دواء القلب || Heart medicine ♡

بارت 19

رعد بعصبيه/اهاااا ياولاد الكلب وربنا ماهرحمكم
قام رعد بسرعه وغير هدومه واتصل على مراد
رعد ببرود/مراد تعلالي على المستشفى حالا
مراد بقلق/في ايه امنه كويسه
رعد بعصبيه/لو مروحناش بسرعه مش هتبقي كويسه اظاهر كده مش السفاح بس اللي بيعادينا
مراد بسرعه/طب انا جاي حالا
وقام مراد غير هدومه وركب عربيته وراح المستشفى ورعد نزل ركب عربيته وفي الطريق اتصل علي بسمله
بسمله بهدوء/ايوه يارعد
رعد ببرود/بسمله انتي في المستشفى
بسمله باستغراب/ايوه في حاجه ولا ايه
رعد بسرعه /بصي روحي على العنايه بسرعه
بسمله باستغراب /ليه في ايه
رعد بسرعه/امنه في العنايه عشان كانت متصابه برصاصه وامنه دلوقتي في خطر روحي بسرعه العنايه واحنا جاين
بسمله بخضه/طب انا هروح هفضل جمبها لحد ماتيجو
رعد ببرود/ماشي واحنا جاين في الطريق
ــــــــــــــــــــــــ
في المستشفى
راحت بسمله بسرعه على العنايه لقت ان امنه بتتنفس بصعوبه جريت عليها وظبطت جهاز التنفس وفضلت جمبها ولقت على الكومود ورقه خدتها فتحتها واتصدمت من اللي فيها
بسمله بخوف/شكل كده الايام الجايه مش هتبقي كويسه
قطع كلامها دخول رعد ومراد وجري رعد على امنه وقعد يشوف لو حصلها حاجه
رعد بقلق/بسمله لقيتي حد هنا او امنه حصلها حاجه
بسمله بخوف/لا ملقتش حد بس لقيتها بتتنفس بصعوبه وكمان لقيت الورقه ديه
مراد باستغراب /ورقه ايه
ادت بسمله الورقه لمراد وقراء الرساله وكانت
(اهلا بالشباب متخافوش اوي كده ديه كانت حاجه خفيفه قرصه ودن يعني بس متقلقوش ايامكم الجايه هتبقي اسود من الفحم ولو كنتوا فاكرين ان حياتكم ارتاحت بموت السفاح فاحب اقولكم انكم غلطانين عشان انا لسه موجود.                       ES)
رعد باستغراب /مين ES ده
مراد بتفكير/مش عارف بس شكله عارفنا لدرجه انه عارف مكان امنه وعارف موضوع السفاح
بسمله بقلق /انا خايفه يعمل اي حاجه تاذيكم
مراد بهدوء/متخفيش متخفيش حاجه هتظهر اهم حاجه محدش يعرف باللي حصل ده ماشي
بسمله بهدوء/اكيد طبعا وانا مش هروح انهارده وهفضل جمبها لحد ماتيجو بكره
رعد بهدوء/شكرا يابسمله هنتعبك معانا
بسمله بابتسامة /تعب ايه ديه اختي
مراد بتعب/طب يابسمله لو حصل حاجه اتصلي ماشي
بسمله بهدوء/حاضر
ــــــــــــــــــــــــــــــ
في الحاره
كنت سماح بتجيب خضار وروحت البيت وجايه تفتح الباب سمعت صوت ضحك وفي صوت ست فتحت الباب  بسرعه ودخلت لقت طارق قاعد بيشرب ومعاه واحده وكانت بترقص
سماح بصدمه/ايه ده ياطارق انت فتحت البيت كباريه
طارق بسكر/اسكتي ياوليه خليني اتمزج بالملبن ده
الرقاصه /هيهيهيهيهيهي😂💃💃
طارق بضحك/اموت في المانجا
(وانا هنا ضحكت الصراحه 😂)
سماح اتعصبت وراحت قفلت الاغاني وشدت البت من شعرها ورمتها بره وراحت عند طارق وشده وقعدت تزق فيه عشان تخرجه وهو كان مش في واعية
طارق بسكر/ابعدي ياوليه عني
سماح بعصبيه/غور من وشي مش عايزه اشوف وشك تاني وتطلقني بقي انا مستحمله قرفك كل السنين ديه وحرمتني من عيالي وفي الاخر عاملي البيت كباريه وجايب ستات اطلع بره البيت ده متعتبوش تاني فاهم
وراحت زقته بره الشقه وقفلت الباب ودخلت الاوضه لمت كل هدومه ورمتهاله على السلم
