عند امنه وزاهيه
كانوا قاعدين في كافيتيرا المستشفى وفجاه جت رساله زاهيه واول مافتحتها اتصدمت
زاهيه بصدمه/ايه ده
امنه باستغراب/في ايه يابنتي
زاهيه بتوتر/ده ده اهاا ده الباقه بتاعتي خلصت ونسيت اجددها
امنه بضحك/كل الخضه ديه عشان نسيتي تجددي الباقه وربنا هبله 😂
زاهيه بتوتر/طب يلا يا امنه عشان الشغل
امنه بهدوء/تمام انا هروح اشوف بسمله اطمن عليها
زاهيه بتوتر/طيب
مشيت امنه راحت لبسمله وزاهيه اول مامشيت كلمت عمر بسرعه
زاهيه بخوف/ايوه ياعمر في نصيبه
عمر بخضه/في ايه يازاهيه نصيبه ايه
زاهيه بخوف/انا جاتلي رساله من شويه هبعتهالك وشوفها الموضوع بجد خطير
عمر بقلق/طيب يازاهيه
قفلت زاهيه مع عمر وبعتتله الرساله وراحت علي شغلها
زاهيه بقلق/يارب عديها علي خير
ـــــــــــــــــــــــــــ
عند بسمله
خبطت امنه ودخلت وكانت بسمله قاعده بتتفرج علي التلفزيون
امنه بابتسامة /صباح الخير
بسمله بإبتسامة /صباح النور تعالي يامنه
امنه بهزار/بسبوسه عامله ايه النهارده
بسمله بإبتسامة /الحمدلله بقيت كويسه ودكتور محمد قالي اني اقدر اخرج بكره
امنه بخبث/اممممم قولتيلي دكتور محمد
بسمله بكسوف/في ايه يا امنه الله
امنه بابتسامة /بتحبيه
بسمله بكسوف/مش لدرجه بحبه بس هو شخص لطيف
امنه بضحك /هو من ناحيه لطيف فاهو لطيف اوي رغم انه لسه جاي من فتره مش كبيره بس لما اتعرفت عليه تحسيه دبدوب اوي في نفسه😂
بسمله بضحك/حرام عليكي دبدوب ايه بس هو عشان طيب يبقي دبدوب😂♥
امنه بابتسامة /سيبك من محمد دلوقتي بجد يابسمله انا مبسوطه اننا اتقابلنا تاني كنتي وحشانا موت
بسمله بحب/وانتوا والله وحشتوني جدا انتي وزاهيه وكنت بتصل عليكم بس مكنتوش بترضوا
امنه بابتسامة /ماحنا عشان غيرنا الخطوط بقي وكده والسفر وكده
بسمله بهدوء/هو انتي سافرتي مع زاهيه
امنه بحزن/اومال هقعد لوحدي هنا ايوه سافرت كملت تعليمي هناك لحد مابقي ليا اسمي وشهرتي انا وزاهيه
بسمله بحزن/مفيش حد سال خالص
امنه بدموع/لا محدش سال وانا خلاص اتعودت علي حياتي كده عيلتي هي زاهيه وعمر وبسنت وبس ودلوقتي شوفت رعد ومراد تاني وصدقتنا رجعت تاني هعوز ايه اكتر من عيله بتحبني انما اللي رموني دول مش عايزه اشوفهم حتي
بسمله بإبتسامة /طب اهدي وانسي وعيشي حياتك
امنه بوجع/انا فعلا عايشه حياتي ومبسوطه وزاهيه مش محسساني باي حاجه ودايما عيزاني مبسوطه وكمان انتي كمان ظهرتي اخيرا هعوز ايه اكتر من كده
بسمله بهزار/ايوه خلاص جيت وبصو هقعد علي قلبكم ومش هتعتع من مكاني 😂
امنه بضحك/ماشي ياختي صحيح يابت انتي بتشتغلي ايه مش لقيالك مهنه لحد دلوقتي 😂
بسمله بضحك/مانتي لو مهتمه كنتي عرفتي لوحدك 😂
امنه بضحك/لا بجد بتشتغلي ايه 😂
بسمله بضحك/دكتوره ياختي دكتوره اطفال😂
امنه بابتسامة /خلاص تنقلي هنا
بسمله باستغراب /انقل هنا ازاي
امنه بابتسامة /تنقلي شغلك هنا وتبقي معايا انا وزاهيه وانا هكلملك المدير
بسمله بفرحه/والله فكره حلوه جدا هعمل كده اول ماخف
امنه بابتسامة /اشطا ياحب يلا اسيبك ترتاحي
بسمله بإبتسامة /ماشي ياقلبي
ــــــــــــــــــــــــــــــــ
عند يوسف
كان خارج من مكتبه وشاف زاهيه وراحلها بسرعه ووقفها
زاهيه بابتسامة /ازيك ياابيه
