الزواج لمزروب (قصة مغربية مكتملة ...

✨18/19/20✨

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 18

....بصوت انثوي عدب:اه  نعسات
خالد:اك بونوي
....:خالد
وقف داير عندها مطلع حاجبو :رحمة
رحمة مرة قصيرة و غليوضة مدبدبة قربات عندو وشدات لو يدو:شوف فيا شوية اخاليد رحمني راه مابقيتش قادة على هاد لبعاد راه كايعصف قلبي ساعة على ساعة
هرب يدو من عندها ببرود:انا لا عاد غا نعصفو بساعات نتي كنتي كاتعصفيه بتواني تصبحي على خير
و مشا مخليها عينيها غرغرو تاتشوف فيه باغا تبعو و ماباغاش رجل هنا و رجل حداه

عند سيف لي ماطالقاهش وئام  فتيليفون
وئام💬:زعما ماتزيدش معايا شي نهار
سيف:💬 واصافي اوئام  ماتزيديش فيه راني خدام
وئام💬:واخا  را غا حيت غانتوحشك و صافي ماتتعطلش عليا راني تانبغيك
سيف:💬 واتانا كنبغيك و نموت عليك ايوا شنو درنا فموضوعنا
وئام 💬:اينا موضوع
سيف :💬تاع تجي تباتي معايا قولي لداركم اتباتي عند صاحبتك
وئام 💬:من نيتك اسيف لالا اخويا مامتافقينش على هادشي
سيف 💬:هي ماكاتبغبنيش
وئام 💬: وا كانبغيك و نموت و نتسطا علك والاكين نوصلو للحرام لا اخويا الله يبعد بلاية على بلاك
سيف 💬: وارا ماغاندير. والو غير غاندويو وناخدو راحتنا
سيف : تصبح على خير اولد ناس تيليفوني غا يطفا:(قطعات)
وهو لاح داك تيليفون و دار غامق وجهو ينعس

دازو يوماين كيما تايدوزو ليام اسماء فالعيادة ودار و ماسالماش من دعاوي مها و هدرتها و نرمين غاتاتحوز على داك لبروف تاعها وفيما تجبدو شوية يبان ليها شي بوگووص تدور بيه تاتخليهم تاتايجيو عندها ويعجبها جديد ولي شافتو بغات منو
سيف باقي گاعما جلس مع لالة زبيدة دخل بليل نعس و صباح خدام وتايرجع بليل ماتايجلسش يدوي معاها وزبيدة مامسوقا لحد تاتوجد دهاز لي غادخل معاها و نشطات گاع مني ردات عليها حسنا بالموافقة
عند ياسمين لي جات عائلة حسام ليوم داخلة لصالون خر هي و حسام تايتمعشقو گاعما را دين لبال لدوك جوج لي فسرجم حيت جا عالي
حسام:انا غا تشاورت معاك دابا ماشي مشكل نأجلو لعرس شوية را لابقينا هكا ماغاندير لا عرس لاوالو ونعوضك لا ولدنا غاغانتكاتبو
ياسمين:والله احبيبي تانعيش معاك على لخبز ولما انصبر غا ماتأجلش
قفزها صوتهم من لفوق
يـــتـــبـــع.......

