الزواج لمزروب (قصة مغربية مكتملة ...

لبارت 1✨

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 1
صالون كبير يعج بالناس.... لعيالات مامقصرينش من جهة زينة تاعهم هاشعورات يتشايرو هاذهوبات ....القفاطن وتكاشط ولبلاغي وطوالن اش منك يا ماكياج لا كبيرة لاصغيرة و لفورمات غالحوت
وكذالك الرجال لي قلال مامقصرينش من جيهتهم هاجبادور ها جلالب هالكوستوم عندهم ليوم نهار كبير ....

دخلات العروسة  بالقفطان لبيض وشعرها مطلوق يضرب فخصرها وتاج فوق راسها ...وجهها نقي حدها كحل و عكر غوز وحنيكاتها حميمرين و بزغاريت وصلى على نبي دخلوها لديك صالة ولملحون مطلوق

كان جالس بكوستوم زرق مغلوق وراد شعرو لور وحداه مرة كبيرة فلاج بجلابة خضرة صيفية و زيف خضر وتاتزغرت ويديها عامرة سراتل تاع ذهب وحداها راجل كبير باين راجلها ....من جيه لخرا جالسي العائلة تاع لعروسة
قربات وسلمات على مو و باه وجلسات بينو وبن مو
واجواء الملحون غزالة تاتطرب

فالكوزينة ........
دنية مجوقة بلعيالات و البز و لماعن و لباكي تاع سكار ولحليب لي دخلوهم ناس فصواب و سرباية تايهزو داكشي متول وتايحطوه وصط رياض فطاولة كبيرة مزينة على اساس البوفي عامرة حلاوي منوعة ولعواصر تفرز صوت نسائي وصط صلابة(صداع)

.......1:فين ديك الخانزة تاع اسماء
......2تاتنقب من الحلوة:باقة الخالتي تاتلبس
.......3:اويلي اختي لبنت ماحضرات لالدفوع مني دخلوه ماشطحات فوصط دقايقية وغاتعطل راخاصها دخل صينية تاع لخواتم  كيبغات تدي هاد الفال وتتجوج هاكا را لصقت فدار باها

مسحات يديها فطابلية وخنزرات فيها وخرجات

بشرى :اويلي مال هادي......(جران لبنت من گفاها)ونتي ماتبقايش غاتخشي ففمك سيري دخلي عند ناس حسبيهم باش. نحط لكيسان

خرجات للجيهة وصط رياض غادية لعندها للبيت وهي تبان ليها تاتشطح معاه تنفسات بغضب وتاجهات عندها
حسناء بتاسمات مبردة:سيدي براهيم
براهيم موجه كلامو لليقدامو: هامك جات تفرقننا تاني
اسماء بضحكة انثوية عالية لابسة قفيطين غوز و مدورة عليها زويف فلبيض ولغوز مشبك شاداه شدة خفيفة وخارجة من عنقها عقد تقيل ديال دهب في العذراء ووجهها منورة مجبدة عينيها بلكحل ولعبات فجفونها بالايشادو صيفي فلبينك خفيف و وراسمة ايلاينر مع دميعة لي خلات عينها مجبدة عاطية للعين وغوجاليف غوز :(تاتدير نفس صوت حسنى)هههههههه غاتجي تاني تقولي هاناس تزوجو بقيتي غانتي لاصقة فيا ...وقفات حداهم دايرة يدها فجنابها

حسناء :سيدي براهيم رجال تايتسناوك ماغاتمشيش
قرب لراس اسماء باسها  وهز يد حسناء باسها  ودوز يدو على شعرو لور مرورا بشيب لحيتو ونزل يدو يقاد جلابتو :يالله الله يرضي عليكم انا انمشي بلا ماتنوضوها تاني

حسناء :وعلى مالي لا ماغوت على بنتي وجاتني نفس عليها شكان يغوت عليها
فاتهم وهز يدو بنفاد صبر: انا مشيت دبرو لراسكم

اسماء:بابا ماتنساش لحلوة لا .... نعام الحنانة بغيتيني
حسناء: ويلي ويلي ويلي واش باغية طرطقيلي مرارتي فين هاد تعطيلة
اسماء تاتقاد خواتمها وحوايجها :ماما كانو عندي ناس فالعيادة شادين الرونديفو بالشهورة
حسناء بلغدايد :واقابلي ليا ناس تاتبقاي بلا زواج اش باغا تي غا قولي لي واش باغة تبقاي عندي
اسماء دارت يدها فوق راسها:اعوذ بالله من الشيطان الرجيم بدينا تاني نفس السناريو راك دخلتي 30 راك برتي واصافي اماما صافي الله يرضي علك
حسناء:واخة ابنت كرشي واخة ها بنات عماتك و صحاباتك  گاع تجوجو تامن ختك صغيرة وابقاي نتي بقاي بايرة تاتولي تتسبي بيها يوليو يعايروني فمجامع نسا

خلاتها اسماء تاتدوي وفاتتها حيت نفس السيناريو مرارا وتكرارا تايضرها فخاطرها لاهوما تطنشها وتاتمايل بصندالتها وتاتغني مع لملحون
للهم صل على النبي راكب البراق
محمد عين لوجود طه
نبدا باسم الكريم نعم الحي الرزاق
ونطرز حلة لمن صغاها
ونقول أفاهم اللغى هلت دمع رماقي
...المحبوب جوارحي سباهـا
حبو فدواخل الحشى مزقني تمزاقي
لا حول لي في ما قضاها
اللهم صل على النبي راكب البراق
محمد عين لوجود طه