عند امنه
كانت رايحه علي اوضه بسمله وفتحت الباب ودخلت واتصدمت من اللي شافته
امنه بصدمه/يانهار اسود انت بتعمل ايه
كان في واحد باسك مخده وبيخنق بسمله وبسمله بتحاول تقاوم ومش عارفه واول ماسمع صوت امنه جري على بره وزق امنه وامنه جريت وراه
امنه بعصبيه/وربنا مهاسيبك يابن الكلب تعالي هنا يلاا
وفضلت تجري وراه لحد مالقت رعد كان خارج من اوضه مراد
رعد بخضه/في ايه بتجري كده ليه
امنه بسرعه/ مش وقت كلام امسك الراجل ده بسرعه
رعد بجديه/حاضر
وجري رعد ورا الراجل لحد ماوقعه على الارض وكتفه وجت امنه ورا
رعد باستغراب/في ايه يا امنه مين ده
امنه بتعب/الشخص ده لقيته كان بيخنق مريضه هنا
رعد بعصبيه /هو في ايه ديه مستحيل تكون مستشفي ديه خرابه ده الواحد يخاف يجي يتعالج بقي
وهما بيتكلموا قدر الشخص انه يضرب رعد بسكينه في كتفه وجري
امنه بخضه/رعد انت كويس
رعد بهدوء/متخفيش انا كويس روحي شوفي المريضه بس الاول
امنه بسرعه/لا تعالي بس اعالجهالك بسرعه عشان اروح للمريضه
رعد بهدوء/طيب
وراحت امنه مع رعد وعالجتله جرحه وراحت على اوضه بسمله ولقتها قاعده في زاويه في الاوضه على الارض وضمه رجلها وعماله تعيط راحت امنه وقعدت جمبها على الارض
امنه بحنيه/حبيبتي انتي كويسه
بسمله بخوف/ككنت ه موت كان هيم وتني
امنه بحنيه/اهدي عشان تعرفي تتكلمي انتي تعرفي الشخص ده
بسمله بدموع/ايوه
امنه بابتسامة /طب ارتاحي ونتكلم بعدين
بسمله بخوف/لا انا لازم اروحله لازم احظره
امنه باستغراب/تروحي لمين
بسمله بخوف/م مراد
امنه باستغراب /مراد
ـــــــــــــــــــــــــــــــــــــــــــــــــــــــــــــــ
عند سندس
راحت مكتب يوسف وزقت الباب ودخلت من غير ماتخبط ودخلت قعدت على الكنبه وحطت رجلها على الطرابيزه بكل راحه
يوسف بزهق/يانعم
سندس ببرود/ايه
يوسف بسخريه/عملتي ايه معلش المدير ثانيه خليني اخمن طردك طرده الكلاب صح😏
سندس بغرور/حاليا انا الدكتوره سندس ومش هقول اكتر من كده
يوسف بصدمه/نعممممممم ازاي انتي عملتيها ازاي ياقدره
سندس بسخريه/عادي يعني كلمته بكل براءه واحترام وانت عارف طبعا ان اي حد بيضعف قدامي وقدام براءتي عشان انا كيوت وكده
يوسف بغيظ/اخلصي يامستفزه
سندس بسخريه/مفيش هو لقاني محترمه ومؤدبه ونموذج للطبيبه المثاليه وافق على طول
يوسف بردح/م ايه يعنيا مثاليه ليه هو انطص في عينه ولا ايه ملقاش غيرك يختي نموذج للطبيبه المثاليه
سندس بعصبيه/في ايه ياعم ده بدل ماتفرحلي هو انت دايما كده كاسر ماديفي ياعم افرح لاختك ولو مره في حياتك
يوسف بسخريه /اه افرحلك ومفرحلكيش ليه افرحي يام فاروق سندس بقت دكتوره يام نياظي صحي نياظي وقوليله سندس بقت دكتوره لولولولوي
سندس بهبل/يااااااااااه ياجو ده انت طلعت بتحبني اوي😅
يوسف بسخريه/اومااال مش اختي نفرحلك بقي ونودع ام المستشفى اللي هتروح في ستين داهيه هي والدكاتره والمرضي والمدير ذات نفسه اللي وافق عليكي يختي
