ត្រកូលឧក្រិដ្ឋជន

ភាគទី 33

ផូស!!!!!

ជុងគុកនិងថេយ៉ុងត្រូវសុីម្នាក់មួយដៃចំកណ្ដាលក្បាលទាំងព្រឹក អ្វីដែលសំខាន់នោះគឺកំពុងតែគេងលក់មិនដឹងអី ដឹងត្រឹមម្យ៉ាងកំពុងតែគេងអោបហូប៊ីនៅលើគ្រែទាំងពីរនាក់។

<<អូយ៎!!>> អ្នកទាំងពីរស្រែកឡើងព្រមគ្នា មួយដៃអំបាញ់មិញឈឺមិនធម្មតា ដល់ថ្នាក់ត្រូវភ្ញាក់ពីដំណេក ប្រឹងបើកភ្នែកឡើងមើលថាអ្នកណាជាអ្នកវៃ។

លោកចននិងភរិយារបស់ខ្លួន កំពុងឈរនៅម្នាក់ម្ខាងនៃគ្រែ ឈរច្រត់ចង្កេះបើកភ្នែកធំៗដាក់កូនប្រុសកំពូលជើងល្អរបស់ខ្លួន មិនដឹងថាពួកគាត់ចូលមកតាំងពីពេលណា ហើយបានឃើញអ្វីខ្លះ។

<<ពួកឯងទាំងពីរនាក់ឆាប់ងើបភ្លាមមក>> បុរសចំណាស់ពាក្យមុខយក្សដាក់កូនប្រុសទាំងពីររបស់គាត់ដោយប្រើសម្លេងគួរអោយខ្លាចបំផុត តែមិនហ៊ាននិយាយលឺៗឡើយព្រោះខ្លាចរំខានដល់អ្នកកំពុងតែគេងនៅកណ្ដាលគេ។លោកចនឈរនៅជិតថេយ៉ុងច្បាស់ណាស់គាត់ជាអ្នកវៃថេយ៉ុង ឯអ្នកស្រីចនជាអ្នកវៃជុងគុក។

បងប្អូនទាំងពីរនាក់សម្លឹងមុខគ្នា
អេះអុញៗ មិនទាន់ស្វាងងងិត សភាពម្នាក់ៗដូចទើបតែមកពីធ្វើសង្រ្គាម អ្វីដែលគួរអោយអាមាស់បំផុតគឺមកគេងជាមួយមនុស្សតែម្នាក់។

~~~~~~~~~

នៅក្នុងបន្ទប់ធ្វើការរបស់ម្ចាស់ភូមិគ្រឹះត្រកូលចន ដែលជាឪពុកនាយកំលោះទាំងពីរ មកជួបជុំគ្នាទាំងគ្រួសារ មានឪពុកម្ដាយ និងកូនប្រុសទាំងពីរ។គ្រប់គ្នាអង្គុយនៅលើសាឡុងទល់មុខគ្នា។

ជុងគុកអង្គុយស្ងាបហបៗព្រោះមិនទាន់អស់ងងុយ ឯថេយ៉ុងអោបដៃផ្អែបខ្នងទៅនឹងសាឡុងយ៉ាងឡូយធ្វើដូចជាគ្មានរឿងអ្វីកើតឡើង។

ស្វាមីភរិយាមួយគូរនេះមើលមុខគ្នាទៅវិញៗ ឆ្លាស់គ្នាជាមួយកូនប្រុសខ្លួន ហើយក៏ដកដង្ហើមធំ។

<<ឆាប់ប្រាប់យើងមកថាឯងបានធ្វើស្អីខ្លះកាលពីយប់មិញ?>> លោកចនប្រើកែវភ្នែកមុតស្រួចមើលទៅកាន់កូនប្រុសទាំងពីរ ព្រមជាមួយនឹងសំណួរដាក់សម្ពាធទៅកាន់ពួកគេ។