#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 6
اسماء :امين انشوفو هاد طانسيو (لقاتو طالع وهي تتنفس بسخط)ومالك اختي على قلت الخياطات ولي تايطرزو ...حيدات ديك صمطة تاع لمقياس دارتها فشانطة و قربات ليها تمر لمعسل ليبقا على لبرح فيه تمر ولوز ولورد
حسنا:وارا ياسمين بنتي مانسيفطوهاش خاويا خاصها تمشي وكتافها عامرين مانخليو لناس فين يهدرو
بوشرى:غاطلعي نعسي اختي انا نتكلف تاتشبعي نعاس وهبطي
حسناء : (كترو عليها لهضرة كولة واش يقول ):صافي واخا واخا نشاء الله يالله لافطرتو كولا ينوض لشغالو
نورة : راكم عارفينها ماغاتديها فحد وماتاتصنطش لهدرتكم
حسنا :حيد علي يا لفعة حيد من قبالتي لنشير علك بهاد صرفاقة(صندالة)
اسماعيل تايمسح يدو ويقاد جلبابتو: مايكون باس اختي حسنا(وجه كلامو لبراهيم) وايالله را لخدامة جاو نقابلو خدامينا راغا راشيد لي كاين تماك
ناضو رجال خارجين وجرات حسنة براهيم وجبدات مذكرة صغيرة من جيبها تاع طبلية وفتحتها تاتنعت ليه كل حاجة وحداها بالكيلو ولا ليطرو :هانتا اسي براهيم راه نص غير من عندكم من لبازار جمعلي ليعندكم من هادشي وماتنسا والو عافاك ....شوف لا غاتعطل رسلهم من دراري
براهيم كان كل حواسو معاها وكيفاش تتأكد عليه عدم نسيان تاكملات ومدتها ليه :صافي غاماتعييش راسك الله يرضي علك (مع بتسامة)وديري لما منين يدوز ماتعصبيش رخفي فك نفس (رفع صبعو وشير لمو)يالله سلام وعليكم لاخاص شي حاجة عيطو للحانوت يجاوبوكم دراري
الباتول :اطريق سلامة اوليدي الله يرضي عليكم
تبع براهيم خوه ونسا ضارو على لميدة كل ومنين تهز....اسماء حزماتها مها بطبلية و شدات ليها راس بزيف حياتي و حطات ليها لماعن تغسلهم وناضو يخوملو ويهزو زرابي ولي خاص تشمش طلعت لصطح و لي غاص تغسل وتحك حطوها فسطوان تاع رياض حدا لخصة
نزلو زرابي لي غايفرشو لهاد المناسبة يحكوهم وليزور وطلامط ولمخاد وحطو طناجر و ماعن نحاس لي غايحتاجو قدام اسماء وكلفوها بلغسيل وياسمين تاتشتف على ليزور فالبانية و الماكينة حداها تاتضور لحوايج وفوقها شبكة مطرطقة حوايج و بشرى و حسناء واميرة كلة وفاش تاتحك هالي تحك زربية وهالي تخوي لما هالي تاتكرطو جيهت القادوس و لالة الباتول جالسة على كرسى عريض ومكالية ضهرها بلمخدة وبين يديها المغزل وحداها ميكة كبيرة تاع صوف لي. غزلتها تحطها حداها وحاضياهم وتاتضحك على اسماء لي تكره شقا ومايجي منو واخا معلمة معنقة طنجرة كبييييرة لي
الباتول:فينها حليمة وختها ياك دارو معاك يجيو احسنا
حسناء:(يالله اتجاوبها وهي تسمع سرسار )هاهوما جاو اخالتي
حطات سطل لي عامر بلما و مشات تجري سولات شكون وحلات لباب مخبية وراه ...دخلات مرا طويلة وغليضة مُنقابة وحداها مرة خرا لابسة الخمار وشادة فيدها صاشية
حسناء:(تاتسلم وترحب بيهم)اهلا وسهلا اصاحبتي دخلي ورحبا مرحبا بيك نهار كبير هدا....ودارت تسلم على ختها دخلو لصالون حيت حليمة باغا تبدل نقاب وتلبس حوايج دار باش تعاونهم وكذالك ختها وتجمعو فسطوان بعد سلام طويييل
حليمة:اخالتي غا سمحيلينا مالقيتش طاكسي
الباتول(تاتجبد وتوسع صوف):ايه علك يالعبدية واماشي مشكل مرحبا فاي وقت غاماتغبريش
حليمة جلسات حدا اسماء تحك معاها طناجر :يوا يا خالتي راك عارفة خدمة ديور وتخمال مع لعيالات
حسناء:يوا تانتي لي راسك قاسح قالت لك اسما خدمي عندها نفضي غالغبرا وتعطك نفس الخلصة عزيزا علك تامارا يا صاحبتي
حليمة :ياودي راني ولاافت لعيالات وصحاباتي لي نعاون مانسخاشاي بيهم
بشرى:وتبعي لعيالات تاتهليكي صحتك بلبيات
مدة وهوما فشغال من لماعن لزرابي ومن زرابي لطلامط صبن هنا نشر هنا وكلما يبداو يعياو يقلبوها تطبال وغنا والباتول تاهي عاطية جهدها وتغني معاهم :
ياك أجرحي جريت وجاريت
حتى شي ماعزيته فيك
ياك أجرحي جريت وجاريت
حتى شي ماعزيته فيك
واسيت
وعالجت
وداويت
واسيت وعالجت وداويت
وترجيت الله، الله يشافيك
أجرحي واليوم، اليوم تهديت
نبالي بيا ولا بيك
أجرحي واليوم اليوم تهديت
نبالي بيا ولا بيك
قاطعهم صوت دقان تاع لولاد لي خدامين عند براهيم جايبين لگفاف تاع سخرة خرجو اسما و ياسمين شدوهم ودخلوهم للكوزينة
مدة 4 سوايع و هوما تايسيقو ويشقاو وسالاوها بتجفيفة فاعلا تاركة تاع تبراد لقلب تاتهدو ونزلو سدادر وداروهم علاش يجلسو ودخلو نصبو جوج طواجن كباار بالخضرة ولحم واحد ليهم وواحد لرجال فالدكان وعيطو لطارق يجي يديه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
الزواج لمزروب (قصة مغربية مكتملة ...
Romanceقــــصـــــة رمـــــضــــانــيــة🕋📿 🚨قصة ممنوع النشر او صرقة اي فكرة دون اخذ الاذن🚨 ❤️فقط للتجنب المشاكل ❤️ #زواج_المـــزروبـــ..... بقلمي:Mim OuN ...
