تبدا قصتنا في احد المستشفيات المشهوره في انجلترا وكانت بطلتنا قاعده في مكتبها وفجاءه دخلت عليها الممرضه
(الكلام بالانجليزي)
كرستين/ايتها الطبيبه هناك حاله طارقه في غرفه العمليات ويجب عليكي القدوم حالا
زاهيه بهدوء/حسنا كرستين انا اتيه حضروا غرفه العمليات
كرستين/حسنا
وخرجت الممرضه تجهز اوضه العمليات وزاهيه خرجت وراها
ـــــــــــــــــــــــــــــــــــــــــــــــــــــــــــــــ
في غرفه العمليات
دخلت زاهيه والدكاتره اوضه العمليات وبداوا يعملوا العمليه ولكن المريض قلبه بيقف كل شويه
دكتور جاك/زاهيه ماذا يجب علينا ان نفعل لقد توقف قلبه اكثر من مره وهذا خطر
زاهيه بتعب/يجب علينا المحاوله اكتر لا يجب ان نيأس كرستين اعطيني جهاز الصدمات
كرستين /حسنا
وراحت كرستين جابت الجهاز وقعدوا يعملولوا صدمات لحد مارجع النبض تاني وكملوا العمليه ونجحت وودوه العنايه
جاك بفرح/حقا انا منبهر منكي يازاهيه انتي فعلا تستحقين لقب افضل طبيبه جراحة في العالم وليست انجلترا فقط
زاهيه بابتسامة /اووه دكتور جاك شكرا هذا حقا لطف منك وانت ايضا طبيب ماهر
جاك بابتسامة /اشكرك
وهما بيتكلموا جت امنه عليهم وكانت عاوزه زاهيه
امنه بزهق/خلصتي اخيرا موبايلك مش مبطل رن تعالي ردي عليه
زاهيه بهدوء/حاضر جايه اهو دكتور جاك استاذنك يجب علي الرحيل الان
جاك بابتسامة /بالطبع تفضلي
ومشيت زاهيه راحت مكتبها وفضلت امنه واقفه بتبص بقرف لجاك
جاك بسزاجه/امنه كيف حالك
امنه بقرف/احسن منك
وسابته ومشيت وهو كان واقف مستغرب ومش فاهم حاجه من اللي قالته ومشي راح علي مكتبه
ـــــــــــــــــــــــــــــــــــــــــــــــــــــــــــــــ
في مكتب زاهيه
دخلت زاهيه ودخلت وراها امنه بعصبيه وخبطت علي المكتب
امنه بعصبيه /هو انا مش قولتلك متقفيش مع الواد جاك ده ميت مره
زاهيه بهدوء /في ايه يا امنه عادي يعني كنا مع بعض في العمليات وطبيعي نتكلم
امنه بنرفزه/طب وبره العمليات واقفه بتضحكي معاه ليه
زاهيه بابتسامة /عادي يا امونه بقي محصلش حاجه لده كلو وبعدين انتي غيرانه ولا ايه
امنه ببرود/ياشيخه اتنيلي انا اغير ليه ومن مين من وجه البرص ده يابنتي انا خايفه عليكي مش شيفاه بيبصبصلك ازاي
زاهيه بابتسامة /ياحبيبتي متخفيش انا واخده بالي كويس اووي لاتقلقي انتي بس
وهما بيتكلموا موبايل زاهيه رن وكان المتصل اخوها
زاهيه بهزار/مارو حبيب قلبي كيف الحال ياراجل وحشتني من الصبح والله 😂
عمر بضحك/يلا ياهبله مش هتعقلي ابدا والله 😂
زاهيه بهزار /لا بس قولي ايه كميه الاتصالات ديه مش قولنا مينفعش كده واهلي مش موافقين عليك وانت مصمم برضو تكلمني عيب علي فكره انا بنت ناس😂
عمر بضحك/هو انا بشقتك يابت ده انا اخوكي😂
زاهيه بابتسامة /لا بجد في ايه كنت بتتصل ليه ده كله
عمر بهدوء /مفيش كنت بطمن عليكي وقلقت لما لقيتك مبترديش قعدت اتصل كتير لحد ما امنه ردت عليا وقالتلي انك في العمليات
زاهيه بابتسامة /اوك ياحب علي العموم انا خلصت وجايه اهو انا والبت امنه
امنه باستغراب/بس انا مش هروح معاكي
زاهيه بضحك/اه ياعمر امنه هتبات معايا انهارده وهنخربها مع بسنت خليك انت في شغلك براحتك 😂
عمر بابتسامة /تمام خلو بالكم من نفسكم ماشي وانا هجلكم بكره عشان عندي شغل كتير ومش هعرف اجي
زاهيه بابتسامة /خد راحتك ياحبيبي
عمر بابتسامة /ماشي ياقلبي باي
زاهيه بحب/باي ياحب
امنه بهدوء/مش هروح معاكي انا هروح علي بيتي
زاهيه ببرود/محدش خد رايك هتيجي معايا وهتباتي كمان كده كده عمر هيبات في الشغل وبعدين موحشتكيش تاج وبسنت
امنه بهدوء /وحشوني بي م.....
