عمر بابتسامة /انا عندي ليكم خبر حلو
الكل /ايه هو
عمر بابتسامة /هنرجع مصر
الكل بصدمه /ايييييييييييه
بسنت بفرحه/بجد قول والله كده
عمر بضحك/والله هنقل كل شغلي هناك وهنسنقر في مصر كفايه غربه بقي
زاهيه بفرحه /يااااااااه اخيرا هنرجع بعد 15سنه غياب
امنه بهزار /طب كويس والله بس اوعوا تنسوني😂
عمر بابتسامة/ومين قال اننا هننساكي انتي هتنزلي معانا اصلا
امنه بصدمه/انزل معاكم ازاي
عمر بحنيه /مستحيل نسيبك هنا لوحدك يا امنه انتي مش صاحبه زاهيه بس انتي اختي الصغيره يابت ومش هطمن غير وانتي معانا
امنه بدموع/كفايه ياعمر هعيط والله وانا لما بعيط مبعرفش اتحكم في مناخيري 🥺
زاهيه بضحك/بس يخربيتك اسكتي 😂
تاج بزهق/مامي الباص هيفوتني
بسنت بخضه/يالهههوي الباص قومي بسرعه ياتاج بسررررعهههه
وقامت بسنت شالت تاج زي الشوال وطلعت تجري علي بره
زاهيه بضحك /هموووت مش قادره شوفتوها لفحت البت زي الشوال ازاي😂
عمر بضحك/والله انا بقيت اخاف اسيب بنتي معاها لاحسن الاقيها اتهبلت ولا حاجه 😂
امنه بضحك/وديه ميزه لما تكون الام هبله 😂
وهما بيتكلموا جت بسنت وقعدت وكانت بتتنفس بسبب الجري
بسنت بهبل/الحمدلله لحقت الباص في اخر لحظه
امنه وزاهيه وعمر بصو لبعض وفجاه انفجروا في الضحك
بسنت باستغراب/ايه ده بتضحكوا علي ايه
عمر بضحك /ولا حاجه ياحبيبتي المهم جهزوا حاجتكم عشان هنسافر بكره
امنه باستغراب/ايه السرعه ديه
عمر بهدوء/ولا سرعه ولا حاجه كل حاجه جاهزه فاليه نستنا
زاهيه بتفكير /بس صح ياعمر انا هنا شغاله في المستشفى انا وامنه والكل عارفنا واتاقلمنا علي الوضع في مصر احنا منعرفش حاجه
عمر بابتسامة /وديه حاجه تروح عليا برضو انتوا هتشتغلوا في مستشفى ***** اكبر مستشفى في مصر وديه كمان تبع الشرطه يعني حاجه Five star
امنه بسرحان /شرطه يعني ظباط داخليه وخارجيه ومخابرات ده احنا هتبقي ايامنا لوز باذن الله 😂
زاهيه بضحك/شمال دماغك ديه طول عمرها شمال😂
امنه بفخر/شكرا ياختشي😌
بسنت بهدوء/طب يلا انا هطلع اجهز حاجتنا لحد ماترجعوا
عمر /تمام وانا هروح الشغل عشان اخلصه وانقل كل الشغل علي فرع شركه مصر
زاهيه بهدوء /تمام واحنا هنروح المستشفى نخلص موضوع الاستقاله ده وهعدي علي تاج واسحب ورقها من المدرسه
عمر بهدوء /تمام يلا سلام
بسنت/سلام
وخرجوا كل واحد علي شغله وبسنت قعدت يجهز حاجتهم
ـــــــــــــــــــــــــــــــــــــــــــــــــــــــــــــــ
في شقه رعد
خرج رعد وكان ماسك الاكل في ايده وحطه علي السفره وراح لمراد في البلكونه واللي كان بيكلم العميد
مراد بجديه/تمام يافندم فهمت ايوه هنبدا بكره انا عند رعد تمام هقوله حاضر يافندم سلام
رعد بابتسامة /ايه ياوحش بتعمل ايه
مراد بهدوء /بكلم العميد
رعد باستغراب/ليه في حاجه تاني
مراد /لا بس كان بيفهمنا هنعمل ايه بكره
رعد بهدوء /طيب يلا تعالي افطر
وقعدوا الاتنين يفطروا سوا وبيتكلموا عن المهمه
رعد بهدوء /المهمه بكره صح
مراد بهدوء/ايوه
رعد /طب يامراد انت عارف هااا
مراد بعصبيه/في ايه ياخي انت كرهتني اطلع معاك مهمه رعد والله ماهيحصلك حاجه ولو علي جثتي
رعد بتوتر/مراد مش قصدي بس....