سندس ببراءه/ليه بس كده ياجو ده انا حمل وديع والله😇
يوسف بسخريه /على يدييييييييييييي🙂
سندس بزهق/يوه ياجو انت خايف كده ليه هو انا باكل بنادمين انا عايزه اشتغل بشهادتي
يوسف بتعب/اشتغلي ياسندس بس والله لوصدر منك اي حاجه غلط في المستشفى او حصل اي حاجه للمرضي انا مش مسئول عنها وبره عني
سندس بغيظ/واطي ياعبعال😒
يوسف بجديه/انا مش مستعد اخسر مستقبلي المهني بسببك ياسندس انتي هنا في مستشفى يعني هتبقي مسئوله عن ارواح ناس جنانك ده مش عايزه فاهمه وانا هخليكي تحت التدريب معلش الدكتوره زاهيه لحد ماتتعلمي كويس
سندس بخبث/ماتقلقش كله هيبقي تحت السيطره ده انا سندس ياجو
يوسف بخوف/ربنا يستر
ـــــــــــــــــــــــــــــــــــــــــــــــــــــــــــــــ
عند زاهيه
كانت بتخلص إجراءات خروج مراد وراحت عنده وعملتله الفحوصات الاخيره
زاهيه بابتسامة /خلاص انت كده بقيت زي الفل تقدر تخرج وترجع شغلك تاني حمدالله على السلامة
مراد بابتسامة /الله يسلمك بقولك ايه عايزين نتقابل بقي كتير كفايه السنين اللي فاتت ديه كلها
زاهيه بابتسامة /اكيد طبعا لازما نقعد ونتكلم احنا الاربعه ونعيد ذكريات زمان
مراد بابتسامة /اكيد المهم هاتي رقمك انتي وامنه
زاهيه بهدوء/اوك خد اهو
وخد مراد رقمهم وهي خدت رقم مراد ورعد وسبته وخرجت ودخل رعد عند مراد لقاه بيلبس
رعد باستغراب/انت بتلبس ورايح فين
مراد بهدوء/زاهيه قالتلي اني كويس خلاص واني هخرج انهارده وجبتلي تصريح الخروج هي مقالتلكش
رعد بهدوء /لا مقالتليش على العموم يلا عشان اروحك
مراد بانتباه/رعد ايه اللي في كتفك ده
رعد بابتسامة /ولا حاجه مطارده سريعه كده بس جت سليمه
مراد بزهق/مش هتبطل جنان انت ابدا
وهما بيتكلموا جت امنه وخبطت ودخلت
رعد بضحك /ايه الاحترام ده من امتي😂
مراد بابتسامة /بس يلا اسكت بطل ترخم عليه في ايه يا امنه عايزه حاجه
امنه بجديه/مراد في حد عايز يقابلك ضروري
مراد باستغراب /مين
ـــــــــــــــــــــــــــــــــــــــــــــــــــــــــــــــ
في اوضه بسمله
كانت زاهيه عندها وبتحاول تهديها وهي مش مبطله عياط شويه والباب خبط ودخلت امنه ومراد ورعد
مراد بهدوء/بسمله انتي بتعملي ايه هنا انتي كويسه
امنه بجديه/بسمله جات هنا من اسبوع في حادثه عربيه
رعد بجديه /في ايه يابسمله مالك ومين اللي عمل فيكي كده
بسمله بخوف/مراد انا لازم اقولك علي حاجه ضروري
مراد بانتباه/اهدي يابسمله واتكلمي متخافيش محدش هيعملك حاجه
بسمله بخوف/السفاح عرف انك لسه عايش وكان باعت حد يقتلك هنا وانا سمعتهم وهما بيكلموا ياسر ولما جيت عشان احذرك ياسر شافني وبعت ناس ورايا عشان يقتلوني وفعلا قدروا انهم يخلوني اعمل حادثه ولما عرفوا اني لسه عايشه بعتوه امبارح عشان يقتلني
