السلام عليكم....
في قصه حقيقيه بجديات طبعا مش كيف فازلين ولا يلي انتحروا ....
هذه القصه منقوله من صاحبها ونعرفه شخصيا ....
يقول :-
كنت ماشي لصيدليه منطلع علاجى وكانت بنت تخدم فيها ...
قالتلى : استنى اشوي انخوش انجيبلك باقي دواك ...
انى قعدت نستنى فيها امشي خش واحد فتح الخزنه انتاع لفلوس ولمهم وطلع بسرعه ...انى قعدت اتبرق بدون ردت فعل ...
بعدها البنت تطلع ولما اعطيتها لفلوس تبرق متلقاش شي في الخزنه ....تعطينى نظارات عمى ماحننساهم ....وتطلع طول لشارع وبصوت عالى تقول : سااااااااارررق
انى فتحت فمى ...
لا المشكله ان كانت الصيدلية جمب جامع وكانوا طالعين من صلاة العصر ....
عادك جو بدوا فيا ظرب وياي بوكس ويلي كاتشوا ... انى نبي نفهمهم مخلونيش حتى نتكلم ....بعدها جيت البنت وتعطينى هداك الكف لين ودنى صفرت 😣😣
وكملوا ظرب وياي يقول اتقي الله ....وحرام و....الخ
بعدها ادرس سيارة وينزل منها راجل ...قاللهم شن فيه ...خبروه
قاللهم : لا حول الله ....تى فاهمين غلط ...انى يلي خديت لفلوس لانى كنت مستعجل ع عمليه الوالده ....وتو جاي منرودهم ....
عادك جونى يجروا اسفين .... سامحنا
ويلي ينفض في دبشي ...وياي يواسي ...ويلي يشرب فيا ....قالولى شن تبي توا
قولتلهم نبي حاجه وحده بس .... انى نضرب البنت كف 😌هيا السبب في كل شي ومبتش تسمعنى وضربتنى زياده ....✋✋
قالولى معقولة تضرب بنت كف ..
قولتلهم اي منضربها .... بعدها جيت البنت وقالت : اي انى اسفه وبينه كان بتضربنى معاك حق ....وصبت قدامى
انى نرفع يده ع طولها منعطيها كف و هووووب
ينوضنى خويا ايقولى نوض المغرب قريب يذن 😂😂😂😂😂😂😂😂😂😂😂😂😂
تو منجدكم منكتب قصه هنا ..... مزلتوا متعودتوش 😂😂😂😂😂💔
.
.
دمتم بخير..... وانتظرونى 😊
