....... /انتوا واخدنها على فين من غيري
مراد ببرود/عايز ايه يا ياسر
ياسر بسخريه/جاي اخرج اختي لتربتها
رعد بعصبيه/وانت لسه فاكر ان ليك اخت والله اشك ان انت اللي قتلتها
ياسر بسخريه/اهدي يارعد باشا ليجرالك حاجه انا جاي احضر دفن اختي واروح عشان اكون عملت اللي عليا واريح ضميري
عمر ببرود/لا ريحوا ياخويا وامشي بسمله احنا متكفلين بكل حاجه تخصها امشي وياريت منشوفش خلقتك تاني
ياسر بسخريه/يااااااه صدقوا شلتوا عني حمل كبير اوي طب معطلكمش اكرام الميت دفنه برضو يلا سلام
مشي ياسر وكان محمد بيبصله بغموض والشباب متعصبين منه وخدوا بسمله وراحوا دفنوها ورجعوا على فيلا عمر عشان العزا
ـــــــــــــــــــــــــــــــــــــــــــــــــــــــــــــــ
في فيلا عمر
الشباب جهزوا العزا بره وكانت البنات جوه مش مبطلين عياط عليها
زاهيه بعياط/راحت بسمله ومش هشوفها تاني خلاص راحت قبل ما اودعها
بسنت بدموع/حرام عليكي يازاهيه انتي كده بتعذبيها
زاهيه بدموع /مش قادره اتقبل موتها يابسنت مش قادره
بسنت بحزن /محدش هيقدر ينسي بس اهدي هيجرالك حاجه
امنه بتوهان/بسمله كانت اكتر من اخت لينا كانت التالته بتاعتنا ليه تروح وتسبنا ليه
سندس بحزن/هي في مكان احسن بكتير ادعيلها يا امنه هي دلوقتي محتاجه دعواتكم
كانت شهد قاعده بتراقبهم وبتعيط على عياطهم وفجاه افتكرت محمد جريت على بره تدور عليه وسط الشباب ملقتهوش جريت بسرعه على يوسف تساله عليه
شهد بخضه/يوسف محمد فين
يوسف بهدوء/اهدي ياشهد تلاقيه هنا ولا هنا
شهد بدموع /مش لقياه يايوسف خايفه يعمل حاجه في نفسه
يوسف بتفكير/باذن الله خير مفيش حاجه اتصلي عليه كده
اتصلت شهد علي محمد كتير بس موبايله مغلق
شهد بدموع /مش بيرد يايوسف انا هموت من القلق عليه ياربي هيكون راح فين
يوسف بتفكير/ممكن يكون عند اللواء عامر
شهد بسرعه/صح جدو اكيد راحله هروح اشوفه
يوسف بهدوء/طب تعالي اوصلك
شهد بسرعه/ماشي يلا
ـــــــــــــــــــــــــــــــــــــــــــــــــــــــــــــــ
في اوضه عامر
كان عامر نايم وحس بحد دخل الاوضه ونام علي ايده صحي وفتح النور لاقاه محمد
عامر بقلق/محمد انت ايه اللي مقعدك في الضلمه كده
محمد بتعب/تعبان ياجدو
عامر بقلق/مالك ياحبيب جدو احكيلي
محمد بدموع /البنت اللي بحبها راحت ياجدو ماتت بين ايديا ماتت قبل ما اعملها فرح واتجوزها ياجدو حاسس ان قلبي هيقف من كتر الوجع
عامر بحزن/بعد الشر عليك يابني متقولش كده ربنا يرحمها ادعيلها يامحمد هي في مكان احسن بكتير
محمد بوجع /مش قادر اتقبل موتها ياجدي حاسس انه حلم
كان عامر واخد محمد في حضنه بيحاول يواسيه لحد مانام من التعب فجاه لقي الباب اتفتح وشهد داخله شاورلها عامر انها متتكلمش عشان ميصحاش وهي سكتت وارتاحت لما شافت محمد نايم ودموعها نزلت عليه قفلت الباب وخرجت وكان يوسف مستنيها بره
يوسف بهدوء/لقتيه جوه
شهد بصتله وعنيها كلها دموع وهزت راسها يوسف قلبه وجعه عليها وقرب منها ومسك وشها ورفعه عشان يشوف عنيها
يوسف بحب/شهد
شهد بصتله وانهارت في العياط وحضنته وهو فضل حاضنها جامد وقلبه بيتقطع عليها
يوسف بنفسه/مش هسيبك ابدا ياشهد ولو علي موتي واوعدك اني هعيش عشان اشوف ضحكتك بس وهمحي اي حزن تتعرضيله