زاهيه بعصبيه /بت روحي هاتي حاجتك وتعالي عشان نمشي
امنه بهبل/اوامرك يافندم 😂
وراحت امنه جابت حاجتها وراحت مع زاهيه البيت
ـــــــــــــــــــــــــــــــــــــــــــــــــــــــــــــــ
في مصر وفي احد المنازل الراقيه
كان مراد نايم علي السرير ومن غير تيشرت وصحي علي صوت موبايله بيرن ورد من غير مايقرا الاسم
مراد بعصبيه /عايز ايه يازفت انت
العميد عبدالله /مراد انت لسه نايم
مراد بخضه/حضرت العميد انا اسف والله مقراتش الاسم
عبدالله بهدوء /حصل خير المهم تفز دلوقتي وتجيلي انت ورعد بسرعه
مراد باستغراب/ليه يافندم في حاجه حصلت احنا في اجازه المفروض
عبدالله بحده/لما تيجوا هتعرفوا يلا بسرعه عشر دقايق وتكونوا عندي
مراد بجديه/تمام يافندم
وقفل مراد مع عبدالله وهو مخنوق بسبب انه هينزل في يوم اجازته
مراد بعصبيه /هو يوم باين من اوله اما اشوف الزفت ده كمان
قام مراد خد شور وغير هدومه واتصل علي رعد ولكن مش بيرد اتصل اكتر من مره مفيش فايده راح خرج وركب عربيته وراح لبيت رعد
ـــــــــــــــــــــــــــــــــــــــــــــــــــــــــــــــ
في بيت رعد
وصل مراد وكان معاه نسخه من المفاتيح ودخل ولقي رعد واقف في البلكونه وبيكلم حد وبيضحك جامد
رعد بضحك/حبيبتي والله وحشاني موت هتيجي امتي بقي
مراد بعصبيه /مش هتلحق تشوفها عشان هموتك دلوقتي
رعد اول ماسمع صوت مراد اتخض وطلع يجري في الشقه ومراد وراه
رعد بهبل/في ايه يامراد صلي على النبي انتي بتتحول ولا ايه 😅
مراد بعصبيه /بقي انا اكلمك ياحيوان انت فوق العشرين مره ومتردتش وتفكسلي وعمال تحب في التلفون
رعد بضحك /وربنا لسه كنت هتصل بيك بس كنت بكلم اختي وربنا اهدي بقي ياعم تعبت من الجري استني اقفل مع البت الغلبانه ديه وافضالك😅😂
مراد ببرود/اخلص
رعد بضحك/ايوه ياسونه لا ياقلبي ده مراد بس كان هيقتلني عشان مردتش عليه ايوه مانتي عارفه هزاره تقيل ازاي مراد ده بيموت فيه اووماااال يابنتي طب سلام انتي دلوقتي سلميلي علي توته باي ياقلبي
مراد ببرود/خلصت حب خلاص
رعد بابتسامة /مالك بس ياميمو قالب وشك علي الصبح ليه حصل ايه لده كله
مراد ببرود/اللبس بسرعه العميد عبدالله عايزنا
رعد باستغراب/العميد عبدالله عايزنا ليه انهارده مش انهارده اجازه برضو
مراد ببرود/المفروض بس هو اتصل وقال انه عايزنا
رعد بتفكير/طب متعرفش ليه
مراد ببرود/لا قالي لما تيجوا هتعرفوا
رعد بهدوء /حاضر ثواني هلبس واجيلك
دخل رعد لبس وخرج هو ومراد وراحوا القسم
ـــــــــــــــــــــــــــــــــــــــــــــــــــــــــــــــ
في انجلترا
وصلت زاهيه وامنه البيت ودخلت واول ما تاج شافتها جريت عليها
تاج بطفوله/زوزوووووو
