مساءا في اوضه مراد
كانت زاهيه رايحه تشوف مراد وتكشف عليه واول مافتحت الباب اتصدمت
زاهيه بصدمه/ايه ده عمر انت بتعمل ايه هنا انت وبسنت
عمر بابتسامة /جاين نشوف مراد ياحبيبتي انتي مش عارفه ان مراد تعبان
زاهيه بتوهان/ايوه الاستاذ مراد ده مريض عندي وانا مسئوله عن حالته انتوا مالكم بيه
بسنت بضحك/حبيبتي مراد يبقي صاحب رعد اخويا
زاهيه بصدمه/ايه يعني يعني رعد يبقي..
رعد بهزار/ايوه انا رعد اخوها بشحمه ولحمه وهبله وعبطه 😂
مراد بخبث /يعني انتي بقي زاهيه انا ازاي معرفتكيش مش معقول والله تتوهي عني حد ينسي الزوز معلش يازوز مخدش بالي والله 😂
زاهيه بغيظ/انت لسه منستش ام الاسم ده
مراد بضحك/لا منستهوش ومش هنساه ومش هبطل اقولك بيه يازوز😂
وهما بيتكلموا جت امنه وكلعاده دخلت من غير ماتخبط
امنه بهزار/شلو😃
رعد بسخريه/شلو ورحمه الله وبركاته 😏
مراد بصدمه/لا متقولش ديه ميمون لا لا انا مش مصدق
رعد بضحك/لا ياخويا صدق هي امنه 😂
امنه بسخريه/ايه ده كرونبه بنفسه بيتكلم 😂😏
زاهيه بضحك/الله عليكي تضرب ولا تبالي😂
بسنت بضحك/مش معقول لسه عبط زي مانتوا 😂
عمر بضحك/ولا هيعقلوا ابداا😂
مراد بغرور/كرونبه ده كان زمان لكن انا دلوقتي بقيت فورمه وعضلات وسكسباكس وحاجه اخر روشنه
امنه بسخريه/انشاله لوبقو تن باكس هتفضل كرونبه برضو 😂
رعد بضحك/هيهيهي كرونبه😂
مراد بسخريه/حوش حوش شوف مين اللي بيتكلم ابوسنه نسيت يلا ولا ايه لا لونسيت افكرك
رعد بكسوف/احم ايه الاحراج ده
بسنت بضحك/طب هتفضلوا تلقحوا على بعض كتير كده مش هنخلص😂
امنه بضحك/الله ماتخلينا نفكتر زكريات الماضي العره ياختشي😂
بسنت بضحك/ماشي ياختشي افتكري براحتك😂
عمر بابتسامة /طب هنروح احنا بقي عشان الوقت اتاخر وانتوا يابنات متتاخروش ماشي والف سلامه عليك يامراد
مراد بإبتسامة /الله يسلمك
تاج برفض/لا مش عايزه امشي
زاهيه بصدمه/ايه ده انتي كنتي فين يخربيتك مشوفتكيش
تاج بضحكه طفوليه/كنت ورا الكنبه بلعب بالموبايل
امنه بضحك/ديه مش طفله ديه قطه سيامي مربينها في البيت 😂
مراد بحب/انتي عارفه ان ديه اول مره اشوف فيها تاج من ساعه ما اتولدت
رعد بإبتسامة /مانا كتير اقولك تعالي معايا وانا مسافرلهم مكنتش بترضي
مراد بحب/لا بس حقيقي حبتها اوي وهي اكيد حبتني طبعا صح ياتاجي
تاج بإبتسامة /صح يامارو
زاهيه بضحك /الله الله بقي مارو مره واحد😂
تاج بطفوله/اصل هو جميل اوي وكيوت اوي وانا هتجوزه بس لما يخف من الواوه اللي عنده😇
مراد بضحك/قلبي ياناس مراتي بتحبني ياهو ونبي ياعمر اكسب فيه ثواب وجوزهاني بعد مارو والكلام اللي قالته ده مش هينفع اسبها تمشي كده 😂
عمر بضحك/خف انت وتعالي اتقدم رسمي وانا هجوزالك 😂
امنه بضحك/يحظك الاسود يا امنه بقي عيله بشخه هتتجوز قبلك ياضنايا 😂
زاهيه بضحك/وانت ملقتش غير تاج ديه جوزها ميت في الحرب وبتجري على يتاما😂
مراد بضحك/على قلبي زي العسل اخرجي منها انتي يازوز بس 😂
زاهيه بغيظ/استغفر الله العظيم يارب مش هنخلص
بسنت بإبتسامة /طب هنمشي احنا
تاج بحزن/لا انا عايزه اقعد مع مارو 🥺
رعد بضحك /روحي ياختي وابقي اجي اخدك بكره واجيبك لمارو ده انتي مقعدتيش مع خالك قد ماقعدتي مع مارو😂
تاج بإبتسامة /ماشي باي يامارو
مراد بإبتسامة /باي ياروح وقلب وعقل ونن عين مارو😂❤
زاهيه بسخريه/وفشت وكليه وامعاء ولوز مارو تحب تضيف حاجه مع الطلبيه يافندم😏😂
تاج بطفوله/مقهوره انتي مني عشان هتجوز قبلك وانتي هتعنسي
رعد بتشجيع/اوباااااا في منتصف الجبهه😂
امنه بضحك/يافضحتك ياببلاوي طفله مسحت بكرامتك الارض😂
تاج بغرور/يلا يامامي عشان تعبت وعايزه ارتاح باي مارو
بسنت بضحك /طب سلام احنا بقي 😂
وراحت خرجت بسنت وتاج عشان يمشوا وعمر راح لزاهيه قبل مايخرج
عمر بضحك/معلش يابنتي عارف انك تعبتي مع ام فاروق ديه بس معلش امسحيها فيه😂