طارق بعصبيه/والله ده انا اللي هستريح من وش امك العكر ده وليه نكديه صحيح
وراح لم هدومه ومشي وقعدت سماح تعيط على حظها وعلى ولادها اللي ضاعوا منها
ـــــــــــــــــــــــــــ
صباحا في القسم
وصل مراد وراح على مكتب اللواء ودخل ادي التحيه وقعد
اللواء/خير يابني مختفي ليه بقالك يومين انت ورعد وداغر
مراد بجديه/مفيش يافندم بس ظروف حصلتلنا خلتنا نختفي وكمان موضوع السفاح اللي جيه فجاه ده
اللواء/مفيش مشكله خدو راحتكم بس ارجعوا بسرعه القسم محتاجلكم
مراد باحترام/اكيد يافندم يومين وهنبقي هنا متقلقش
اللواء/بس ايه اللي جابك انهارده
مراد بجديه /انا كنت جاي اسئل حضرتك تعرف حد اسمه ES او كان في اي مهمه طلعناها كان في حد بالاسم ده
اللواء/لا يابني انا اول مره اسمع الاسم ده هو ممكن يكون حد من اللي شغالين تبع السفاح مثلا بس بتسال ليه
مراد حكاله اللي حصل مع امنه واصابتها والمكالمه اللي جت لرعد واخر حاجه طلع الرساله وادهاله
اللواء/اكيد ده حد تبع السفاح
مراد بتركيز/وايه اللي مخلي حضرتك متاكد كده
اللواء/حد بعتلكم بالاسم ده قبل كده او كلمكم
مراد بتفكير/لا
اللواء/طيب والشخص ده مبنش غير بعد موت السفاح يبقي ايه
مراد بتركيز/ايوه فعلا معاك حق يافندم
اللواء/بس يامراد شوف الموضوع ده انت ورعد وداغر عشان ده كده خطر عليكم ولو احتجت اي حاجه القسم كله تحت خدمتك
مراد باحترام/شكرا ليك اوي يافندم
وقام مراد ادي التحيه وخرج ركب عربيته وهو بيفكر في الموضوع وراح على فيلا عمر
ـــــــــــــــــــــــــ
في شقه رعد
صحي رعد وغير هدومه وخرج راح اوضه مراد بس ملقاهوش راح اتصل عليه
مراد بهدوء/ايوه يارعد
رعد باستغراب /انتي فين يامراد
مراد بهدوء/خرجت روحت القسم ودلوقتي رايح اجيب زاهيه ونروح لامنه
رعد باستغراب /طب ومصحتنيش ليه
مراد /مردتش اصحيك امبارح كان يوم صعب وسبتك ترتاح
رعد بهدوء/طيب انا هروح علي المستشفى
مراد بسرعه/بقولك ايه يارعد هو احنا امبارح لما كنا في المستشفى شوفت داغر
رعد بتفكير/لا مشوفتوش ليه
مراد باستغراب /غريبه مع انه قال هيقعد في المستشفى
رعد بملل/عادي يعني تلاقيه تعب وروح
مراد بتفكير/ممكن طيب سلام دلوقتي عشان انا وصلت
رعد /سلام
ـــــــــــــــــــــــــــــــ
عند فيلا عمر
وصل مراد ولسه جاي بيفتح الباب عشان ينزل لقي الباب الناحيه التانيه بيتفتح وزاهيه بتركب
زاهيه بسرعه/يلا عايزه اروح لامنه
مراد بخضه/بسم الله الرحمن الرحيم انتي طلعتي منين
زاهيه باستغراب /في ايه يامراد انا كنت قاعده في الجنينه هنا مستنياك ولما شوفتك جاي روحت جيتلك
مراد بهدوء/انا مشوفتكيش خالص
زاهيه بسرعه/يلا بس صح استني صحيح بسنت وتاج جاين معانا عشان عمر راح على الشركه وهيجي على المستشفى على طول
مراد بهدوء/طيب
ــــــــــــــــــــــــــــــ
ف المستشفى
كانت بسمله نايمه علي الكرسي جنب امنه وقامت مخضوضه على صوت امنه وهي بتناديها
بسمله بفرحه/امنه انتي صحيتي
امنه بتعب/زززا هي ه
بسمله بابتسامة /زاهيه زمانها جايه دلوقتي ارتاحي
امنه كانت تعبانه اوي ومش عارفه تفتح عنيها راحت نامت تاني
ـــــــــــــــــــــــــــ
عند داغر
كان نايم في مكتب يوسف بعد مايوسف شافه بليل وقاله يرتاح في مكتبه وسندس كانت داخله وفجاه شافت داغر نايم
