الزواج لمزروب (قصة مغربية مكتملة ...

لبارت 25/26/27

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 25

كانت ضحكة و اصلة لخارج الغرفة ضحكتهم و فرحتهم و جمعتهم وشحال كيقدرو  حياتهم مع بعضياتهم و بضبط هاد الحب و حنان العائلي لي خالي من بعد المنازل الكتيييرة واولهم و احسن مثال دار خالد  وبعض المنازل لي كترو فيها المشاكل و فيها غا صمت و لا انگير صباح و عشية بضبطط هاد العائلات تايكرهو افرادها بعضهم و يمللو من الحياة
العائلة:

مرر سنوات ،
‏علمتنا أن الوطن هو المأوى وأن السلامة في البعد وأن العائلة هي الأغلى وأن طباعنا تتبدل وأمنياتنا تتغير، ويظل الدعاء عوضًا متاحًا وباب مفتوحًا،
سنة نحمد الله على كل مافيها
‏وندرك نعمة النعم من حولنا..

خرجوها من صبيطار و خلصو وكانت طخيطمو تاعها غالية شوية شراتها اسماء بلا خبارهم لدرجة هزات من لاكيس تاع العيادة
والاكين كاتبقا صحت و راحت لالا الباتول هي الاهم مايستحملوش خصارتها

بعد خروجها من سبيطار اسماء فيما كاينا شي حاجة حلوة غبراتها و تافقو ينقسو من لحلاوة حتى فمكلتهم هوما باش ماشي هي تتحرم من واحد الحاجة وهوما لا داك رياض عاد ما رجعات فيه روح وضحكة و البهجة شمس و ضو
وليوم صباح جديد و نهار جديد بعد تفاق بين العائلات بجوج وكترت تعطال مادام الطرفين موافقين على هاد زواج لاش يزيدو يأجلوه ...

فبيتو ...
يوماين و تليفونو خدام ولا بغات تعيا حتى جاوبها ونفاجر فوجهها:صافي قلنالك مامسالينش ها الخدمة وها خطوبة لي عندي فالعائيلة ضروري تفرعي ليا مخي
وئام ببحة و صوتها منغنغ باينة كانت كاتبكي :ياك هئهئ هادي هي كانبغيك و مانفرقكش و ليت انا كانعيط ولنت كاتقطع عليا ومن هادشي كولو تاتغوت و تقولي ماتفرعيش ليا مخي اسيدي لهلا يكتر خيرك انا غا كنت خايفة لا طرا لك شي حاجة ساعة نتا كي جرو ماتانصور منك لا محبة لاباطل
سيف:واصافي مالك دابا وافوتي ليا غا هاد شهر و نشاء الله ننزل لكازا
وئام:اسيدي ماتمزل ماينزلوك حجارك يشدوك الله يلگيها لك بارك تاتنفخ عليا وانا لي خايفة علك تادابا سير الله يهنيك بالباديل (قطعات)

قلبو حزن من جيهتها حيت داكشي لي دوز هو ووئام ماشي ساهل ينساه واحد فيهم لحب ودوران ولهروب لي دوزوه لمخاصمة و ضحك كيفاش وقفت معاه فوقت الحاجة قلبو حنين من جيهتها كاتجيه بنت صغيرة وماشي تاع تجرجير ...(تفكر نيتو معاها فاول ايام تصاحيبهم بحال اي واحد سخنو عليه عضامو و بغا يدوز لوقت بشي بنت دارهم يضور و يبوس و يدي حاجتو و هي تبغيه وماتقوليهش لا ولا يختابرها بلفراق مي هي كانت  بنت مرحة عزيز عليها ناشاط و ضحك و عزيز عليها داكشي شعبي وجلستو ماعاها ماتايسخاش بيها وماشي بنت نخوة على لخوة لي ولفو فعائيلتو بصفة عامة ) ناض بعياء و نفض افكارو حيت راجل هو الكلمة واش يمرمد وجه عائلتو فتراب ويقول ليهم مابقيناش بغينا بنتكم ماجاتش و بالاخص لعائلات كانو لجدود فيها صحبة خايبة للمعاودة يجيو لحفاد ويخصرو لمعرفة ويكرهو لكبار شاف فالكوستوم لي على ناموسية و هزو بدا تايلبس فيه و دارهم لتحت فيها صداع نسا تايوجدو اش يدخلو حيت من داكشي لي سمع قالو انهم يديرو غا خطوبة صغيرة بيناتهم بما ان البعض من عائلة اسماء جا والبعض تاني ستأذن وعذرهم ان احاجة الباتول باقة مريضة
يـــتـــبـــع.......
ياختاي كت فلحمام قولولي بصحة نشارك معاكم تبريمة