السللم عليكم ....
كان انخبركم عليك موقف صارلي لين قلبي طاح في بطنى 😭😭😂💔💔
لا الموضوع جدى ميحتاجش ضحك 😭😭😭💔
اتصدقوا من 12يكمل الدوام وانى تو كيف خشيت الحوش
هدا كله مرميه في التناويه بروحى ....💔
في الأول اهو ماغي بنات طبعا كانت مجموعه بنات في حافله وحده وجيت اللحظه يلي حتهم الحافله وقاعدت بروحى
انى والبواب وحق ربي خلاص لين الدم جمد في عروقي 😭😭😭😭💔💔💔
هما الحافله جتهم 1وربع انى خشيت اتصلت برقم ماما مارديتش والإدارة مصكرة انى لقيت استادة بتروحه تخشمت ومديتلها النقال راجلها يستنا فيها ....
بعدها قلت اهو يجو اهو يجو
وهداك البواب مرة مرة يطلع من الدار انتاعه وانى خلاص غير انبرق في الساعه وخلاص
بعدين قالي هاك النقال اتصلي انى رعشت في خاطرى غير. اقعد في مكانه مانبي حاجه ....
بعدها انى قعدت خايفه ايكون صارلهم شي في الحوش الساعه 2الا وهما ماجوش مش من عوايدهم .... والله كنت جعانه عدى الجوووع 😂😂😂💔
لعند قالي البواب راهو وقت الساعه 2انى منروح
انى خلاص خشيت داخل في تعليم كبار
المشكله تعليم الكبار في الدور الفوقي لوطه كأنه مهجووورة التناويه ... تعرفوا وصلت لدروج وانى خلاص لين قابلتنى استادة
والله العظيم لين صوتى معاد طلع توقعت صاير شي في الحوش لقدر الله
ندويلها ونبكى انقوللها نبي نقال
اتقولي شنو انى خلااااص قعدت غير اندمع بعدين اعطتنى اتصلت وقلبي قريب يووووقف
بعدها ماما ردت عليا قالتلي منو معاي
انى خلااااص قعدت نبكى ونقوللها وييينكم. .😭😭😭😭😭😭😭
قالتلي حي والله نسيناك 💔💔💔😂
ونسمع في بابا جنبها يقولها لا حول الله ...
بعدها تريحني أنهم نسونى مش صاير شي تانى
لما روحت قعدت ندوى لاختى قالتلي اماله احنى خصلناها رعشه ... قالت انى مديت النقال وقلت لماما رقم غريب ... وبعدها ماما لما ردت قالت حييييي سوسو بصوت عالي ... بعدين لما ماما سمعتمى نبكى قالت تبكي لاحول الله قالتلي والله لئن رجلينا ختروا قعدنا انقولولها شن فيه ....
قلتله تستاهلوا بيش معاد تنسونى 😂😂😂💔
لما طلعت قالي البواب ها شن صار ..قلتله لا حصلتهم ....
لما روحت قلتلهم معقوله ماما وبابا وخواتى تلاته محد ادكرنى 😭😭😂😂😂😂💔👌
المشكله اختى 12الا ربع روحوا بيها من الكليه ☺💔💔💔😂
المهم الجوع رد من جديد والحمد لله طلع أن نسونى مش شي تانى .....
صاير معاكم موقف هكى 😩
.
.
دمتم بحفظ الله..... وانتظرونى 😊
