"ريفوو"
رفيق:امممم
جهاد بضحكه:الكبيده زبده سايحه..
خليل بتهكم:هو غير كبيدته العيله كلها واولهم المتعجرف زياد
رفيق:لا عاد هداكا كاسرلي رقبتي بالرسمي..
جهاد بضحكه:اني اللي قاهرني انهم مش حامدين ربي ع النعمه..تي عندهم بو ياراجل كان يسلفهولي نهار بس نتجتكر بيه قدام الكبيده بالك تعبرني وديرني بنادم!
خليل:وحني نسلفوهم اللي عندنا ليله بس..
رفيق وجهاد:وووووهههههههه..
خليل:تي يقعدوا يصلوا من هني ليوم يبعثون يحمدوا فربي ع دكتور..
رفيق:هههههههه ووووو قاعد نتخيل..
جهاد:اني والله وجعتني خالتي اسيمه غير تخيلت بس..
تنهد خليل وقال:ماتوجع الا امي..تي هو غير تصبح كل صبح ع وجهه عذاب ولا عذاب الاقرع في القبر..
رفيق :بس الحق الحق ياولاد روحي ترخصله..
جهاد ابتسم وقال:حتى اني في النهايه بوي..
خليل:نموتوا ولاتنخصه شوكه..بونا لو نغسلوا رواحنا بمية البحر مابننظفوا منه...
