الزواج لمزروب (قصة مغربية مكتملة ...

لبارت 7 ✨

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت7

هاز الطاجين لي سخون ولخبز فصينية دايرة كبيرة
خارج تاوقفت عليه اسما كي قباض لرواح شادة فجنبها

اسماء هازة حاجب ومنزلة لاخر :واخة الغدار درتيها بيا ياك غاتخرجني ولا نسيتي
طارق دار فيخا شوفة تاع من نيتك :صاحبتي نتي حيدي من طريق وزايدون مك لي ماخلاتكش تخرجي سيري تجلسي لرض رتاحي لك راتي خاص تخرجيني تاتخلصي حسن مني
اسماء:واخا واخة تاتجيبك حاجتك اولد بويا ودابا حط ليا 5 الاف لي سلفتك ولا ندخل نقولها لمك
طارق:هيهي يالله صافي دابا ندوز علك مع لمغرب  غا حيدي من طريق راهادشي يخون
اسماء حيدات لغوباشة وضحكات:يالله سير اخويا لحبيب طريق سالامة (مطولاها)
فاروق تايزرب خايف طيح ليه شي حاجة من صينية واسما عقلها خرج بضحك عليه تاقفزاتها حسناء

حسنا تاتدوي بلغوات:هاي هاي على لبايرة  ادخلي لمك من لباب ونتي كي عزري دوار هاعلاش راك بايرة لايشوف فك لا زوفري لا مطلق
اسماء:(بسخط)بدات تاني ماهدهاش شقا وتامارة

هضرت حسنا كانت تقييلة على قلبها قطعات فيها نفس وكي ديما حاولات تطنش رغمة نغزات لي حسات بيهم فقلبها ....بان ليها طارق ديمارا وخرج من درب عاد دخلت  سدات وجات جلسات حداهم تاتغدا ...طبعا ماسالماش من هدرتهم وهدرت حسناء
✈︎✈︎✈︎✈︎✈︎✈︎✈︎✈︎✈︎✈︎✈︎✈︎
جمع حوايجو فشكارة كبيرة ولبس حوايجو سبور وعقد سبرديلتو وريحتو نمط منعش وحيوي (Prada Luna Rossa Black)وسد بيتو ونزل فدروج كانو مجموعين حدا الخصة و لبنات تايحطو لغدا .زبيدة دربتها ريحتو مني كان نازل ودوات بصوت مرتافع

زبيدة:ازي الأليب تاعي تتغدا عاد شد طريأك
سيف:غابصحة زربان يالله يالله نوصال (قرب عند باه تسالم معاه ومو لي نافراه وعمامو عاد لالة زبيدة وخرج ركب فطونوبيلتو شاد طريق لكازا )
☏︎☏︎☏︎☏︎
سيف: الو الفسرة راني شاد طريق
....:(بصوت انثوي)يالحبيب توحشتك طريق سلامة
سيف :واصافي قطعي تانوصل وندوز عندك
......:واخا راغا حيت فرحانة حيت جاي (قطعت
☜︎︎︎☜︎︎︎☜︎︎︎☜︎︎☜︎︎︎☜︎︎︎☜︎︎︎☜︎︎︎☜︎︎︎
درب سلطان.
قصارية الحفاري

بداو البياعة يحطو سلعة طنطينة تاع شمس لي عندو حانوت حلو وتايلبسو للمانكان داكشي لي تايبيعو هالكولونات هالبيجامات ...لابسة جلابة عريضة فالصفر وطالقة شعرها مسندل وراه ولوجه ماكي وبيدها بزطام طويل منمر ...فرجليها صندالة تاتكشط بيها عامرة زغب كتييييير وضفار لاتاع ليدين لا تاع رجلين طوال ومسبغين بلگرونة كايلمع من طيارة وففمها مسكة تاتندغها وتلوكها من هنا لهنا ....يديها فدراع صاحبتها نفس طول بجوج قصارات.تاضور من حانوت لحانو ماخلات لا ماكياج لا گراصن لا سوتيامات هالفراشة تاع صنادل هاصيكان وصحاب 5 دراهم  ها صحاب لفراشات تاع لبال ولي دازت من حداه يتزلل عليها ويحل فمو بكلام الغزل عادة وفيس فيهم مادوزش شي وحدة ويسكتو امبوسي وبلأخص لاكانت معرفة ...وهي نافخة ريش وتاتعيوج جاية لساعة وهي تكوكط فالقيسارية
صاحبتها:وئام رجلي طابو من لتحت والله هفففف
وئام:(تاتندغ المسكة وتاتطرطق) زيدي غا روبوع ساعة عافاك
صاحبتها:واوئام ماتنسايس تابعنا لحمام  خسرتي گاع ريالاتك اصاحبتي مالنا تانتساراو فقانضاهار

يـــتـــبـــع.......
بنات محتاجة تفاعل راتايطيح ليا المورال والله هاد القصة محطوطة عليها يد الميت