ـــــــــــــــــــــــــــــــــــــــــــــــــــــــــــــــ
في شقه في احد المناطق الراقيه
وصل ياسر وطلع شقه وخبط الباب فتحتله سنيه
سنيه بسخريه /ده ايه السرعه ديه لحقت تدفن اختك
ياسر بسخريه/اه اصل النعش كان بيطير الكبير صاحي يابت
سنيه ببرود/اه ياخويا خش
زقها ياسر ودخل لقي الكبير قاعد ومعاه طارق
ياسر باستغراب/مين ده ياكبير
الكبير /ده عضو جديد معانا اعرفك علي طارق ابو امنه
ياسر بسخريه /وياتري الحج جاي عشان مين فيهم بالظبط
طارق بغل/كلهم ادمرهم كلهم
ياسر بخبث/اوووه ده انت جامد بقي
الكبير /عملت ايه
ياسر ببرود/ماتت ياكبير وراحوا دفنوها كده حقي ورجعلي خلاص عشان تعرف تسلمني كويس بنت ال**
سنيه بسخريه /تؤتؤ حرام نتكلم عن الميت
ياسر بخبث/صح ياعسل
طارق بغل/دوري امتي
الكبير/مش دلوقتي موت بسمله هيخليهم يخدوا بالهم اوي واكيد رعد ومراد وعمر هيدوروا ماتت ازاي ومين اللي قتلها احنا هنريح فتره كده وبعدين نرجع تاني
طارق بخبث /خلصانه ياكبير
ـــــــــــــــــــــــــــــــــــــــــــــــــــــــــــــــ
بعد 5شهور
الكل رجع لحياته وشغله فيه اللي اتقبل موت بسمله وفي اللي بيحاول ينسي وفي المجروح اللي مش عارف ينسي وحصلت حاجات كتير محمد ساب الشغل وعامر خرج من المستشفى رعد ومراد لسه بيدروا على قاتل بسمله وعلاقه رعد وامنه بقت احسن وبيتعاملوا كازوجين ومراد بيقرب من زاهيه وشهد بتبعد عن يوسف ويوسف مش فاهم ليه وداغر بيحاول يقرب من سندس وهي رفضاه
ـــــــــــــــــــــــــــــــــــــــــــــــــــــــــــــــ
عند سندس
كانت راكبه عربيتها ورايحه المستشفي وكانت معديه على كمين راحوا وقفوها وخدوا رخصتها
الظابط/انزلي
سندس باستغراب/ليه حضرتك الرخص فيها حاجه
الظابط بعصبيه/بقولك انزلي
سندس ببرود/ياريت حضرتك متزعقليش انا هنزل لوحدي
الظابط بجديه/فتشلي العربيه ديه يابني
خرجت سندس من العربيه والظباط فتشوا العربيه لقوا فيها حشيش خدوها وادوها للظابط
الظابط بسخريه/ايه ده ياحلوه
سندس بهبل/ايه ده عجوه جبتها منين
الظابط بعصبيه/هتستعبطي بروح امك بتعمل ايه حته الحشيش ديه معاكي
سندس بخوف/والله العظيم مابتاعتي انا معرفش اصلا ايه اللي جبها عربيتي
الظابط بسخريه/ماشي ياقطه نشوف الموضوع ده في القسم ياعساكر خدوها على البوكس
سندس بهبل/لا بوكس لا برستيجي هيضيح
الظابط بعصبيه/انتي هتهظري امشي يلا
سندس بخوف/ححاضر
خدوها العساكر على البوكس وراحوا على القسم
ـــــــــــــــــــــــــــــــــــــــــــــــــــــــــــــــ
في القسم
خد الظابط سندس ودخلوا اوضه فاضيه وقعدها وقعد قدامها
الظابط ببرود /هتقولي جبتي الحشيش ده منين ولا تحبي تنامي في الحجز
سندس بتوتر/والله العظيم انا معرفش ديه مش بتاعتي وبعدين بزمتك ديه شكل واحده بتضرب حشيش
الظابط بعصبيه /شكلك كده مش ناويه تعترفي تمام قوي
قام الظابط خرج من الاوضه وسابها وهي غمضت عنيها من التعب ومش عارفه تعمل ايه في الورطه ديه شويه وسمعت الباب بيتفتح وحد بيدخل
سندس بحزن/قولتلكم ميت مره الحشيش ده مش..... هو انت
داغر بابتسامة /مفجاه مش كده
سندس بسرعه/داغر الحقني خرجني من هنا والله الحشيش ده مش بتاعي
داغر بحب/اهدي بس واقعدي متخافيش محدش يقدر يعملك حاجه انا معاكي
قعدت سندس وداغر جبلها مايه وشربت وهديت شويه
