في بيت مراد
صحيت زاهيه من المخدر وكانت الرؤيه مشوشه وكانت جايه تقوم اتصدمت من اللي شافته كان مراد نايم جمبها من غير هدوم وهي مش لبسه حاجه راحت مصوته
زاهيه بصدمه/عااااااااااااا
مراد صحي وكان تحت تاثير المخدر وقام لقي زاهيه جنبه وعماله تصوت وتعيط قام مخضوض ومش فاهم حاجه لقي نفسه من غير هدوم
مراد بصدمه/هو ايه اللي حصل
زاهيه بصويت/انت عملت فيه ايه ياحيوان
مراد بصدمه/والله ماعملت حاجه انا مش فاكر حاجه اصلا
زاهيه بدموع/حرام عليك يامراد انا عملتلك ايه عشان تعمل فيه كده حرام عليك
مراد بعجز/والله يازاهيه ماعملت حاجه هو ايه اللي جابنا هنا اصلا
زاهيه بدموع/انت بعتلي رساله وقولتلي انزلي عشان عاوزك ويارتني مانزلت مكنتش اعرف انك زبالة كده
مراد بحزن/زاهيه والله العظيم انا معملتش حاجه كل اللي فاكره اني جالي رساله منك وقولتيلي انزلي وانا اصلا مبعتلكيش حاجه
زاهيه بدموع/ياربي هعمل ايه دلوقتي هوري وشي للناس ازاي وعمر هقول ايه لعمر يارب خدني بقي
مراد بعصبيه/اهدي يازاهيه محصلش حاجه والله انا حاسس يازاهيه انا اغمي عليا ومصحتش غير دلوقتي
زاهيه بانهيار /انا بكرهك يامراد بكرهك ومش عاوزه اشوف وشك تاني
قامت زاهيه وهي لفه المفرش على جسمها وخدت هدومها ودخلت لبست وخرجت من الشقه بسرعه ومراد قاعد مكانه مصدوم ومش فاهم حاجه قام بسرعه وغير هدومه وراح علي بيت رعد
ــــــــــــــــــــــــــ
عند زاهيه
روحت البيت وكانت منهاره عياط وشكلها مبهدل دخلت واول ما شافتها بسنت جريت عليها
بسنت بقلق/زاهيه حبيبتي قلقتينا عليكي كنتي فين من امبارح وبعدين شكلك مبهدل ليه كده
عمر بقلق /زاهيه ردي اختفيتي ليه امبارح كده وكنتي فين
زاهيه كانت بصلهم وعينها كلها دموع راحت جريت علي عمر وحضنته وانهارت في العياط
عمر بخضه/زاهيه في ايه مالك
زاهيه بانهيار /انا اتدمرت ياعمر خلاص حياتي اتدمرت وكله بسبب مراد
عمر بخضه/زاهيه حبيبتي في ايه فهميني انا مش فاهم حاجه وماله مراد
زاهيه حكت كل حاجه لعمر من الاول الرساله لحد مالقت نفسها عنده في البيت عمر كان بيسمع الكلام وعينه حمره من العصبيه وبسنت قعدت من الصدمه وعينها كلها دموع خلصت زاهيه وقعدت تعيط جامد في حضن عمر
عمر بشر/وربنا لجبلك حقك يازاهيه ومراد هنهيه من علي وش الارض
بعد عمر عن زاهيه وكان خارج جريت عليه بسنت لحقته
بسنت بدموع /بالله عليك ماتتهور ياعمر وحياتي عندك
عمر بغل/حقي اختي هيرجع يابسنت ومش هيرجع غير بروحه خليكي جمبها لحد ماجي
خرج عمر من الفيلا وبسنت بقت واخده زاهيه في حضنها تهديها
ـــــــــــــــــــــــــــ
في بيت رعد
كان رعد وامنه قاعدين بيفكروا فجاه لقوا الباب بيخبط جامد
امنه بخضه/ايه ده في ايه مين اللي بيخبط كده
رعد بهدوء/خليكي هنا انا هشوف
قام رعد وراح فتح الباب لقي مراد قدامه وشكله مبهدل
رعد باستغراب /ايه يامراد في ايه ومال شكلك
مراد بحزن/في نصيبه يارعد
رعد بقلق/نصيبه ايه ادخل تعالي
دخل مراد وسلم على امنه وقعد مع رعد وحكاله اللي حصل وامنه كانت قاعده
امنه بصدمه/انت بتقول ايه
رعد بهدوء/اهدي يا امنه خلينا نفهم