مراد بعصبيه/مبسش يارعد انا مستحيل اخلي اي حاجه تاذيك مستحيل استغني عنك ده انت اخويا وصاحبي الوحيد
رعد بحزن/مراد انا....
مراد بعصبيه /متتكلمش يارعد انا ماشي
وقام مراد ومشي وهو متعصب من رعد او بمعني اصح من انه يخسره خايف يخسر اخوه وصاحبه الوحيد مجرد الفكره بتوجعه بس هو اخد علي نفسه عهد انه يحميه ولو بحياته
ـــــــــــــــــــــــــــــــــــــــــــــــــــــــــــــــ
في المستشفى
وصلت زاهيه وامنه وكل واحد راح على مكتبه عشان ياخد حاجته وكانت زاهيه خارجه من المكتب وشايله حاجتها وفجاه قبلت دكتور جاك
(الكلام بالانجليزي)
جاك بابتسامة /هاي زاهيه كيف حالك
زاهيه بابتسامة /هاي دكتور جاك انا بخير وانت
جاك بابتسامة /انا بخير ولكن الي اين انتي ذاهبه بهذه الاشياء
زاهيه بهدوء /هذه اشيائي لقد احضرتها لانني سوف استقيل انا وامنه لاننا سوف نعود لبلدنا
جاك بحزن/حقا لكن لماذا سوف تعودين فنحن في اشد الحاجه اليكي يازاهيه
زاهيه بابتسامة /اعلم جاك ولكن انا اشتقت لبلدي ويجب ان اعود واعدك اننا سوف نبقي علي تواصل دائما
جاك بحزن /حسنا بالتوفيق
زاهيه بابتسامة /لك ايضا
وهما بيتكلموا فجاه جت امنه كالعاده وهي متعصبه بسبب وجود جاك مع زاهيه
امنه بقرف/تااني تاني يازاهيه الملزق ده تاني والله انا مامفرحني اننا هنرجع مصر الا عشان مشوفش وجه البرص ده تاني
زاهيه بضحك /يابنتي بس حرام عليكي عملك ايه لكل ده 😂
امنه بقرف/ياستي ده ممحون اووي وبتاع بنات وبيقعد يسبل لدكاتره المستشفى كلها
وكانت امنه بتتكلم وهي بتشاور علي جاك
جاك باستغراب/زاهيه ماذا تقول امنه انا لا افهم شئ ولماذا تشير اللي
زاهيه بضحك/انها تقول انها سوف تشتاق اليك جاك 😂
امنه بصدمه/اهاااا يابنت الكدابه انا مقولتش كده
جاك بابتسامة /اعلم وانا ايضا سوف اشتاق اليكي يا امنه
امنه بعصبيه/عاااااا ده انت عليك غتت i hate you اتفووو
ومشيت امنه وراحت علي المدير وكانت زاهيه واقفه ميته ضحك
جاك بصدمه /هل امنه قالت انها تكرهني ام انا اتخيل
زاهيه بضحك /لا انك تتخيل يبدو انك مرهق ويجب عليك ان ترتاح😂
جاك بابتسامة /حسنا سوف افعل
زاهيه بابتسامة /حسنا دكتور جاك يجب علي الرحيل باي
جاك بحزن/باي
ومشيت زاهيه وقدمت استقالتها هي وامنه وراحت علي مدرسه تاج
ـــــــــــــــــــــــــــــــــــــــــــــــــــــــــــــــ
في مدرسه تاج
