سليلة ملوك الجان "غازى"

فصل 2

_بيصحى غازى فجأة بيلقى عيون بتلمع فى الضلمة
اتخض وقعد يستعيذ بالله وولع النور اول لما ولعه لقى بنت جميله جدا بمعنى الكلمة بصلها وسألها
غازى : أنتِ مين
: إنت شايفنى
قام غازى من على السرير: أكيد أمال بكلمك إزى
وقفت البنت بكل شموخ قدامه وقالت
أنا ليليث بنت ملك الجان
بصلها غازى وهو مصدوم ومش قادر يتكلم
ليليث : إيه مالك أوعى تكون خوفت بصتله وقعدت تضحك
بلع غازى ريقه و بصلها وحاول ينطق : ط ط طيب بنت ملك الجان بتعمل إيه هنا
ليليث قعدت على كرسي وحطت رجل ع رجل و إتكلمت : أنا إلى مفروض أسأل السؤال ده بس هجاوبك
قامت من مكانها و بقت تلف حوالين غازى وهى بتتكلم : أنا زى ما قولتلك إنى بنت ملك الجان حصل خلاف بينى وبين الملك إلى هو والدى وهو قفوش حبه فا قام بنفى بس كده
بصلها سليم : نفاكى عشان خلاف مبينكم بس
وقفت ليليث قصاد غازى : احم مهو مش خلاف بسيط هو كان إنقلاب
غازى : وايه سبب الانقل ...... يوووووه أنا مالى أنا عاوز أعرف إنتِ بتعملى إيه
ليليث بعصبيه بسيطة وعينيها إبتدت تلمع جامد : ما قولتلك إنى إتنفيت و بقيت فى صورة القطه إلى الكل بيشوفنى عليها .... رجعت تتكلم بهدؤ تانى ... إلا أنت شوفتنى على صورتى دى ده معناه انك مميز
شاور غازى ع نفسه : أنا مميز ليه
ليليث : لأنك مخفتش منى زى الى قبلك
غازى: ليه يخافوا منك يعنى أنا مش بعاكس ولا حاجه بس بعيد عن إنك جنية بس قمر
إبتسمت ليليث : مش بقولك مميز زى ما أنا كمان عندى ميزه
غازى بفضول : وايه هى بقا
ليليث : بعكس خوف إلى قدامى فا بيشوفه حقيقة ........ كل إلى بيدخل هنا بيشوف كابوسه و مخاوفه حقيقة و ممكن كمان أعكس و أبين نيت إلى قدامى
غازى : طيب ده شئ جميل
ليليث بنرفزه : لا لا مش جميل لما متبقاش متحكم فيها بتبقى لعنه مش أى حد هتقبلك وده جزء من عقابه إن محدش يتقبلنى إن الكل يشوف الجانب السئ بتاعهم فيا فهمت
نظر غازى لها بفهم : فهمت يعنى إستخدم الحاجه الى بتميزك لعقابك
غازى بتشتت: برضوا مش فاهم إنت ليه هنا وانا إزى شايفك
ليليث: أنا هنا لأن ده المنفى بتاعى ، وليه إنت إلى شوفتنى ده مش عارفه بس اكيد ليه سبب
غازى : طيب إنت عاوزه ايه
ليليث : إنت إلى محتاجنى مش أنا
غازى : بس أنا مش محتاجك
ليليث: متستعجلش إلى جاى مش هين يا حضرة الظابط
غازى : طيب لو سمحت يا بنت ملك الجان أنا عندى شغل دلوقتي ومحتاج انزل وبعدين أشوف أنا محتاجك ولا لا اشطا يا جينى ( قال كده و هو بيحاول يلمس وشها )
ليليث : إيدك يا شبح وبعدين أنا معاك فى اى مكان رجلى على رجلك زى مابتقولوا 😌
خد غازى نفس عميق بعدين اتكلم : يا صبر ايوب ، انتى شابطه فى اى حاجه كانك بنت اختى ، وبعدين اخدك إزى معايا ، وبعدين انتى بتقولى إن مش اى حد بيشوفك ايه بقى
ردت ليلث ببساطة: مادام إنت شوفتنى أكيد غيرك هيشوفنى وقريب هتتفك لعنتى ها قولت ايه
مسح بايده وشه وقال فى نفاذ صبر منها وهو بيص على لبسها : طيب افرض ها افرض رضيت إنك تيجى معايا إزى هتخرجى كده
ليليث: كده إزى ما أنا جميله أهو
ابتسم باصفرار: لبسك مش مناسب لمكانا أكيد إنت عارفه
بصت ليليث على لبسها كانت لابسه فستان وتاج
ليليث: أوف ، تمام البس ايه لحظه ، فرقعه صوبعها فتغير لبسها لفستان سهره احمر
ليليث: ها ايه رايك
بصلها بفقدان أمل: لبس رسمى مش سهره إحنا ريحين قسم
: فهمت لبس رسمى زى ده ، فرقعه صوبعها تانى ، اتغير لبسها لبدله رسميه
غازى كان حاطط ايديه على وشه وبيدلك رأسه رفع رأسه لما ندهت عليه
ليليث: إيه رأيك
رفع عينه لقيها لابسه بدله لونها اسود كأنها متفصله ليها فعلا
قال فى سره إيه ده يا شيخه هو فى كده اتعدل فى وقفته وقال : أنا عشر دقائق اخد شور و ألبس ونمشى اشطا
###############
بعد نص ساعة كان واقف هو وليلث قدام القسم قلع النضاره وحطها فى جيبه اخدنفس عميق : ربنا يستر ، إسمعى متتروحيش فى اى مكان غير لما أعرف فاهمه مش عاوز شغل عفاريت أنا يدوبك مصدق انى بكلم جنيه تمام
بصتله ليلث برفعه حاجب وهى بتقول : خليك فى حالك
غازى : ماشى يلا
دخلوا هم الاتنين كان الكل بيبص عليهم اتجاهل هو نظراتهم ودخل مكتبه وقفل الباب
اول لما دخلت ليليث سندت على المكتب وقالت : ها هنحل أى قضية النهارده
رفع غازى صباعه فى وشها وهو متغاظ : اقعدى ساكته ، كل إلى عوزه إنك تسكتى
فجأة الباب خبط
يتبع ..
#غازى
#سليلة_ملوك_الجان