زاهيه بغرور/ولا يهمني اصلا يعني يوم ما اغير اغير من ام شبر واقطع ديه ياعم اسرح انت وبنتك قرفتوني في عشتي😒
عمر بضحك/طب س س سلام😂
وخرج عمر وقعدوا البنات مع الشباب شويه بيفتكروا زكريات زمان وبعدين راحوا البنات على شغلهم
ـــــــــــــــــــــــــــــــــــــــــــــــــــــــــــــــ
(توضيح: زمان اهل بسنت وعمر ومراد كانوا صحاب وعشان كده زاهيه وامنه ومراد ورعد يعرفوا بعض عشان كانوا صحاب من الطفوله قبل مايسافوا عمر وبسنت وياخدوا معاهم امنه وزاهيه اما امنه فاهي صحبه زاهيه من الطفوله اما بالنسبه لعيلتها فين وليه عايشه اغلب الوقت مع زاهيه فاديه لسه هيظهر بعدين)
ـــــــــــــــــــــــــــــــــــــــــــــــــــــــــــــــ
في العنايه
كانت زاهيه بتطمن على بسمله واللي لسه مكنتش فاقت وكانت زاهيه متاكده انها شافتها قبل كده بس مش فاكره فين وفضلت زاهيه تكشف عليها لحد مالقت انها بدات تفوق
زاهيه بإبتسامة /ايه ده فوقتي اخيرا حمدالله على سلامتك يا انسه بسمله
بسمله بتعب/ييا س ر
زاهيه بتركيز/بتقولي ايه مش فاهمه
بسمله بتعب/ي اس ر
زاهيه بإبتسامة /مش مهم دلوقتي ارتاحي انتي لسه صاحيه ولما تتحسني نبقي نتكلم ماشي
بصتلها بسمله بتعب وقفلت عنيها ونامت وفضلت زاهيه واقفه بصلها
زاهيه بتفكير/ياتري انتي وراكي ايه يابسمله
ـــــــــــــــــــــــــــــــــــــــــــــــــــــــــــــــ
عند امنه
كانت رايحه للاستقبال عشان تسال عن اهل بسمله
امنه بهدوء/لو سمحت لو لسه محدش جيه سال عن المريضه بتاعت الحادثه امبارح
الممرض/لا يادكتوره
امنه باستغراب/طب محدش اتصل على موبايلها ولا اي حاجه
الممرض/لا مفيش اي حاجه جت ليها خالص
امنه بجديه/تمام لوعرفت اي حاجه قولي
الممرض/حاضر يادكتوره
مشيت امنه من الاستقبال وهي بتفكر في بسمله وايه اللي ممكن يكون حصلها وليه محدش سال عليها لدلوقتي وهي ماشيه راحت خبطت في حد ووقعت منه الحاجه
امنه باسف/انا اسفه والله مخدش بالي حقيقي بجد اسفه
محمد بإبتسامة /لا عادي ولا يهمك مفيش حاجه
امنه بهدوء/حقيقي اسفه والله
محمد بإبتسامة /مفيش داعي للاسف ده كله والله حصل خير المهم انا دكتور محمد
امنه بإبتسامة /وانا امنه
محمد بإبتسامة /اكيد طبعا غانيه عن التعريف انتي والدكتوره زاهيه
امنه بإبتسامة /ميرسي جدا بس هو حضرتك جديد هنا اصل انا مشوفتكش قبل كده
محمد بهدوء /اه لسه بقالي يومين بس
امنه بإبتسامة /اتشرفت جدا بمعرفتك
محمد بإبتسامة /انا اللي ليه الشرف اني اتكلمت معاكي
امنه بكسوف/ميرسي ليك بجد طب انا مضطره امشي عشان عندي شغل
محمد بهدوء /اه طبعا اتفضلي
ومشيت امنه راحت لشغلها وراح هو كمان لشغله
ـــــــــــــــــــــــــــــــــــــــــــــــــــــــــــــــ
في مكتب زاهيه
كانت قاعده بتخلص حاجات في الشغل ولقت امنه داخله
زاهيه بهدوء /ايه يا امنه في حاجه
امنه بجديه/زاهيه مفيش اي حد جيه سال عن بسمله خالص ولا حد اتصل ولا اي حاجه وهي بقالها يومين هنا يعني المفروض ان اهلها على الاقل يسالوا عليها او يدورا او يتصلوا حتي لكن ديه مفيش حاجه خالص
زاهيه باستغراب/غريبه ديه حتي برضو انهارده صحيت قالت حاجه وبعدين نامت تاني بس كلامها مكنش مفهوم
امنه بشك/انا شاكه في حاجه بس لازم اتاكد منها الاول
زاهيه بتعب/طب يلا نروح وبكره نشوف الموضوع ده
امنه بهدوء /تمام يلا
وقاموا البنات وروحوا على بيتهم
ـــــــــــــــــــــــــــــــــــــــــــــــــــــــــــــــ
صباحا في مكتب يوسف
كان قاعد بيشتغل وفجاه لقي حد بيقتحم عليه المكتب
....... /هو انا مش قولتلك تيجي تاخدني من المطار ولا انا هفا يعني قول قول اني هفا
يوسف بصدمه/.........
ياتري ايه اللي حصل هنعرف في الحلقه الجايه😊
دواء القلب❤
MAIILY 💘
رايكم يهمني
أنت تقرأ
دواء القلب || Heart medicine ♡
Romanceهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