مراد بعصبيه/هو مين
بسمله بدموع /ياسر
رعد بصدمه/ياسر اخوكي
بسمله بدموع /ايوه اخويا اللي مكنش ليه غيروا بعد موت بابا وماما كان عايز يقتلني
زاهيه بحزن/اهدي طيب وباذن الله كل حاجه هتبقي كويسه
بسمله بدموع/مراد ارجوك ماتخليهوش يعملي حاجه
مراد بحنيه/اهدي يابسمله انتي في حمايتنا ومحدش هيقدر يعملك حاجه وانا هخلي في حراسه على اوضتك هنا وبعد ماتخرجي كمان ارتاحي انتي بس
بسمله بتعب/حاضر
وقام مراد ورعد خرجوا بره وزاهيه وامنه خرجوا وراهم وسابو بسمله ترتاح
زاهيه بهدوء/انا دلوقتي عايزه افهم كل حاجه هو في ايه ومين ديه
رعد بهدوء/مين ديه فاديه بسمله محمود اكيد تعرفيها كانت صاحبتك في اعدادي
امنه بتفكير/ايوه صح افتكرتها عشان كده كنا بنشبه عليها
رعد بهدوء/بالظبط وهي كانت بتساعدنا يجبلنا معلومات عن عصابه السفاح
زاهيه باستغراب /طب وهي مالها
رعد /عشان ابن عمها كان مع العصابه ديه فاكانت بتجيب منه المعلومات وتديهالنا بس اتفاجئنا دلوقتي ان اخوها معاهم برضو
امنه بهدوء /ايوه بس ازاي ابن عمها بيديها المعلومات بالسهوله ديه
رعد بسخريه/عادي ياموني بلفلوس
امنه باستغراب /مش فاهمه
رعد بهدوء /ابن عمها شغال مع السفاح اه بس ده ميمنعش انه يبقي خاين برضو وياخد فلوس من الجنبين
امنه /امممممم فهمت
زاهيه باستغراب /مراد انت ساكت ليه
كان مراد قاعد بيفكر هيعمل ايه في السفاح وبص لرعد ورعد فهم هو ناوي علي ايه
مراد بغل/نهايتك علي ايدي ياسفاح
ـــــــــــــــــــــــــــــــــــــــــــــــــــــــــــــــ
في مخزن مهجور
كان في راجل قاعد علي كرسي ضخم وحواليه حراس كتير وجيه واحد من الحراس وقاله ان في حد عايزه وامره يدخله
السفاح /نفزت اللي قولتلك عليه
ياسر بخوف/لا يامعلم معرفتش
السفاح /معرفتش ليه هو انا مشغل معايا شويه حريم
ياسر بخوف/اتقفشت يامعلم وبعدين ماسنيه اتقفشت ومتكلمتش معاها
سنيه بخوف/ايوه بس الدكتوره اللي دخلت عليا وخدني طردتني
ياسر /طب ماهي برضو الدكتوره هي اللي دخلت وعشان كده معرفتش انفز وجريت ورايا وخلت واحد يمسكني وهربت منه بالعافيه
السفاح /دكتوره مين
سنيه/اسمها زاهيه
ياسر بتفكير/اسمها امنه تقريبا
السفاح /امنه وزاهيه اممممممم الاتنين دول يجولي وباي طريقه والمره ديه مش هستهون معاكم لومجوليش الاتنين دول
ـــــــــــــــــــــــــــــــــــــــــــــــــــــــــــــــ
عند بسنت
كانت رايحه تجيب تاج من المدرسه واول ماوصلت ودخلت المدرسه اتصلت على عمر
عمر بهدوء /ايوه ياحبيبتي
بسنت بدموع/عمر الحقني
عمر بخضه/في ايه يابسنت مالك
بسنت بدموع/..................
عمر بصدمه/ايه..........
ياتري ايه اللي حصل هنعرف في الحلقه الجايه😊
دواء القلب❤
MAIILY 💘
رايكم يهمني
أنت تقرأ
دواء القلب || Heart medicine ♡
Romanceهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
