عائلتي الجديده

البارت الثامن والعشرون(الاخير)

البارت الثامن والعشرون ( والاخير)
الكاتبه(سمو الملكه)
كل عام وانتو بخير اعاده الله عليكم بالخير والصحه والسلامه وعساكم من عواده💜
عيديتي الكم 💜

الاسد يكول لعسل
أنا الذي يُمسك يَديكِ دائماً
ولَن يُفلتها أبداً حتى لَو قَطعوني أشْلاءً صَغيرة .

دخلو الشباب كلهم عمامي وخوالي وجدو ولد عمامي واخواني ولد خوالي وركصو لعبو لعب البنات تسترو نص لبسو عبي ونص بس حجابات وامي وخالتي يركص ويه الولد وغزل وشموس لعبو لعب بالركص استهترو واسد هو عرسه وفرحان ويركص وبنص الركص يحجي عليهم هاي غزل اذا اللزمها اعدمها وهذا فهد الفاهي ما يلزم مرته لعبت لعب موتني ضحك كتله دحير بروحك عوف العالم متونسة حتى هنا مخلصو منك ولو هو منو يخلص من اسد وطبكاته ههههه
متخبل عليهم باحلى يوم بحياته وبعدين دار وجهه عليه خاب كيكتي شحلاتج تنكرطين كرطن ياعيون اسد
عسل: كلش خجلت وكوه عرفت اكوله تسلم عيونك لان جانت عيونه ما تباوعلي جانت تاكل بيه
اسد: ام اسد جيبي العلبه
ام اسد: صار حبيبي
عسل جابت خالتي علبتين وحده سوده جبيره وحده حمره
فتح اسد العلبه السوده طلع منها سيت ماس يجننن حيل حلو خاتم وتراجي وكلاده وسوار سيت كامل
وفتح العلبه الثانيه وشاورني كال هاي هدايه الج كل ما اشوف قطعه ذهب حلوه اشتريها قبل لا اخطبج واكول هاي من نصيب مرتي وصارو من نصيبج جان بيها محبس وسوار وحلقه ذهب تجنن وحجل وكلاده ناعمه اشياء نواعم يخبلن متت عليهن لبسني الذهب لان جنت لابسه ذهب وعاف الماس للعرس كلش فرحت وكبر بعيني وعلي بابا جانو موجودين علي باوعلي وغمزلي وكالي من اجه يمي شاورني شوفي صاحبي مو بخيل بس يحب المفاجئات