زاهيه بابتسامة /عيون زوزو ورح قلب زوزو وحشتيني خالص
تاج بطفوله /وانتي كمان
امنه بهزار/طب مفيش حضن لامونه ولا اروح انا 😂
تاج بفرحه/امونننه وحشتيني خالص
امنه بابتسامة /وانتي اكتر ياعيوني انهارده بقي هبات معاكي ونلعب ونهزر لحد الصبح
تاج بفرحه/بجد يا امونه
امنه بضحك/بجد ياعيون امونه
زاهيه بابتسامة /اومال فين ماما ياتاج
تاج بهدوء /جوه بتلكم خالو
بسنت بابتسامة /انا جيت اهو ازيك ياامنه عامله ايه
امنه بابتسامة /الحمدلله ياقلبي بخير
زاهيه بهزار/جوزك طفشان مننا انهارده وهيبات في الشغل😂
بسنت بضحك/ماهو قالي يلا كويس عشان نسهر براحتنا وانتي يا امنه هتباتي معانا 😂
امنه بضحك/انا كده كده بايته من غير متقولي 😂
بسنت بضحك/كده لوز اووي يلا اطلعوا غيروا عقبال ما الغدا يجهز وبعدين نجهز للسهره
زاهيه بحماس/خلصانه يلا بينا
ـــــــــــــــــــــــــــــــــــــــــــــــــــــــــــــــ
في القسم
وصل الشباب ودخلوا القسم والكل كان بيقدملهم التحيه العسكريه ووصلوا لمكتب عبدالله وخبطوا ودخلوا
مراد بجديه/حضرتك طلبتنا يافندم
عبدالله بهدوء /ايوه اتفضلوا اقعدوا
رعد بهدوء /خير يافندم في حاجه
عبدالله بجديه /في مهمه صغيره هتطلعوها هو واحد تاجر مخدرات وكنا عايزين نقبض عليه بس هو تقيل قوي ومش من السهل حد يمكسوا فاكنت عايزكم تروحوا المهمه ديه لاني مش هلاقي احسن منكم وانا واثق انكم هتجيبوه
مراد بجديه/اكيد يافندم وباذن الله نبقي تحت ظن حضرتك
عبدالله بهدوء / المهم هتبداوا من بكره والعنوان ****** تمام
رعد بجديه /تمام يافندم
عبدالله بابتسامة /ربنا يوفقكم ياولاد اتفضلوا
وخرجوا الشباب واتفقوا انهم هيتقابلوا بكره ويروحوا سوا وكل واحد روح بيته
ـــــــــــــــــــــــــــــــــــــــــــــــــــــــــــــــ
صباحا في انجلترا
صحيوا البنات وجهزوا بعد عذاب بسبب السهر ونزلوا عشان يفطروا وكانت بسنت قاعده مع عمر وبيفطروا
زاهيه بابتسامة /صباح الحلويات
عمر بابتسامة /صباح الورد
امنه بابتسامة /ازيك ياعمر
عمر بابتسامة /الحمدلله يا امنه وانتي اخبارك ايه
امنه بابتسامة /فل الفل
بسنت بهدوء /يلا ياتاج عشان تروحي school
تاج برفض /لا مش عايزه
زاهيه بهمس/طب ولو قولتلك اني هاخدك افسحك بعد المدرسه
تاج بفرحه/موافقه طبعا
بسنت بضحك/اهاااا منكم 😂
عمر بابتسامة /انا عندي ليكم خبر حلو
الكل /ايه هو
عمر بابتسامة /...................
الكل بصدمه /ايييييييييييه........
ياتري ايه اللي حصل هنعرف في الحلقه الجايه😊
دواء القلب❤
MAIILY 💘
رايكم يهمني
أنت تقرأ
دواء القلب || Heart medicine ♡
Romanceهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
