معبيا كلااام ليا واجد عليكم اتقول كنت بكوشه (الحمد الله )
طبعا محد سال عليا 🙂🙃😣💔
شجوكم مع الصيام ....
انقوللكم قصتى ، قصه ام بسيسي 😂😂💔
المهم ( في شهر 11 كان عرس ولد خالتى يوم الزفه بعد كملنا الحوسه وكل شي قعمزنا انهدرزوا انى كنت حاطه الايباد جنبي وناسيته بكل لعند جينا منرقدوا نفتحه ولع بس هناااااا كانت الصدمة معاد قدرت نتحكم فيه !!!!!💔😭😭
قعد تفتح شاشه القفل بس لكن يوصلوا إشعارات وكل شي بس منقدرش نتحكم فيه .... انى خلاااص وجعنى فسط فسط كبدي تخيلوا هدرزتى مع احباب قلبي صوري كل شي كل شي فيه وتو ضاااااع بح💔 انى انصدمت وقريب قلبته عزاء غادي 💔🥺😂 المهم مش هنا الصدمة فعدت انقول كيف منصلحه قبل دقايق كنت انصور بيه في العرس انى وبنات تخيلوا يعنى ... المهم ستر ربي ان كنت نذكر في رمز الانستا فتحته بالنقال و مشي اللليل عادي بعدها اختى قالتلي ان راجل اختى صاحبه يصلح في نقالات قوليله يرفعهلك يصلحه جنبه ...انى فرحه الحمد الله في حل بعدها يوم الصبحيه قلت لاختى قالتلي تو انقوله لكن بطولي بالك ، انى قلتله المهم يصلح خير من بلاااش ، بس تعرفوا ستر ربي قبل اسبوع العرس كانت خلفيتى صورتى بس مش عارف شن جانى غيرتها وخليتها صورتى بكمامه مش باين شي الا عيونى اتقول كنت حاسه😂😂😂💔 المهم قعدت اختى كل ماتجى انقوللها شن صار شن صار ، اخر شي قلتله روحى بيه عندك بيش يرفعه طول ، روحت بيه اختى ...فات شهر فات الشهر التانى وانى كل يوم انقوللها ، في يوم جتنا قالتلى انبشرك قلتلها شنوووووو رفعه قالتلى لا اليوم قلتله قالي ان شاء الله تو نرفعه ... انى 😳😳😳 قلتله قصدك هذا وين قالك ان شاء الله امال قبل شن يقول قالتلي يقولي يصير خير تخيلوا شهرين وهو يقول يصير خير😶😶🤦🏻♀️💔😂😂
المهم قلنا في أمل الحمد الله تعرفوا اخر شي شديت بنت اختى قلتلها قولي ليوسف صلح ايباد سوسو بيش نلعبوا لودو 😂😂 المهم قلتله تلح باد دودو بيش نلعبوا دودو 😂😂😂😂😂💔 كل يوم لغات يوم جيت باتت عندنا هو يكلم في بنته انى قلتله عويشه عويشه امشي قالتله دادي تلح باد دودو بيش نلعبو دودو طبعا كاين المكبر فاتح قاللها الراحل مهناكش يدير في حوله في ليبيا ولا اشبح شنو وتو في غريان 🤦🏻♀️🤦🏻♀️😶
واااااااات 😂😂😂 المهم معاليها صبرنا لعند الاسبوع يلي قبل الاصيام قالتلي اختى انبشرك قلتلها شنوووو قالتلي صاحبه روح تو تبيك امتى يمشي راجلها ويلقاه في المحل !! المهم بعد يومين جتنا في الصيام قلتله شنوو قالتلي كلمه قاله انى تعبان من الجوله مخاطريش نخدم تخيلوا 🥺💔💔💔💔🤦🏻♀️🙂
المهم انى الحق معاد دويت لاختى لخلايا الأربعاء الساعه 4 اختى يلي في الحوش جتنى قالتلى عندي ليك بشاره قلت اكيده ع موضوع كنا نتكلموا عليه ...قالتلى لاااااا انى الحق قلت مستحيل ايبادي بعدين برقت فيها قلتلها يلي في بااالي قالتلي اييييي 😂😂😂😂😂 قريب زغرتت🙃♥️😂
طبعا اليوم وصل تخيلوا من شهر 11 لعند توااا بس المهم وصل تعرفوا نتفرج ع الصور هكى شعور سمح ليا فتره عليهم 😂😂😂💔
راكم اتقولوت ام مشاعر اوفر بس والله بجد نتكلم ... )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
