اهلا ، كيف حالكم ♥️
ان شاء الله الكل بخير ...
تعرفوا كنت نتفرج ع فيديوهاتي لقيت فيديو انى وصاحبتى ماشيين لمنتزه و ركبنا في لعبه السفينة 😂😂😂
تعرفوا تو بعد سمعت الفيديو جنابي من الضحك خلااااص ماخاطري نضحك بس ضحكنى ...
طبعا انى وياها خرافات ، لما ركبنا قالتلي الله احنى شجاعات طلعنا ركبنا ، انى قلتلها خليها تبداء واحكموا
ولما بدينا 😂😂😂😂😂 صاحبتي داااخت 😪🤣🤣🤣🤣
وحق ربي انى كنت والعه فيديو وحاطه في الشنطه قاعد تسجيل صوت بس
تعرفوا يلي قدمنا ميتات ضحك علينا انى انعيط وصاحبتى دايخه ع كتفي ومره مره توعي نسمع ففيها اتقول لا اله الا الله الله امبر اشهد ان لا اله الا الله 😂😂😂😭😭😂😭
وحق ربي ولا معاد نسمعها نقعد انادي عليها ويلي قدامنا قعدوا يقولولي صاحبتك ماتتت ماتت شكلها 😂😂😂🤦🏻♀️🤦🏻♀️🤦🏻♀️💔
تعرفوا نكتب وميته ضحك 😂😂😂😂 ليه سنه تقريبا
ما كملت لين خلاص البنت اختشت 🤣🤣🤣🤣💔
ولما نزلنا لقينا أمها تبكى تسحاب اشبح شن صارلها شأفتها راقده قلتلهم البنت منظرها يخوف حتى انى رعشت لكن لما نسمع فيها تتكلم أسمنت عليها
لما نزلنا قلتلها عويشه احنى شجاعات صح 🤣🤣🤣🤣🤣🤣🤣🤣🤣🤣
والله ضحك بعدها سمعنا الفيديو بدموعنا قعدنا 😂😂😂
تو انى عادي نركب لكن لما تولع اللعبه انموت خوف ، تعرفوا مره مشينا لتونس ركبنا في القطاران، واختى في المقعد الأخير وحق ربي مانكذب عليكم ، قريب متت وانى غير انقوللهم شهدوا منموتوا والفرخه اختى ميته ضحك عليا ، حتى الكرسي يلي قدمنا نزلوا ميتين ضحك ، والله حاله والاقوى من هكى لما وقف قلتلها خيره مزال نبي 😂😂😂🤦🏻♀️🤦🏻♀️😭
ومره ركبت في لعبه انى وياها بس لما اصكرت علينا انى قعدت انعيط نبي ننزل والله خلاص دمعتى ع خدي وهي اتفنص فيا قالتلي مش حيولعوها ليا بروحى قعدت اتكر فيا وانى انخبط ع الباب نبي ننزل😂😂😂😂😂🤦🏻♀️🤦🏻♀️
اتقول في حبس ولما بدأت اللعبه والله والله قلبي قريب وقف فتحت اعيونى لقيت الوطاءفوقي مش عارفه كيف 😂😂😂😂😂
قعدت انعيط ، لما نزلنا طبعا اختى نازله ادموع ضحك عليا ، بابا قالي كم قريتي سوره وأنتي فوق 😂😂😂😂😂😂😂
تو جي خااااطري في ملاهي 😭😭😭😭😭
خاطري نركب في لعبه المقص ✂️ هده كان نزلت عايشه منها حالي باهي 😂😂
ولا بجد انقوللكم شن خاطري
خاطري انط بالمظلات واااااااااو تعرفي عندي عرم فيديوهات لناس اينطوا بالمظلات محلااااهم😭😭😭😭
يلي انقوله خاطري فيها ايقولي انته ، انتى اتخافي من لعبه مش بتنطي في السماء💔💔
بس عادي قلتلهم كأنه مت الله يرحمنى وكنه عشت انروح لامي 😂😂😂♥️
المهم انتم شن خاااطركم
انى عندي خاطر اخر
خاطري نركب في موطو 😂😂😭😭😭😭😭😭
عارفه مستحيله هده بس خااااطري
وخاطري نركب في منطاد محلاهم والله 😭😭😭♥️♥️♥️♥️♥️
المهم خواطري واجدات انى مايكملوا ماشاء الله
اي وخاطري نركب في موطو البحر محلاه 🥺♥️♥️♥️
خلاص انى قلتلكم والله خواطري مافي اكتر منهم
.
.
دمتم بحفظ الرحمن ....وانتظرونى 😊
