سليلة ملوك الجان "غازى"

فصل ٤

بعد كام يوم ظهرت نتيجه الطب الشرعي
غازى بيتكلم فى التليفون وهو فى البيت : تمام يا محمود الصبح بدري هكون هناك سلام
غازى : ليليث
ظهرت فجأة قدامه
ليليث: ندهتنى
غازى : أنا مش عارف اتاقلم مع موضوع وجود جنيه بتظهر وتختفى كده ، اه يا ستى ندهتك
ليليث وهى بتقعد على الكرسي ومدلدله رجليها : خير
غازى : نتيجة الفحص الجنائي ظهرت
بصتله وهى على وضعها
: ها ايه النتيجة
غازى: التقرير بيقول إنه كان بيتعاطى مخدرات بأنواعها بس الفتره الاخيره كان بياخد نوع جديد تأثيره أخطر من كل إلى موجود
ليليث بجدية: كده البنت هتطلع براءه مش كده
قعد غازى على كرسي قدامها و سند بإيده على رجليه : اه بس فى شوية إجراءات للنيابه و المحكمة طبعاً بس الادله كلها فى صفها
سكت شويه وبعدين اتكلم : هو إنتِ كنتِ تقدرى تساعديها
بصت ليليث ليه بطرف عينها : إممم كنت اقدر أيوه
غازى : طيب ليه معملتيش كده
نزلت رجليها على الأرض وبصت فى عينه : عشان إنتِ إلى مفروض تعمل كده يا حضرت الظابط ولا ايه
بصلها غازى شويه من غير ما يرد بعدين شاور برأسه إنو صح
قامت تتمشى فى الشقه و تتفرج عليها كأنها اول مره تشوفها
بس قاطع تأملها ده صوت غازى إلى وقف مره واحده وسأل بإستفسار : هو إنتِ بتختفى فين مش المفروض إنك منفيه وكده
إلتفتت ليه ليليث و أصدرت صوت من فمها يدل على الموافقه وردت : فعلاً أنا منفيه بس حاليا بقيت حره شويه عن الاول ، يعنى المنفى وسع حبه 🤏
كانت سانده على السفرة و هى بتتكلم إتجه غازى ناحيتها و سحب كرسى من السفرة و قعد عليه بالمعكوس
: هو أنا ممكن أسألك شويه أسأله
ردت ليليث وهى بتسحب كرسى و تقعد عليه : فضولك إبتداء يشتغل ، إتفضل إسأل
غازى : إنتوا بتعيشوا إزى ، اقصد الدنيا عندكم شكلها إيه زى هنا ولا غير مثلا بتعيشوا إزى و بتاكلوا ولا لا  ، و و إزى أنا شوفتك و
قاطعته ليليث : إيه حيلك حيلك إهدا و خد نفسك ، رجعت بضهرها و سندت على الكرسي، أولا إحنا قبائل  ، إحنا سبع قبائل و لكل قبيلة ملك
يعنى عندك
⁃ الملك عبد الله المذهب : خادم يوم الاحد ولبسه وتاجه من الذهب

⁃ الملك مرة : خادم يوم الاثنين

⁃ الملك ابا محرز الاحمر : خادم يوم الثلاثاء ولبسه وتاجه من الاحمر و يخدم من القران سورة الضحي

⁃ الملك برقان ابا العجائب : خادم يوم الاربعاء وقد قتله الملاك كرميائيل وجلس مكانه ملك مسلم يدعى برقان ايضا ولبسه وتاجه من الاصفر

⁃ الملك شمهورش : خادم يوم الخميس نسمع اسمه كثيرا فى الافلام ولكنه ملك طيب وهو قاضى الجن ولبسه وتاجه ابيض

⁃ الملك الابيض : خادم يوم الجمعة ويقال انها خليفة شمهورش فى القضاء