السلام عليكم ...
طبعا حنقوللكم اليوم قصه حقيقيه طبعا تو مش حتصدقونى لأن عندى سوابق😂💔
بس والله بجد حقيقيه مش كيف يلي انتظروا ولا يلي تعارك مع البنت هذه قصه حقيقيه والله لما سمعتها لين لحمى كوش بالفلاقي يعنى 💔💔
المهم القصه تقول :( في بنت في يوم عرسها كل أمورها ماشيه تمام لين خلاص تمت الحفله وروحوا و خلاص هيا بتمشي لحوش العريس
فجاء قالت لامها انها معاد تشوف ... اي اي البنت أنعمت رفعوها لشيخ قاللهم أنها عين صابتها و عندكم خيارين يامه يموت يلي صابها بعين يامه تغسل وجها بمية وضوءه ...
طبعا كانت حفله كبيرة فيها ناااااس واااجد منين بيلقوه يلي ضربها بعين ... المهم كملت حياتها عمياء و مرت السنين لين جاء يوووم ناضت تشووف فرحت واااجد امشت بتكلم هلها ترود عليها اختها امشي خبرتها قالتلها أنها ردت تشوف من جديد .... بس كان رد الاخت مفجع
قلتلها : امك ماتت اليوم الصبح 💔😥
اي اي امها هيا يلي صابتها بعين💔✋ )
يا جماعه والله العين حق و مذكورة في القرآن فلذلك خلوا في لسانكم ذكر الله كل ما تشوفوا شي يعجبكم ...
وفي متل يقول ( العين اطيح الجمل في القدر والراجل في القبر ...!؟)
انى لما سمعت ضحكت تعرفوا بس صااار موقف اتبتلى المقوله هذه
طبعا في بنت تقرب لبنت خالتى المهم
هذه معروووووف أن عينها حارة المهم جاها عريس امشي لما بيطلع شافته من الشباك قالتلهم وهه شن هالطوول يلي عنده ..... والله والله والله الا الراجل طاحت عليه نخله رقد في المستشفي بعد يومين مااات اي والله مااات 😥
فلذلك قولوا ماشاء الله ديمه
.
.
دمتم سالمين .....وانتظرونى 😊