يوسف بزهق/يخربيت ابيه اللي مسكهالي ديه يابنتي ده انا اصغر من اخوكي هو انتي بتقولي لرعد ومراد ابيه
زاهيه بضحك/لا 😂
يوسف بزهق/اشمعنا انا طيب مكنوش 34 سنه اللي عندي
زاهيه بضحك /وجهه نظر برضو نعم ياجو في حاجه 😂
يوسف بابتسامة /ايوه كده المهم اختي جت من السفر وللاسف الشديد هي اشتغلت هنا بس لسه تحت التمرين فاكنت عايزك انتي وامنه تبقوا مسئولين عن تدريبها
زاهيه بابتسامة /اوي اوي معنديش اي مانع تيجي مكتبي ونبدا تدريب من انهارده لو عايزه
يوسف براحه /يالهووي ده انتي شلتي عني هم كبير اوي مش هنسالك المعروف ده ابدا
زاهيه بضحك/شكلك بتحبها اوي 😂
يوسف بسخريه/اوووي مقولكيش وانتي هتحبيها ضعف الحب اللي بحبهولها😏
زاهيه بضحك/طب هروح انا مكتبي ولما تشوفها ابعتهالي وربنا يستر😂
يوسف بزهق/هي تلاقيها بتتجول في المستشفى هنا ولا هنا هشوفها كده وهجبهالك لحد عندك بايدي
زاهيه بابتسامة /تمام هستناكو
ــــــــــــــــــــــــــــــ
عند عمر
كان في مكتبه وقرا الرساله اللي بعتتهاله زاهيه وكانت
(ازيك يازاهيه انا عارف كويس ان امنه معاكي بس احب اقولك انها مش هتفضل معاكي كتير لاني هاخدها غصب عنها وعن اي حد يمانع ولحد ماده يحصل عايزك توصليلها سلاماتي. الاستاذ ط )
عمر ببرود/علي جثتي انك تاخدها مستحيل اخليها تعيش تاني اللي عاشته زمان بسببك امنه هتفضل معانا ولو هضحي بنفسي عشانها اختي مش هتبعد عن عيني ابدااا
وقام عمر خرج من الشركه وراح الفيلا
ـــــــــــــــــــــــــــــــ
في القسم
كان مراد قاعد بيشتغل ودخل رعد وقعد معاه
مراد ببرود/خير
رعد بهبل/ايه
مراد ببرود/جاي ليه
رعد بهبل/هو اي اللي جاي ليه ياعم هو انا جيت قعدت فوق راسك🙂
مراد بسخريه/لا جاي تقعد في مكتبي وبعدين انت مش عندك شغل جاي مكتبي ليه وسايب مكتبك
رعد بغباء/لا مانا جبت الشغل وقولت اجي اشتغل معاك 🤓
مراد بزهق/هو احنا يابنتي في ثانويه عامه وجاي تذاكر معايا ده شغل ياحبيبي
رعد بغيظ/ايووه عليك يامراد دايما كده كاسر ماديفي😒
وهما بيتكلموا الباب خبط واذن مراد ليه ودخل الشخص وكان داغر
داغر بهزار/مارو حبيب قلبي اخبارك اشق الشقايق😂
مراد ببرود/بدانا بقي عايز ايه ياداغر
داغر بهزار/ايه احب مالك جاي اطمن عليك مالك قفوش ليه كده 😂
رعد بضحك/قولوا يابني والله بكلمه كتير بس واجع قلبي والله ومبيسمعش الكلام 😂
مراد بسخريه/ايوه ياماما مش هاكل السبانخ ارتاحتي يامحمد
رعد بتمثيل الحزن/شايف شايف بيكلم امه ازاي قليل الحيه
داغر بضحك/مانتي اللي مسمعتيش الكلام ياختي ياما قولتلك بطلي دلع فيه اهو بقي حاله مايل😂
مراد بعصبيه/هي كلمه واحده بره
داغر بغباء/طب همشي أنا بقي عشان الحق 🙂
رعد بغباء/تلحق ايه🤓
داغر بغباء/معرفش بس اروح الحق اي حاجه ممكن تتلحق😂
رعد بغباء/طب خدني معاك الحق معاك يمكن الحق معاك حاجه 😂
وخرجوا الاتنين بسرعه من المكتب ورجع مراد لشغله
مراد بغموض/هانت ياسفاح نهايتك قربت
ــــــــــــــــــــــــــــــــ
عند يوسف
كان بيدور علي سندس في المستشفى ومش لاقيها لحد ماعدي علي اوضه فيها راجل كبير وسمع صوت سندس جوه وكانت سندس قاعده قدام الراجل علي السرير ومربعه رجلها وبتاكل فاكهه بشكل مضحك وبتتكلم معاه
