السلام عليكم
كيف حالكم وشن مدايرييين ليكم وحشات ليا قريب سنه معاد كتبت شي
مضني كلكم حادفين لكتاب😭😭😭🙂💔
المهم كنت في اطول سنه مرت عليا بعد تالته تانوي
تعرفوا كنت نحساب اليهود في فلسطين بس طلعوا نصهم في كليتنا يا جماااعه
خشيت تخصص احلامي و عن قناااعه تااامه علاج طبيعي
و فرحت ان نسبتي دخلتني ووووو
و نحساب الدكاااتره كويسين طلعت اني لكويسه
تعرفوا ظاااالمين حرام عليهم من ربي
نبدالكم من النصفيات تعذبنا و ضغط امتحانات طبعا احنى 8مواد و 6 عملي
المهم تعبنا و نطلعوا فرحانين ان مجاوبين
وقت يسلموا الاعمال تنصدم من الدرجه
تخيلوا في استاذ والله ناقصه درجتين ونص بس بس حاطلي اعنالي32 من40 انصدمت انصدمت مشيت دويتله قالي كوني هانيه حقك مايضيعش درنا نهائي والله ياجماعه طلعت راجعت كل الاسئله نفس الشيتات حاااله الا نقطه بس بس يوم النتيجه لقيته منقصلي 12 درجه و معاها 6 الاعمال وربي صدمه ناقصه 18. درجه ظلم حسبي الله ونعم الوكيل
به نمشي نحكيلكم ع الماده التانيه
طبعا امتحانه مقالي كله
والله والله والله جاوبت كل شي صح يا جماعه توقعت ها ننقص درجه في الاعمال تخيلوا نلقاه حاطلي26من40
انى قعدت في حاله ذهوووول
مشيتله قلتله كيف هكي تخيلوا شن حااااوب
قالي انتي في النصفي جاوبتي بدايه في الورقه الاوله و الباقي من وراء انى منقعدش نلفت يمين ويسار وندور في الاجابه ولفت وجه و سيبني
تخيلوا واني درتله سهم وان باقي الاجابه من وراء
تخيلوا مجاوبه صح بس مباش يصححلي شفتوا ظلم بعد هكي
و نمشوا للاستاذ التالت تخيلوا جايب النصفي امتحان معاود كنا نراجعوا فيه قبل مانخشوا مفروض كلنا مصكرين
اعلى درجه ناقصه 3 درجات و المشكله إجابه صح بس هو يقول لا مش هكي نبيها وتكون كيف الشيت راااه
اخر شي شن قال لما نلقى خط صغير مش حنقرا مش حنتعب عيوني
ولا سهوم هي راحت متاهه منلقاك مداير سهم غلط طووول
بالله الشي عذا كيف يتفاااهموا معاه
المصيبه مش هناااااا المصيبه انهم ماشيين معانا لسنة التخرج نفس الدكاااتره
وربي قهر قهر قهر تشوفي حقك ياخدوه وانتي مكتفه ماعندك ماديري
لاحول ولا قوه الا بالله
المهم هذا قليل من كتير و والله لولا ان تخصص احلامي راه ماقعت فيها سنه تانيه هالكليه🙂🙂🙂🙂💔🤦🏻♀️
يلي يهون ان مزال سنتين ان شاء الله ونفتكه منها 😭😭♥️
.
.
دمتم في حفظ الرحمن... وانتظروني
انزل لما نطلع من سنة تالته ان شاء الله 😂😂😂💔 انبصر غير ضغط وهكي شوي ظروف هذا بيش
هو كان في حد مهتم اصلا😪