اجه علي وابوي ابوي لبسني احزام ذهب يجنن جان وعلاوي لبسني كلاده كلش حلوه وثكيله وبابا سلموني بيد اسد باسني من راسي ولزك الا تبوسيني واني استحي من ابوي واخوانب وبالاخير بسته بعدين سولنا زفه من القاعه لان العرس مو بالقاعه صارت طلعنا اني واسد بسيارته نزلني بالبيت كعد شويه يمي اخذنا صور وسولفنه وباسني من خدي وعظ ركبتي وراح كمت ابجي كدما عضتة قويه يكول اي هاي بروفه لباجر حتى تتعودين ع الوضع صعدت بدلت وسبحت وخليت ماسك لوجهي لان تعب من المكياج وغسلته ونمت ثاني يوم الصبح كعدت بعدني بالفراش واجتني شمس
شمس: يلا يلا كومي ياعروس اكو وحده لهسه نايمه وهي اليوم عرسها وااااي كومي كومي
عسل: بعدين فجىء عاطت شمس
شمس: عزااااا لج شنو هاي
عسل: شكو منو شّـْْكو منومات؟
شمس: لج يا مات شوفي ركبتج !!! لجججججج خاف عباله هذا اسد الثور البارحه عرسكم وسوه سوالف
عسل: تففف عليج حقيرررره اصلا عضاني وبجيت اصلا يا سوالف لخاطر اهلج
شمس: اي هو اني كلت هذا جلب مجلوب
عسل: استغفر الله شهل صباح هذا
شمس: ها عيني ست الحسن ضجتي لان حجيت ع حبيب روحج اوووي اوووي عنيفه
عسل: شهل مزاج لعندج من الصبح شكد لغيتي؟ خل اغسل واجي يلا ولي
رحت غسلت ونزلت مطنكره وجهي ميكصه السيف مو المفروض العروس فرحانه بهل يوم او خجلانه ع الاقل الا انييي نزلت عصبيه وضايجه كلش روحي طافره لكيت مسوين بيض طكيتها بجيه وتعاركت شنو بيض انيييي مو ما احب البيض شكو تسوه ماريدددد ما اكللللللل مع العلم اني عادي اكل البيض بس ردت الي حجه حتى اتحجج لان جنت كلش مقهوره راح اعوف اهلي وحسيت بضغط وتوتر مو طبيعي ف ردت بس افرغ طاقتي السلبيه بشي وفرغتها بالعصبيه وبالبجي رحت سبحت وطلعت بدون ريوك اخذنه عمر للصالون ونزل جابلي سندويشه كيمر عرب وعسل وقهوه شلون رهمت مادري بس هو رهمها وتريكت بالسياره ورحت للصالون اني وشمس وغزل اجت ورانه هم بس مكيجوا لان يلبسون حجابات اما اني مكيجت وعفت شعري مفتوح بس جعته تجعيده خفيفه ولبست تاج بسيط وسيت الماس وبدلتي فخمه طلعت حرفيا ملكه مو مبالغه او مدح بس كل من شافني صل على محمد وال محمد كد جمالي وفخامتي واكيد رقبتي زركه اثر عضه اسد خلت الها الماكيره خافي عيوب وفونديشن وهاي لايت سائل ياله اختفه الاثر وكملت اجه علينه علي اخذنه اني وشمس وغزل
نزلنه كلنا واشتغلت الهلال بيت اهلي امهاتي واخواني وابائي اثنيهم موجودين وخالاتي وخوالي هم موجودين بس عماتي وعمامي جانو يم خالتي ام اسد حتى يجون سوه بالزفه اجوي ورا ساعه من رجعتنا من جلسه التصوير الي صارت من رجعت للبيت اجه اسد اخذني اني وشمس وفهد  راح ويانه وعلي وغزل كلهم اخذو صور ويانه سوه بعدين رجعت للبيت من خلصت جلسه التصوير جان بحديقه خارجيه كلش حلوه اجوي اسد وعمامي وعماتي وغزل وياهم سلم اسد وعمي ع ابائي اثنيهم وع اخواني واخذني اسد فحطت من البيجي ادمرت ادمر بحيث ابوي ابو علي سحبني ع صفحه كال بيج شي تريدن شي ليش هل بجي يا باباتي كولي والله افركش العرس كله وانعل ابو العرس لابو الينطي هيج ماسه حلوه بس كولي شبيج نوب اجه ابوي ابو احمد واني اناشغ باسني من راسي لو ردتها حجه حتى اشبگه وافرغ شكو بجي عندي من حسن حضي انو اني جنت مسويه جلسه تصوير والا جان اصلا مرحت اصور! لان خرب كل مكياجي ونفسيتي تعبت من كد القهر كلش ضجت هسه بديت اتاقلم ويه عائلتي الجديده بيت ابو علي وبعدين ارجع اتزوج وهم لازم اكون حياه جديده وهل حياه اكثر مسؤوليه وصعوبه ف جنت كلش ماخذه الموضوع بصعوبه وخوف وتوتر مجان بالنسبه الي سهل زفونه لمزرعه مالت جدي هيج جان طلب اسد انخلص اسبوع هناك بالمزرعه هو كلش يحبها ومن جان صغير ع طول يروحلها هو وجدي حتى عنده خيل هناك واكو بطات وطليان واكو عائله هي مسؤوله عن كلشي جدي ينطيهم فلوس وبيتهم بالمزرعه واني حبيتها للمزرعه ع حبه وهم اخذني الها مره بفتره خطوبتنا تجنن كلش حلوه تفتح النفس وجبيره كلش والبيت الي بداخلها رغم صغير تقريبا٢٠٠ متر بس تصميمه عبالك قصر كلش حلو واسد اله غرفه خاصه بالمزرعه كل ميتعب من الشغل او يصير عليه ضعط يجي يرتاح بالمزرعه ف جانت فكرته زفتنه اني وياه للمزرعه جانت شويه بعيده على بيتنا تقريبا ساعتين ونص هيج شي ف رحنه بس اني وياه وامه وابوه زفونه وغزل وفهد وشمس وعلي لان صديقه يعتبره مو اخوي هههههههه
جانت زفه ولا بالاحلام الطريق كله يركصون ويهلهلون واني روحي مايعه هم تعبت من البجي وهم هو اليوم اصلا كله متعب صالون وجلسه تصوير ساعتين او٣ ساعات ف كلش تعبت بس اسد عادي متونس ع الاخير والضحك من الاذن للاذن بحيث اول مره بحياتي اشوفه هيج فرحان ومرتاح وصلنا وكلبو المزرعه كلاب بالهلاهل والركص رحت ويه خالتي واختي نزعت بدلتي بغرفه اسد ولبست ثوب نوم ابيض يجنن وروب ورتبت مكياجي وتعطرت وخالتي وشمس وغزل سلموا عليه وطلعو شويه واجه الاسد يمسح ايد بيد ويضحك ضحكت عليه كتله شبيك
اسد: تدري شبيه ؟ سعيددددددد فرحان لدرجه محد فرحان هيج قبلي
عسل: سعيد وفرحان خوش ولد ههههههههههههههههههه
اسد: يابويه ع تفاهتج بدت؟!
عسل: تفاهه لو برتئاله؟هههههههههه
اسد: استمري حبي استمري خرب وجهج شكد سخيفه هههه
المهم فرحان اني ومتكدرين تخربين عليه فرحتي لو هسه تموتين
عسل: اوي اوي اسم الله عليني وتعال ليش فرحان؟
اسد: بربج هو هذا هم سؤال اخذت الاحبها بت كلبي وتعبي صدك تعبي شكد تعبت وياج وشكد شلعتي كلبي بعنادج وغرورج!
عسل: لااااا اسد صددك تحجي منيلي مغروره بربك!!!
اسد: اي بربي لعد منو جان يشلع كلبي بلبسه لو ترحين لبيت اهلج ابو احمد وتباتين وابقه مشتاقلج هذا كله جان عذاب وغرور من حضرتج الي
عسل:شدعوه يابه هذا كله ضامه بگلبك عليه!
اسد: وبعد وبعد طلعاتج وعنادج من اكولج لاتسوين شغله وتسويها ومن تشردين من العقاب وترحين تحتمين بجدو لو ابوج وعلي كله مسجله عليج ست
عسل: يبووووي ما يخلص حسابك لو انطيك مجال منا لباجر تبقا تحاسب تره جعت ماكو اكل وتريد تلهيني لو شنو؟
اسد: تنطيني مجال ! لاااا والله ع اساس منتضر انتي تسمحيلي يمه اصلا انييي ارجف منج هه والله يا الله هذاك اكل كومي حضري مثل النسوان لو حتى هاي تردين اني اسويها؟! ما فالحه بشي