مصيبة حياتي

البارت الثامن عشر

يوسف بعصبية : انتي بتقولي ايه
سما بصدمة حزن: أنا! والله يا يوسف أنا معرفش حاجه عن الكلام ده
سامية بكره: كفايا كدب هي اللي قالتلي ننصب عليك ونخطط لحكاية النصب للشركة وتاخد نصيبها من الفلوس

فريدة: انتي ايه الكلام اللي بتقوليه ده بنتي متعملش كده ابدا....قرب يوسف من سامية بنظرة رعب ارتبكت منها:
بلاش كدب علشان عارف كل حاجه وعارف عن دينا كمان
سامية بصدمة كبيرة: دينا !!

سما باستغراب: وايه اللي دخل دينا يا يوسف ازاي يعني مش فاهمه
يوسف بصوت عالي: سامية هانم بعتالي دينا صديقتي من ايام الجامعه فجأة تظهر وانا ومسافر وتقولي على موضوع الشغل وشراكة حد اشك فيها وفي الطريقة اللي كانت ظاهرة فيها وعرفت انها بتخطط لنصب بس مكنتش متوقع أنه تكون التخطيط والنصب والتنفيذ ده منك انتي

صدمت سامية من كلام يوسف ابتلئت ريقها بخوف:
مني انا...
يوسف بغضب: اه انتي بلاش تدخلي سما في الموضوع هو انتي فاهمة إني هصدق كلامك واخاف واتوتر وأطلق سما تؤ ده بعينك
ابتسمت سامية بشر : اه عايزك تطلقها وكنت بنصب عليك وهاخد شركتك بفلوسك انت وابوك
يوسف بصوت جمهوري اهتز المكان له: ليه ليييييييه
بتعملي كده لييييييه
اكمل حديثه بهدوء: إحنا عائلة واحدة ومترابطة عايزة تدمرينا ليه ايه السبب
سكتت سامية ولم تتحدث وتنظر لهم بكره
وتحدث يوسف بعصبية: هتستفادي ايه من الآذية دي ما تنطقي

هدي: براحة يابني مش كده
يوسف بزعيق: مفيش حاجه اسمها براحة ياماما
هي لازم تتكلم وتقول الحقيقة
سامية بشر: عايز تعرف ايه ...عايز تعرف الحقيقة رد عليا
ابتسم يوسف بسخرية وتحدث بهدوء: برافو عليكي الحقيقة..عايز اعرف الحقيقة قولي بقي هي ايه
ايه السر في انك تدمريني..

سامية بتوتر: السر هو...
زاهر : هو ايه انطقي يا سامية

_مساء الخير....هاااي وحشتوني
كان هذا صوت نيرة وخلفها والدها فاروق وحازم وشخص آخر...
دخلت نيرة بمرح لحضن جدها :عامل ايه يا جدوو وحشتني..
تكلم زاهر بحزن هادئ: الحمدلله يابنتي
حمدالله على السلامه
نيرة بفرح: عاملين ايه كلكم وحشتوني اوي
نظرت نيرة لوالدتها بابتسامة وحضنتها: ماما عامله ايه وحشتيني اوي بقالي كتير برن عليكي ومش بترودي
ماما ماما مالك في ايه

هدي: مفيش يا حبيبتي ادخلي انتي وضيوفك
شردت نيرة بحالتهم وبحالة سامية وصمتها : دولا مش ضيوف يا طنط اتفضل يا مصطفي
فاروق: مالكم في ايه في حاجه حصلت معاكم
حازم: في ايه يا ماما في ايه يا جدوو حد يتكلم

يوسف بعصبية: أنا هقولك يا حازم الهانم والدتك
كانت عايزة تدمرني تخسرني شركتي وتنصب عليا

حازم بصدمة: انت بتقول ايه يا يوسف
نيرة:  لأ طبعا ماما متعملش كده

يوسف: لأ تعمل واساليها قدامك اهي
نيرة بدموع: ماما انتي عملتي كده

فاروق: صحيح الكلام ده يا سامية..انطقي الكلام ده صح
سامية بكره : ايوا صح صح كل حاجه صح بيقولها ارتحتوا