عائلتي الجديده

البارت الرابع عشر

البارت الرابع عشر
الكاتبه(سمو الملكه)

سامحني بعد ما بيه حيل أزعل
ولا متعود أخذ دور المدلل
ولا متعود اتباها بدموع الناس
بس شفت الورد يرتاح من يذبل.

تصويت⭐️⭐️

دخلت للبيت ومن حضن لحضن كل ساعه واحد شابكني وبابا حبيبي عيونه مدمعه وميقبل يعوفني وماما وشمس يبجون وعموري دمعته وكعت شبكته اول واحد من بــٌعد بابا لان عمر بالذات اعرف شكد يحبنا ويخاف علينا وبيت اهلي ابو احمد موجودين وحمودي حبيبي هم شبكني واكيد هاي الفرحه ما تخلصه من شعوذه ادم
ادم: لو ادري لينخطف هيج يصير عزيز جان كلتلهم يخطفوني
الام: اسم الله هاي بدل ما تكولها الحمد لله ع سلامتج
ادم: دشوفيها شلون مكيجه وصايره حلوه حتى مخليلها احمر وازرك وبنفسجي ههههه يقصد ع الضربات

عسل: ادم جان يحاول يلطف الجو بس شيلطف!!! واني نفسيتي حيل تعبانه صايره صفر وكارهه كلشي دخلت للبيت شويه حاولو يحجون كتلهم تعبانه سوو غده لوجهه الله ع سلامتي قبل الغده رحت سبحت وشمس وياي تساعدني وغزل هي والبنات ويه امي يطبخون ويرتبون الاكل بدلت وخليت عصارت لجروحي ولاصقات ونزلت اكلت شويه لان اصلا جنت شبعانه بس مجامله كعدت واكلت وياهم كتلهم من رخصتكم اريد انام شويه لان جنت تعبانه وماخذه حبوب مسكن ينوم فنسطرت سطر
صعدت فوك بغرفتنا تمددت ع الجربايه واجوي امهاتي اثنيهم ام علي وام احمد
ام احمد : ماماتي عسلي اريد احجي وياج شويه وجاوبيني  بصراحه احنا صديقات ومتعودين منضم شي ع بعض ماما احد سوالج شي حاولو يعتدون عليج او تحرشو بيج؟
عسل: امي تحجي واني دموعي وكعت ع خدي موقف كلش صعب ما اتمنى اي احد يصير بيه كتلها لا ماما ابد محد تقربلي والله بس جانو يكتلوني وجواني بيدي لان ابجي وشوفت الجويه لامي
ام علي: الله يكسر ايدهم ان شاء الله حبوتج ما تتعداهم يا ماما بيها عليها شعليج انتي ياخذونج بذنب مو ذنبج بس هي هاي الدنيا واحد ياكل الاخ ولازم الفاسد والحقير ما يتحاسب بس الانسان البريء والنظيف يحاسبو
بقت ماما تحجي خليت راسي بحضن ماما ام احمد وام علي لازمه ايدي ويسولفون بقو واني نمت ع صوتهم لان جنت شاربه حبايه مسكن ومنوم
اسد: كلبي يتكطع على عسل وخاصه من شفتها وبالغده ما تغدت ولا تسولف ولاتحجي متتت قهر عليها ويــن جانت محد يكدر للسانها حتى اني تحجي عليه واخزرها واهدد ما يفيد بيها وهسه  حتى صوتها ما سمعته صرت اموت بالساعه الف موت من القهر ع سعادتي صوتها وضحكتها الرنانه ماكو غايبات وجهه طافي ابد ما عجبتني تعبانه كلش تعبانه بنيتي
شمس: بعد ما جابو عسل للبيت الكل بقه ع الغده ومن كملو بقينا اني وغزل نظف ونسولف بعسل ونبجي متنا قهر عليها والبيت كله مقهور اخواني وفهد ميت عليها متستاهل ابد لان هي بطبيعتها مرحه وشقيه وهسه ساكته بس جسد يتحرك ومع ذالك حمدنا الله وشكرناه لان رجعت سالمه وما موتوها وكدرت تتحمل كل الي صار