سندس باستغراب /ايه ده ايه اللي منيمه هنا ده
قربت سندس من داغر وكانت هتصحيه بس صعب عليها
سندس بهبل/لا حرام خليه نايم شكله تعبان والله يابت يادوسه انتي مافي اكبر من قلبك يلا خليكي انتي احسن منه 🙂
وراحت جابت قلعت الشال بتاعها وغطته بيها وهو حس بيها وقام بسرعه وهي اتخضت
سندس بخضه/حرام عليك ياخي قطعتلي الخلف
داغر ببرود/بتعملي ايه كنت هتقتليني صح
سندس بعصبيه/ياريت والله نفسي بس للاسف هتتحسب عليا بني ادم انا كنت جايه اغطيك عشان الجو ساقعه صحيح خير تعمل شر تلقي
داغر بابتسامة /شكرا ليكي
سندس ببرود/العفو ياعم
وراحت خرجت من المكتب وفضل داغر قاعد مبتسم وخد الشال بتاعها وشم ريحتها وكان مبسوط جدا من قربها ليه
ــــــــــــــــــــــــــــ
عند العنايه
وصل مراد والبنات ولقوا رعد واقف هناك
زاهيه بسرعه/انا هدخل لامنه
ولسه كانت هتدخل لقت بسمله خارجه
بسمله بابتسامة /ايه ده زاهيه كويس انك جيتي ديه امنه فاقت وسالت عليكي ونامت تاني
رعد بلهفه/يعني امنه فاقت
بسمله بفرحه/ايوه
دخلوا كلهم بسرعه وقربت زاهيه من امنه ومسكت ايدها
زاهيه بدموع/امنه حبيبتي
امنه اول ماسمعت صوت زاهيه فتحت عنيها وكانت مدمعه وحاولت تتكلم
امنه بتعب/زاهيه اانتي كوويسه
زاهيه بدموع/انا كويسه يابنتي كويسه
بسنت بفرحه/حمدالله على السلامة ياقلبي
امنه بتعب/االله يسلمك
رعد بحب/حرام عليكي وقعتي قلبنا من الرعب
امنه بابتسامة /الحمدلله انها جت علي قد كده
تاج بطفوله/امون على فكره بسببك خلتيني اعيط وخليتيهم كلهم يعيطوا وعمو رعد كان بيعيط وزعلان عليكي
رعد بهمس لبسنت/بنتك فضحتني😅
بسنت بضحك/طول عمرك مفضوح ياحبيبي😂
امنه بصت لرعد وابتسمت وكان باين عليه انه اتكسف
امنه بابتسامة /معلش ياتوته مش هخليكم يعيطوا تاني
مراد بابهزار /شدي حيلك بقي احنا مش متعودين على الهدوء ده فين امنه الهبله بتاعتنا 😂
امنه بضحك/متقلقش موجوده بس اخف شويه لاحسن مفيصه خالص 😂
وقعدوا كلهم يهزروا سوا وبعدين مراد بص لزاهيه وهي فهمته وراح مراد خد بسنت ورعد وتاج وخرجوا وفضلت زاهيه مع امنه
قربت زاهيه من امنه وقعدت على السرير ومسكت ايدها
زاهيه بتوتر/امنه انا عايزه اقولك حاجه بس توعديني انك تهدي ماشي
امنه بهدوء/مش لازم تقولي انا عارفه
زاهيه بتوتر/عارفه ايه
امنه بهدوء/اني اتشليت زاهيه ديه حاجه مش محتاجه انك تقولهالي انا حاسه بس متقلقيش انا مش زعلانه ده قدر ربنا
زاهيه بدموع/انا مش عارفه اقول اي انا حاسه اني السبب
امنه بهزار/انتي عبيطه يابت سبب ايه وبتاع ايه انا بس اللي حبيت اعمل حتته اكشن 😂
قامت زاهيه حضنت امنه وقعدوا الاتنين يتكلموا سوا
ــــــــــــــــــــــــــ
في شركه عمر
كان قاعد بيشتغل والباب خبط ودخل يوسف
عمر بابتسامة /يوسف تعالي اتفضل
يوسف بهدوء/عمر انا جاي عايز اعرف ايه اللي حصلكم خلي امنه يحصلها كده
عمر بهدوء/هقولك
حكي عمر كل اللي حصل ليوسف وسبب اصابه امنه
يوسف بصدمه/كل ده ومتقوليش
عمر بهدوء/معرفتش اقول انت شوفت كانت حالتنا ازاي
وهما بيتكلموا الباب خبطت وحد دخل
........ /مستر عمر جبتلك التصميم اللي حضرتك طلبته
يوسف بصدمه /انتي.......

ياتري ايه اللي حصل هنعرف في الحلقه الجايه😊

دواء القلب♥

MAIILY 💘
رايكم يهمني