سندس بهدوء/داغر انت مصدقني صح
داغر بابتسامة /مصدقك
سندس بتوهان/بس مين اللي حطلي الحشيش ده
داغر بضحك/انا
سندس بصدمه/نعم
داغر بضحك/انا اللي حطتلك الحشيش والظابط اللي بره ده صحبي واتفقت معاه انه يعمل كده عشان يجيبك
كانت سندس بصاله بصدمه وفاتحه بوقها فجاه راحت قلعه الجزمه ونزلت بيها على دماغه
سندس بعصبيه/بقي انا يابن براميل الطرشي تعمل معايا كده ده انا قطعت الخلف ياشيخ
داغر بضحك/استني بس هفهمك
سندس بعصبيه /تفهمني ايه يابن الاهبل انت عبيط يلا
داغر بضحك/استني بس اسمعي انا عملت كده ليه
سندس بعصبيه /مش عاوزه وانا هقتلك انهارده ياداغر
وكانت رايحه تضربه تاني راح مسك ايدها وسبتها على الحيطه
داغر بغيظ/اهدي بقي خليني اتكلم
سندس بعصبيه /مش عاوزه اسمع منك حاجه ابعد عني
داغر بعصبيه/والله لو ماسكتي لكون مختصبك هنا ومحدش هيعرفلك طريق
سندس بهبل/عاوز تقول ايه
داغر بخبث/بصي بقي ياحلوه انا عملت كل ده عشان اتجوزك وانتي هتوافقي
سندس بغيظ /نعم نعم ياخويا ده اللي هو اسمه ايه ان شاءلله
داغر بخبث /ده اللي عندي والا مش هخرجك من هنا
سندس بعصبيه /مش موافقه ياداغر
داغر بخبث/برحتك خليكي بقي
وكان داغر خارج راحت هي وقفته بسرعه
سندس بخوف/انت هتسبني بجد هنا
داغر بخبث/ايوه مانتي مش موافقه
سندس بغيظ/بس كده ظلم
داغر بابتسامة /لا مش ظلم انتي مينفعش معاكي غير العنف عارفه لوكنت كلمتك عادي كنتي هترفضي وملقتش حاجه تنفع معاكي غير العنف
سندس بحزن/بس انت كده بتجبرني على الجواز
داغر بحب/انا بحبك ياسندس ومتسحيل تلاقي حد بيحبك قدي وافقي والله مش هتندمي اديني فرصه
سندس بهدوء/ماشي ياداغر موافقه بس بشرط
داغر بفرحه/انت تؤمر ياجميل
سندس بخبث/نعمل فتره خطوبه الاول
داغر بابتسامة /وماله كله عشانك ياقمر
سندس بنفسها/والله لشربك المر ياداغر الكلب استني عليا بس انت اللي جيت لقضاك
سندس بهدوء /يلا بقي عاوزه اروح
داغر بابتسامة /حاضر يلا وقولي لاخوكي اني جاي اتقدم بكره
سندس بخبث/تنور ياداغر باشا
ـــــــــــــــــــــــــــــــــــــــــــــــــــــــــــــــ
في فيلا عامر
كان محمد قاعد في اوضته وماسك صوره بسمله وكانت حالته صعبه جدا ومربي دقنه وخس جدا خبط عامر ودخل وقعد جمبه
عامر بحزن /لسه مش عارف تنساها
محمد بجمود /انساها ازاي مش هقدر انساها ديه ماتت بين ايديا ماتت وملقحتش اتهني بيها عمري ماهنساها ده كانت حته مني مستحيل انساها
عامر بحزن /حرام اللي انت بتعمله في نفسك ده هي اكيد دلوقتي شيفاك وزعلانه عشانك
محمد بدموع/طب هي سابتني ليه هي اللي بعدت عني اختارت الموت مختارتنيش انا
عامر بحزن/ادعيلها يابني بالرحمه هي دلوقتي في مكان احسن بكتير
محمد ببرود /وربنا لاجيب حقها وحق كل نقطه دم نزلت منها
ـــــــــــــــــــــــــــــــــــــــــــــــــــــــــــــــ
في المستشفى
كانت شهد قاعده في مكتب دكتوره ومتوتره جدا وجت الدكتوره بالتحاليل
شهد بقلق/هااا يادكتوره اخبار التحاليل بتاعتي ايه
الدكتوره/.......
شهد بصدمه /ايه..........
ياتري ايه اللي حصل هنعرف في الحلقه الجايه😊
دواء القلب ♥
MAIILY 💘
رايكم يهمني
أنت تقرأ
دواء القلب || Heart medicine ♡
Romantizmهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