#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 19
اسماء بلغوات:واخة يالكدابة الخبز ولما قاتلك
نرمين:شتي اخويا حوسام وها لحيوط يكذبوني والله تاصباح لبقاتها ليا بواااحد تصرفيقة قاتلك علاش تهزي لحم لي قدامي
اسماء :اه شاهدة برب وتانخرجوها معانا ناكلو برا تاتشوهنا تاتاكل بجوج يدين
نرمين تاتدفل جلوف زريعة:الايغركش لموس و لفورشيط و ثلاتة صباع قدامك حنا را گفا يديها تاتاكل بيه
ياسمين غوتات :والله ياجدكم لا بقات فيكم والله تانقولها لحسنا و بشرى هوما لي تايعرفو ليكم
اسماء شافتها غادة جيهت سندالة باش تشير عليهم و هي تهبط وجرات نيرمين طالعين تايضحكو
طلعو لسطح شمس ضااربة فيه حاارة
ومفرشين ليزور و فوقهم ها زرع ها لورد ها لغاسول حجرة شبة و لعشوب و داك ريح لقليل تايضرب و يجيب معاه ريحة معطرا بلعشوب ولا لورد مشاو جيهت واحد لبلاصة مضللينها على شمس و گلسو و حطو داك الكاغيط تاع زريعة و الحمص توركي و كاوكاو والوز والكاجو وزريعة لبيضة و عطاو ضق و نرمين تاتخطط مع اسماء للانيف تاع غيتة و. شوية يقلبو لهدرة للخطبة تاع اسماء وواش غايعجبها سيف و مرة مرة تقول ياربي يكون فلمقام
🌌🌌🌌🌌🌌
ناعسة فسريرها و فيها العافية ماعارفاش راسها من رجليها ماعارفا راسها واش خايفة ولا متحمسة وواحد لعقل عندها تايقول غا نوضي حبسي زمر بقلي فدار باك حسن و عقل تايقول جلسي و رزني سعد البايرة يبان فليلة خطبتها نوضي ديري ليك شي ماسك نوري بيه وجهك  وماجاتش جا سعدك تالبين يدك و ضيعيه تبتي كي لالياتك العيد غا مرا فلعام
عند سيف لي كان جالس غا تا قالت ليه راك غدا غادي تخطب تصدم ما عرف ما بديصبق ما يوخر مابغاش يطيح و جهها قدام ناس قال يمشي يشوف لعروسة لربما تكون شي زينة مسرارة
يـــتـــبـــع.......
#زواج_الــــــمــــــزروبــــ......
بقلمي:ميمونة
الــعـــشـــق الــــمـــــــزروبــــ كـــولـــو عـــيــــوب...!
لبارت 20
الساعة 13:40
ساعة فجهنم بنسبة لاسماء....و هي لفوق كتسمع سقييل لتحت مني دخلو ماسمعاتهم عكس ناس لخرين مني كاتكون عندهم خطوبة ولا تعارف كايكون صداع وراواج بين العائلة هاهوما فالكوزينة هاهوما جاو يطلو عليها وهاد شي خلى توترها يزيد....لابسة قفطان جوهرة بسفيفة ..دايرة لحزام ب شاشية معاه سنيديلة خفيفة وصبيعات رجليها تايبريو و رجيلاتها حميمرين وضفار مفيرنياهم ودايرة ومزينة يديها بخاتم دهب سانبل رقيق  و مدورةوزيف خفيف و شعرها مطلوق تايضرب بالقفطان ووبعض زينة ففوجهها وغادة جاية فداك البيت وتاتبغي تطل من سرجم تاترجع  مشات عند نرمين لي مزينة قدام لمراية و طالقة لايف فمجموعة بنات حواء العربية العالمية  ولسقت حداها
اسماء:نزلي شوفي ليا مالهم الله يرضي عليك
نرمين تاتدير الايشادو :واغا صبري مالك زربانة
خلاتها و مشات عند نورة لي مامعولاش تنزل لابسة بيجامة و مگلوبة فلفراش:نورة نزلي شوفيهم ليا
نورة:(شافت فيها و ضحكات و حلات و احد لمجر تحت ناموسية تاتشوف فالشوكولة و شيبس )واش تعطيني
اسماء:انعطك لبين العينين اطماعة و غانزلي غاسمعي و هزي لي عجبك
ناضت نورة وخرجات ضاحكة و تاتعوج نازلة بالحس و ريحة غادة وتاتوضاح ليها فنيفها نزلات تاتجري و تاتسمع صوت مها تاتغوت : طارق طارق جري عيط الاسماء نهزوها لسبيطار نزلات تاتجري و دخلات لكوزينة فين كان صداع و هي تبان ليها طايحة فالارض كيف الجتة لي خرجتها روح هامدة  و ضربتها بغوتة تالحيوط تقلقلو......

فَوت جفنة الباب برجلو الايمن و فيديه باك فلوغ و شوكولا  ... بعد ماتفتح الباب بزغاريت و الفرحة و مو و باه وجداه محملين طيافر كا ضيافة وتكبير بالعروس جاو غا هوما بثلاثة ...لابس كوستوم فالبني جا معاع وعرو فيه جيل و لابس مون كاسان من دوك جداد و سروال طالع على صباط جلسو فصالون بسلام الحار و الحب و صلاة على نبي
وبداو حديتهم نسا فجيه مجمعين و رجال تايدويو وهو كايدوي مع طارق و راشد ......دور عليهم عينو لقا غير مو مقنتا ومخصرة وجهها وتاتبان ماحاملة حد جات عينو فعينيها و هي تخنزر فيه واحد تخنزيرة  وهزت عينيها لسقف  اما حسنى فيما تجي تدوي معاها ماتتسوقلهاش صافي و نخلوها

تاقاطعاتهم  لالة زبيدة و جبدات لكلام
لالة زبيدة :ايوا ندخلو فالموضوع لي جينا على أبلو راحنا طالبين راغبين فلالة اسماء بنتكم لولدي سيف ايوا امالين دار لكبيرة أصدناكم والمأصود الله ناس الجود و الخير ماساء الله عليكم و صافي

براهيم:ايوا اخالتي راك جيتي تال عندنا مانرضوكش و انا سولت على الراجل و ماقالو فيه تاكلمة تاع العيب و سولت بنتي و هي ماقالتش العيب ومن عندنا غير تعيش بنتنا مرتاحة بيخير ومانزيدكم غا سلام و عليكم و مبارك ومسعود

حسنى قرصات بوشرى ينوضو يحطو اتاي و لحلاوي وبداو وحدة من هنة و واحد من هنا هاصواني تاع نقرى و الكيسان البلار و العماير و طباسل اللوز و الگركاع وزبيب و  وتمر معمر...  لمهم مخلط و لحلاوي بشكال دايرين طبيسيل طويييل دخلات عليهم كانت بتكشيطة ستيل قدييييييم و مضمة كبيرة و طايرة زيف حياتي تاع تكاشط ومليوحين فيه زبيبات (بحال لوزات تاع نحاس مخيطين مدلين) وضاحكة فرحاانة تا وقفات فبلاصتها و مشات ضحكة و طاحت علا وقفتها. 
بوشرى و حسنى من صدمة فشلو طاحو فالارض و بداو يتغاوتو
يـــتـــبـــع.......