بفزع:  إيه يابني أدم أنتَ قطعت ليا الخلف.

_خالد:  أسف مكنش قصدي أخضك بس اسمعيني،  أنا عايز فرصة واحده وهثبتلك قد إيه أنا بحبك وإنِ استاهل فرصة.

_نرمين بضيق:  لا أنتَ متستحقش ولا فرصة ياتري المره دِ هتتراهن على إيه يا خالد.

_خالد:  صدقيني أنتِ بالنسبة ليا عمرك ما كنتي رهان أنا أصلاً حبيتك قبل الرهان عايز فرصة واحده بس وهثبتلك إنِ كلامي صح.

_نرمين:  أنا عايزه أروح أنام يا خالد وسع من أقدامي.

_خالد:  تمام اتفضلي يا نرمين بس عشان تكوني عارفه هفضل وراكِ لحد أما أخد فرصة لأنِ استحقها.
تركته نرمين وهي تبتسم على كلامه وركضت إلي غرفتها.

عند فهد ونفس.
_فهد:  نفس يا نفس.
ذهبت نفس إليه.
_نفس:  نعم يا فهد في حاجه.

_فهد:  مالك خرجتي برا ليه، في حاجه مضايقكِ.

_نفس:  هتصدقني لو قولتلك مش عارفه، حاسه إنِ تايهه أوي ومش عارفه أفكر، قلبي مقبوض ومش مرتاحه مع إنِ مبسوطه أوي بالدافئ والكل حوالينا وأنتَ موجود بس لسه قلبي مقبوض.

_فهد وهو يتقرب منها:  حاولي متفكريش كتير خليكِ سعيده بالجو دَ، التفكير الكتير والحيرة بتتعب الدماغ وبتأثر في، كل اللي بنحس بيه هو اللي هيحصل يعني إيه يعني لو أنتِ بتفكري بإيجابية وإنك هترجعي مبسوطه وحوليكِ الناس اللي بتحبيهم دَ اللى هيحصل ولو بتفكري بتشاؤم للأسف دَ اللي هيحصل برضو كل واحد فينا مسئول عن قراراته واختياراته، أنا عايز أكون جمبك أنتِ وكيان وعيلتي بس و واثق إن دَ اللي هيحصل عشان ربنا كريم أوي فهمتي يا نفس.