السلام عليكم كيف حالكم
ليكم وحشه
اكيد الاغلب يا صكر البرنامج ولا معاد حد دور كتابي🙂💔
المهم توحشت الهدرزه ليكم اتصدقوا انتم زيي عيلتي التانيه 😭♥️♥️
انخبركم
من زمان معاد خبرتكم 😢😂😂♥️
المهم يومها الجمعه لفاتت
طالعين في الطريق جيهة لقواز المهم هي طويق يقولولها طريق الحنش احنى نمشوا وفي سياره واخده نص الطريق وتجري وفجاء بووووووووف خرط جيهة السواق لين من الخبطه اندفينا جيهه ليمين وماما بدير افرينوا السياره معاد سيطرت عليها والعجله (قومه) انحرقت وجيهة السواق هده طااارت الهيكل و ولعت اشوي نار بس طفتها يلي في الدومان عرفتوها يلي زيي يوروا فيها تنفتح
المهم الدنيا قعدت ضباب واحنى خلاص لاعاد عرفناها نار ولا غبار ولا شن بالزبط اختى يلي راكبه من قدام تسحاب النار ولعت فتحت الباب وادرهبت 😂😂😂🤣💔 تو ندوى ونضحك بس وقتها رعب 🙂💔
بجد تعرفوا قلتلكم احنى في طريق اقواز والله والله والله ياجماعه الا شجره شجدتنا كمهدا الا طحنا قدامنا زيي الوادي
المهم لما وقفتنا شجره احنى نزلنا نجروا منلحقوا اختى يلي ادرهبت من السياره وماما بابها معاد فتح بعد معاناة فتح
مشينا لاختى
لقيناها اتعيط واتقول راسي راسي
ورجلها مش قادره اتصبي
تعرفوا شنطت اليد انتاع اختى جبناها تدرجح في الحفره يلي اشوي و طحنا فيها 😭😭😭💔😩
تخيلوا
المهم نجلطتكم
مش هنا المصيبه المصيبه ان يلي خبطنا واحد جزائري اخيلوا لما صار الموقف و دخان من سيارتنا ومرايات الجانبيه طارن واختى تبكي واتقول راسي شن كانت ردت فعله
قعدت يقول ( سيارتي شاريها اول انس ..💔💔💔) تخيلوا والله والله والله حتى بالكدب ماقال شن صار فيكم والله ولا عبرنا كانه خبط في حيط
كل يلي همه سياره ولو روح بنادم جعنه يطير 💔💔💔💔 والله
لين جو ليبين والله في شيباني الله يدكره بالخير قعد يقول اركبوا في سيارتي مرتي معاي وكان تبوا نرفعكم للمستشفي وقعد يبي يساعد وهو مدخلاش ولا ليه علاقه
بعدين روحنا وبابا قعد وجو نسابتنا اختى رفعها راجلها هي وماما والباقي قعدوا مع بابا لما حيت الشرطه
الحمد الله جيت بسيطه مانا شعرنت في ضلوعها واختى جبسوها لانهم من قدام احنى ايصايات بسيطه وكدامات 💔
وطلع الراجل يسوق بلى رخصه ولا وراق وحبسوه كم يوم
بس والله ياجماعه وقتها شريط حياتي مر قدامي كل شي درته تخيلت روحي انقلبت السياره وربي خدي امانه
سالت روحي هل انى مستعده انقابل ربي 😭😭😭😭
والله شعور صعب ربي مايكتبه لواحد وساد الرعشه قسما بالله شفت الموت بعيوني 💔💔💔💔😭
بجد كل مانغمض عيوني يجي قدامي
.
.
دمتم بحفظ الرحمن 😊