مراد بدموع/والله انا معملتش حاجه ومش فاكره حاجه حصلت انا مش فاهم ايه اللي حصل اصلا ومين اللي عمل كده
رعد بجديه/اكيد حد من اللي بندور وراهم عايز يازيك
امنه بدموع /زاهيه يامراد زاهيه فين
مراد بحزن/معرفش هي خرجت من عندي ومش عارف راحت فين ممكن تكون روحت امنه انتي مصدقاني صح انا مستحيل اعمل كده في زاهيه
امنه بدموع /مصدقاك يامراد انا عرفاك كويس وعارفه ان مستحيل تعمل كده بس انا خايفه علي زاهيه
مراد بحزن/ونبي يا امنه كلميها وقوللها اني معملتش حاجه انا مقدرش اعيش من غيرها
امنه بدموع /حاضر يامراد
رعد بتفكير/طب هنعمل ايه دلوقتي هنعرف ازاي مين اللي عمل كده
مراد بتوهان/مش عارف يارعد حاسس اني تايه
وهما بيتكلموا لقوا الباب بيخبط جامد كلهم اتخضوا وراح رعد فتح لقي عمر بيزقه وداخل علي جوه راح رعد لحقه ووقفه
رعد بجديه/عمر اهدي الامور مش بتتحل كده
عمر بعصبيه/ابعد يارعد من وشي عشان وربنا اقتلك معاه
امنه بدموع /ياعمر اهدي ونبي مراد اكيد معملش كده
عمر بعصبيه /انتي معاه يا امنه وصحبتك اللي منهاره في البيت ديه ايه تروح في داهيه
امنه بزعيق/لا ياعمر انت اكتر واحد عارف زاهيه ايه بالنسبالي بس زي مانا عارفه زاهيه عارفه مراد وواثقه انه ميعملش كده
مراد بحزن/والله ياعمر انا معملتش حاجه مستحيل اعمل كده في زاهيه
عمر بعصبيه/انت واحد زبالة
راح عمر زق رعد ومسك مراد قعد يضرب فيه جري رعد عليه ومسكه وبعده عن مراد
رعد بعصبيه/اهدي ياعمر كل اللي بتعمله ده مش هيجيب حق اختك اهدي خلينا نفكر
مراد بتعب/صدقني ياعمر والله معلمتش حاجه والله ماليا زنب انا زي زيها صحيت لقيت نفسي كده
رعد ببرود/عمر متنساش ان لينا اعدائنا اكيد حد السبب في اللي حصل ده
عمر كان بيبص لمراد بغل وعايز يقتله بس مسك نفسه
عمر بشر/ماشي انا هسمع كلامكم بس وحيات زاهيه لو طلع الكلب ده قاصد يعمل فيها كده ما هخليه يعيش يوم واحد
مشي عمر من البيت وامنه رعد ساعدوا مراد يقوم وعالجوا وشه من ضرب عمر
ــــــــــــــــــــــــــ
في المستشفى
كانت شهد ومحمد رايحين عشان شهد تبدا العلاج وهما رايحين شافهم يوسف راح نده عليهم سلم محمد عليه ومشي وساب شهد مع يوسف
يوسف بابتسامة /ازيك ياشهد
شهد ببرود/كويسه انت عامل ايه
يوسف بحب/كويس الحمدلله بس جايه المستشفى ليه
شهد بتوتر/مفيش كنت تعبانه شويه وعملت تحاليل وجايه اخدها
يوسف بقلق/ايه ده مالك
شهد ببرود/مفيش شويه ارهاق بس عن ازنك لازم امشي
وكانت لسه هتمشي راح يوسف مسك ايدها ووقفها
يوسف بحزن/شهد انا بحبك انتي ليه بتبعدي عني
شهد ببرود/عشان مينفعش نبقي مع بعض صدقني انا كمان بحبك بس مش هينفع
يوسف بعصبيه/مش هينفع ليه ايه اللي يمنع حبنا
شهد بالم/القدر اللي عايز كده
يوسف بعصبيه/قدر ايه ده اللي بتتكلمي عليه في ايه انتي مش عاوزه تبقي معايا ليه ليه مصممه تبعدي عني رغم اني بحبك وانتي عارفه ده
شهد بدموع /عشان لوفضلت معاك هظلمك
يوسف باستغراب/انا مش فاهم حاجه تظلميني ازاي
شهدبدموع /انا عندي سرطان يايوسف
يوسف بصدمه/ايه
شهد بدموع /زي ماسمعت عرفت ليه ببعد عنك يايوسف
يوسف بصدمه/شهد اسم...
