Criminal Virus [ Completed ]

-27-

Unicode

Jonas က လီယို့ကို မနက်တိုင်းသောက်နေကျ ကော်ဖီဆိုင်တစ်ခုမှာ တွေ့ခဲ့တယ်။တစ်ခါတွေ့လောက်ရုံနဲ့ သူ့နှလုံးသားက မြင်ယောင်လိုက်တိုင်း အဆက်မပြတ် ခုန်နေတော့တာပဲ။

သူ့ကို ရိုးသားကြတယ် ပြောကြတယ်။
ဒါပေမယ့် လိမ်မာတဲ့အထဲမှာတော့ သူမပါဘူး။
သူလိုချင်တာကို မရရအောင် ယူချင်စိတ်ကလည်း
ဒယ်ဒီနဲ့တူတယ်ထင်ပါရဲ့။

ဒယ်ဒီဆိုလည်း မာမီ့ကို အတင်းအကြပ်လုယူထားခဲ့တာ။မာမီ့မှာ ချစ်သူရှိမှန်းလည်း သိပေမယ့် ဒယ်ဒီက
သူလိုချင်တာကို ရယူခဲ့တယ်။

မနက်တိုင်းလာဝယ်နေတဲ့ မနက်စာက ဘယ်သူ့အတွက်လည်းဆိုတာ သူ သိချင်ခဲ့တယ်။
သိလိုက်ရတဲ့အဖြေက သိပ်တော့ မထူးဆန်းပါဘူး။

လီယိုက မာဖီးယားဂိုဏ်းတစ်ခုမှာ အလုပ်လုပ်တယ်။
သူ့ဘောစ့်အတွက် မနက်တိုင်း မနက်စာ လာဝယ်လေ့ရှိတယ်။

တစ်နေ့မှာတော့ သူ နီးကပ်ဖို့ ကြိုးစားလိုက်တယ်။
ကိုယ်ချင်းတိုက်မိသွားပေမယ့် ဆောရီးဆိုတဲ့ စကားတစ်ခွန်းကလွဲလို့ ထိုသူက သူ့ကို မော့တောင် ကြည့်မလာခဲ့ဘူး။

လီယိုဆိုတဲ့နာမည်ကို သူ အခုမှ သိတာ။
စုံစမ်းတုန်းက အဲ့လောက်ထိ မသိခဲ့ရဘူး။
မာဖီးယားဂိုဏ်းဖြစ်တာကြောင့် သူတို့ကို လာထိရင်
ပြန်လုပ်တတ်တယ်ဆိုတာ သဘာဝပဲ။

သူ သွားစလိုက်တယ်။တစ်ခါတုန်းက ငြိမ်နေပေမယ့်
နှစ်ခါလောက်မှာတော့ သူ့အကြောင်းကို စုံစမ်းလာပြီ။
သုံးခါလောက်ဆိုရင်တော့ တစ်နည်းနည်းနဲ့ ကျိန်းသေပေါက် သူ့အနားကို ရောက်လာကြတော့မှာ။ရှုပ်နေတဲ့သူ့ကို ရှင်းပစ်ဖို့အတွက်။

Jonas က ယောက်ျားလေးအများစုနဲ့ အိပ်ဖူးတယ်။
ဒါပေမယ့် လီယို့ကို မြင်မြင်ချင်း စွဲလန်းတယ်။
လီယိုနဲ့ ညလုံးပေါက် အတူတူချစ်ရည်လူးပြီး အိပ်ချင်တယ်။လီယိုရဲ့လက်မောင်းတွေကြား ပွေ့ဖက်ခံရပြီး လီယိုကြမ်းတာကို အသံဝင်တဲ့အထိ အော်ဟစ်ပေးချင်တယ်။

တွေးရင်းနဲ့ပင် သူ တက်ကြွလာတယ်။

Jonas က သက်ပြင်းချလို့ စိတ်ကို ဖြေလျှော့လိုက်တယ်။သူ့အနားကို မကြာခင် ရောက်တော့မှာပဲ။
အတတ်နိုင်ဆုံးချုပ်တည်းထားရမယ်။