سندس ببراءه/وبس ياسيدي انا جيت مصر من كام يوم واخويا اللي قولتلك عليه ده بيعاملني اسوء معاملني بيضربني وبيشتمني وبيعاملني اعفن معامله انت عارف انه كان عاوز يجوزني لراجل قد جدي عشان يخلص مني
يوسف بصدمه/انا ياسندس
الراجل بحزن/معلش يابنتي ربنا علي المفتري
سندس بدموع مصتنعه/يارب ياحج اخويا بيستغلني اكمني مليش لاحبيب ولا قريب ولا غريب بيبهدلني ياحج عشان انا ضعيفه ومكسوره الجناح ده مجوعني ياحج تخيل
يوسف مقدرش يستحمل كل الاتهامات ديه راح فتح الباب ودخل
سندس بهبل/ايه ده حازم حازم قلبي وربنا كنت لسه جايبه في سيرتك 😅
يوسف بشر/بقي انا معذبك ومجوعك ياقادره
الراجل باستغراب /مين ده يابنتي
سندس بغباء/ده اخويا الحته الشمال 😅
الراجل بهدوء/حرام عليك يابني بقي مجوع البت وبتعاملها وحش
يوسف بجنون/ياحج ديه قادره والله ده انا لو حكيتلك اللي بتعمله فيه هصعب عليك ومش بعيد تكرمشلي خمسين جنيه في ايدي وبقي بزمتك ياحج ديه خدود واحده جعانه
الراجل بضحك/الصراحه يابني لا ده انت اللي الزمن جاي عليك اوي 😂
يوسف بعصبيه/هي كلمه واحده قدامي علي بره
سندس بهبل /طب والفاكهه اجدع 😅
يوسف بعصبيه /بررررررررررررررررررررره
خرجت سندس بسرعه علي بره وخرج يوسف وارها ومسكها كانه ماسك حرامي غسيل وراح علي مكتب زاهيه
ــــــــــــــــــــــــــــــ
في بيت في حاره شعبيه
كانت في واحده في منتصف الخمسينات قاعده بتتفرج علي التلفزيون دخل جوزها في اوائل الستينات وقعد جنبها ومسك الشيشه وقعد يشرب فيها
سماح بقرف/بطل ام القرف ده بقي صدري تعبني منه
طارق بزهق/ماهو القرف ده اللي مصبرني علي عشيتك السوده بس هانت هي مسئله وقت والفلوس هتغرقنا
سماح بقلق/انت عملت ايه
طارق بخبث/عملت اللي المفروض اعمله من زمان وكلها ايام وحياتنا هتتغير
سماح بقلق/ربنا يستر
ــــــــــــــــــــــــــــ
عند داغر
كان في مكتبه بيشتغل وخبط العسكري ودخل اداله الظرف
داغر باستغراب/ايه ده
عسكري /ديه يافندم المعلومات اللي حضرتك قولتلي اني اجبها عن البنت
داغر بهدوء/تمام اتفضل انت
خرح العسكري وفتح الظرف وخرج منها صوره البنت وعنوانها وكل المعلومات اللي محتاجها ومسك صورتها وفضل باصصلها
داغر بحب/اخيراا لقيتك ياعمري
ـــــــــــــــــــــــــــ
عند محمد
كان ماشي رايح يشوف المرضي وعدي علي اوضه بسمله راح وقف وخبط ودخل
محمد بإبتسامة /ازيك يا انسه بسمله
بسمله بإبتسامة / ايه ده دكتور محمد انا الحمدلله كويسه انت اخبارك ايه
محمد بحب/انا بخير الحمدلله بس ممكن بلاش دكتور ديه
بسمله بإبتسامة /حاضر
محمد بحزن/انتي هتخرجي بكره صح
بسمله بإبتسامة /ايوه هخرج بكره زي ماحضرتك قولت
محمد بنفسه/يارتني كنت طولت المده شويه
محمد بحزن/طب حمدلله علي سلامتك
بسمله بإبتسامة /الله يسملك
ــــــــــــــــــــــــــــ
في فيلا عمر
كان عمر قاعد مع بسنت وحكلها عن الرساله
بسنت بعصبيه/يعني ايه يعني مسحيل اخليه ياخد امنه مستحيل ده يحصل
عمر بجديه/اهدي يابسنت امنه مش هتبعد عننا محدش يقدر يخدها ولا يقربلها اصلا
بسنت باستغراب/مش فاهمه قصدك ايه
عمر بغموض /انا عارف انا هعمل ايه..............
ياتري ايه اللي حصل هنعرف في الحلقه الجايه😊
دواء القلب♥
MAIILY 💘
رايكم يهمني
أنت تقرأ
دواء القلب || Heart medicine ♡
Romanceهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