شهد ببرود/ابعد عني يايوسف احنا مستحيل نكون لبعض
مشيت شهد وهو فضل واقف مصدوم في مكانه مش مصدق اللي سمعه عينه دمعت علي حبيبته وهي اول مابعدت عنه قعدت علي الارض وفضلت تعيط وهي حاطه ايدها علي قلبها
شهد بانهيار/سامحني يايوسف مش هقدر اعلقك بيه وانا مش ضامنه اعيش سامحني ياحبيبي
ـــــــــــــــــــــــ
عند بسنت
كانت قاعده مع زاهيه في اوضتها ومش مبطله عياط وبتحاول تهديها
بسنت بحزن/اهدي ياقلبي هيجرالك حاجه كده
زاهيه بانهيار/ياريت علي الاقل ارتاح هعيش ازاي انا كده وهوري وشي للناس ازاي
بسنت بدموع /لا ياروحي متقوليش كده انتي ملكيش زنب ومراد برضو ملهوش زنب اللي حصلكم ده اكيد بسبب حد
زاهيه بعصبيه/انتي بتدافعي عنه بعد اللي سمعتيه مش مكفيكوا اللي عملوا فيه ده دمرني يابسنت دمرني
بسنت بحزن/يازاهيه اسمعي انا واثقه في مراد مستحيل يعمل كده فيكي ده بيعشقك يازاهيه ده مراد اللي متربي معانا ده اكيد حد عمل كده من اعداء مراد
زاهيه بانهيار/خليكوا انتوا دافعوا عنوا وانا اولع بجاز
قامت زاهيه وجابت شنطه سفرها وقعدت تلم في هدومها
بسنت بصدمه/انتي بتعملي ايه
زاهيه ببرود/هرجع انجلترا انا مليش مكان هنا مش هعرف اعيش هنا تاني
بسنت بدموع /لا يازاهيه متمشيش عشان خاطري صدقيني كل حاجه هتتحل
زاهيه بكسره/للاسف يابسنت اللي اتكسر مش هينفع يتصلح
راحت زاهيه خدت شنطتها ونزلت وبسنت بتحاول تلحقها بس مش عارفه بسبب حملها
بسنت بدموع /زاهيه عشان خاطري استني يازاهيه
زاهيه بوجع/انا اسفه يابسنت ابقي سلميلي علي تاج وعمر
وخرجت زاهيه راحت علي المطار وسافرت وبسنت قعدت علي الارض تعيط علي اللي بيحصل مع اخواتها
بسنت بدموع/يارب
ـــــــــــــــــــــــ
عند داغر
كان بيراقب ياسر وشافه نازل من البيت وركب تاكسي ومشي راح وراه داغر بعربيته وفضل مراقبه لحد ماوصل لبيت ونزل عنده
داغر باستغراب/ايه اللي جابه هنا ده
خرج داغر من العربيه بعد ماشاف ياسر طلع العماره وطلع وراه لحد ما شافه دخل شقه قرب منها ووقف علي الباب يسمع ايه اللي بيحصل جوه
الكبير/نفزت اللي قولت عليه
ياسر بخبث/عيب عليك ياكبير الخطه مشيت زي السكينه في الحلاوه والاتنين صدقوا ان حصل بينهم حاجه فعلا وحاليا زاهيه سافرت علي انجلترا
الكبير/اخيرا يازاهيه هتبقي ليا انا وبس عايزك تجحزلي اول طياره لانجلترا
ياسر بخبث/انت تؤمر ياكبير
سنيه بزهق/انا مش فاهمه انا بعمل ايه معاكم هنا انا مالي بيكم
ياسر بخبث/ايه يابت مش كنتي عاوزه رعد برضو الدور دلوقتي علي امنه نخلص منها ونديها لابوها وانتي تاخدي رعد
سنيه بفرحه/بجد طب هنفز امتي
طارق بشر/ايوه امتي انت مش هتسافر وتسبني كده من غير ماتعمل حاجه
الكبير بخبث/عيب عليك ياراجل بكره قبل ما امشي هتكون بنتك في حضنك
طارق بخبث/وده المطلوب
ياسر بسخريه/ياااااه حنان العيله ده فكرني ببسلمه ربنا يرحمك ياختي ويبشبش الطوبه اللي تحت راسك بس برضو مش ندمان اني خلصت منك كانت بومه اه والله
كل ده وكان داغر سامعهم ومش فاهم حاجه من كلامهم لكن فهم انهم بيخطتوا لحاجه تضر اخته وجوزها وان ياسر قتل بسلمه زي ماكان حاسس
نزل داغر بسرعه عربيته واتصل علي رعد
رعد بهدوء/ايوه ياداغر
داغر بجديه /انت لازم تيجي انت ومراد دلوقتي
رعد باستغراب /في ايه ياداغر
داغر بجديه /تعالوا وانتوا هتعرفوا
رعد باستغراب /نيجي فين
داغر بجديه/بيت ياسين........
ياتري ايه اللي حصل هنعرف في الحلقه الجايه😊
دواء القلب ♥
MAIILY 💘
رايكم يهمني
أنت تقرأ
دواء القلب || Heart medicine ♡
Romanceهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
