#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 5
بدون تفكير دارت نفس شي لطارق و نور عاد جلسات تاكل وملامحها عياانين وتحت عيونها ليسيغن بلعيا وتجاعيد فوجهها
نزلات اسماء ببيجامة صيفية وفيدها شنطة طبية وتمتمات بسخط مسطنع:بديتو تاني تفطرو قبل مانقيس ليكم سكار تاديروها بلعاني ديما…قربات باستهم وصبحات عليهم وباست راس ابراهيم وتاتمازحو ....شبتي قبل لوقت الشاف
حسنا:حشمي الزغبية على شكون شيبو من غيركم
طارق بطنز :سوليه هو سولناه قالك شيبو لحب
اسماء تاتدور صمطة على يدو باش تعبر ليه سكار:اه انا شاهدة
براهيم وحلات ليه وبدا يكحب
الباتول فطنز قالت ليهم گلسو لهيه:حلال حلال توحل لنسابك
حسنا شدات فراصها :الله اربي الله فطرو راها حرارت غالفعات وتحزمتو بإبليس (زعما نورة و اسماء محزمين ب طاريق)
نورة:ومالنا كذبنا علك سوليه
بوشرى :(تاتضحك)ايه ياختي تانا شاهدة
براهيم:ومالني لحب رازين وكايزيان كتر مني تايكون فلحلال
(قرب باس راسها)هادي را عمارت داري من ورا لوليدة على كاينة ليتصبر عليكم قدها
الباتول:امممم تاقول تصبر عليك تانيت الله يمسخك اولد كرشي (تاتعيب فيه)من ورا لواليدة اننننن لحب حب اولدي نتا فتيه لهيه ايه تفكروني فسيد الحاج شحال كان يبغيتي الله يرحمو فهاد نهار لحبيب تقلبي كان يقولي بولك نشربو
ابراهيم :بدات تحماق تاني
حسنا : حطات ليها الحلوة تاتعطيها تاكل باش ماتزبلهاش تاني
ياسمين :اش غانديرو ليوم
الباتول : وجدو السيمانة جاية ماش يجيو عندنا نساب ولحباب من جبل ماش يحضرو للحنة ابنات ولدي وغايباتو تال يسالي عورس ياسمين طرفو لبيوت وخملو و حكو لماعن تاع نحاس وبدلو طلامط صالونات وفرشو لبيوت لفوق وعمرو لخزين و سدة وها براهيم و سماعيل ليحتاجيتوها قوليهم يجيبوها والله يرضي عليكم ماتحشمونيشاي مع نسابي وناسي ياقولو عريساتها معفونات
بوشرى :على حنا باقين عرايسات را ولادنا ولاو عرسان من غير ليبار فيهم
حسنا عقداتهم لمعاني بلى فايدة :بوشرى تاقاي شري
الباتول :اناري جوابك على نابك العروبية الله يمسخك
ياسمين نغزت نورة:اممم هاهوما بداو تاني
اسماء شافت الخزان تاع سكار تاع باباها لقاتو معتادل :واهالمعقول دابا مزيان ماطالع مانازل
ابراهيم:بسيف وتي قهراني بالمسوس راني باقي شاباب رضيتيني عندي 90 عام
اسماء:اسيدي بقا غير هكا وقول ليعجبك دابا
دارت عند جداها تاهي تاتعبر ليها لقاتو طالع وهي تخرج عينيها:الله احنى الله باغا تتصابقي على لمقابر اويلي طالع بزاف حيدو للميمة سكر من الميدة واتاي ديرو ليها برادها راسها هادشي مابان ليا فيه
الباتول :اربي ابراهيم شكون قاليك سيفط هاد الخرية للمدراسة هاهي ولات تتفلسف علينا توكلنا اش بغات
براهيم تايضحك:اودي يالحاجة راه غامصلاحتك ...دوز ابنتي عبر لماماك طانسيو راماناعساش ليل كولو فيما نفيق لقاها من زربية للطرز شوف كي دبلات
دازت شافت فماماها كيفات ضعافت و عينيها لواو : حطات شانطة وفلرض وتحنات تاتبوس ليها فيديها ووجهها عند ركابيها :لهلا يخطيك علينا ناري شحال نبغيك والله يطول لينا فعمرك وباست ليها يديها تاني بوسة ورا بوسة
بتاسمات حسنا وجراتها عنقاتها تاتدوز يدها على شعرها :الله يرضي علك ابنتي والله يزوجك ياربي نفرح بك ونعرس لك
يـــتـــبـــع.......
أنت تقرأ
الزواج لمزروب (قصة مغربية مكتملة ...
Romansaقــــصـــــة رمـــــضــــانــيــة🕋📿 🚨قصة ممنوع النشر او صرقة اي فكرة دون اخذ الاذن🚨 ❤️فقط للتجنب المشاكل ❤️ #زواج_المـــزروبـــ..... بقلمي:Mim OuN ...