وصلت زاهيه هي وامنه عشان ياخدوا تاج وراحوا علي الفصل بتاعها وفجاه وقفوا بسبب المدرسه اللي كانت بتزعق لتاج
امنه بعصبيه/ايه ام جلمبع ديه بتزعق للبت ليه
زاهيه بشر/وربي لوريها الزباله ديه
ودخلت زاهيه بسرعه علي جوه وشدت المدرسه من شعرها وقعدت تضرب فيها
زاهيه بعصبيه /بقي ياروح امك بتستقوي علي البت وبتمدي ايدك عليها وطب وربنا لاخلي وشك الجميل ده ملهوش ملامح
المدرسه بخوف/ماذا تفعلين ايتها الحمقاء اتركي شعري وشانه وماذا تقولين انا لا افهم شئ واللعنه
زاهيه بشر /انا حمقاء وكمان اللعنه طب والله مانتي خرجه من تحت ايدي عايشه بت يا امنه اقفلي الباب ده مش هنروح انهارده وتعالي ساعديني
امنه بحماس/علم وينفذ اباشا 😂
وراحت امنه قفلت الباب وراحت تضرب في المدرسه مع زاهيه وكانت تاج واقفه بتشجعهم
تاج بفرحه/ايوه يازوزو اديها علي خدي حقي من الشريره ديه
زاهيه بابتسامة /بس كده من عيوني ياتوته
وكملت ضرب في المدرسه وكانت بتموت في ايدهم لحد مااغمي عليها
زاهيه بتفكير/انا بقول كفايه كده عشان تعبت
امنه بهبل/ايوه وانا كمان ايدي وجعتني
زاهيه بابتسامة /مبسوطه كده ياتاج
تاج بطفوله/اوي اوي يازوزو بس كنت عايزه اضربها زيكم
زاهيه بحده مصتنعه/تااج احنا قولنا ايه مينفعش نضرب اللي اكبر مننا عشان عيب صح
تاج بابتسامة /صح
امنه بضحك /حقيقي العمه الفاسده رزق😂
زاهيه بضحك/اومال يابنتي احنا مش قليلين في البلد برضو يلا عشان نروح نجيب الملف
امنه بابتسامة /يلا
وراحوا جابوا ملف تاج وخرجوا وقعدوا يلفوا شويه بالعربيه وكلوا ايس كريم وفسحوا تاج واستمتعوا باخر يوم ليهم في انجلترا
ـــــــــــــــــــــــــــــــــــــــــــــــــــــــــــــــ
عند مراد
كان بيتمشي علي النيل وكان متضايق من صحبه اللي كل مهمه يوصيه ان لو جراله حاجه مينساش اخته وبنتها رغم انها متجوزه بس برضو شايل همها وفكره ان ممكن يحصله حاجه ديه بتجننه هو خلاص مبيعرفش يعدي يومه من غير هزاره ورخامته معاه وفي نفس الوقت حاسس انه غلط لما زعقله بلشكل ده
مراد بهدوء/انا مكنش ينفع ازعقله كده انا هروح اشوفه
وراح مراد ركب عربيته وراح علي بيت رعد وخبط كتير
بس مبيردش طلع مفتاحه وفتح الباب وكانت الشقه ضلمه خالص وراح فتح النور واتصدم لما شاف
مراد بصدمه/رعددددد..........
ياتري ايه اللي حصل هنعرف في الحلقه الجايه😊
دواء القلب❤
MAIILY 💘
رايكم يهمني
أنت تقرأ
دواء القلب || Heart medicine ♡
Roman d'amourهي طبيبه مشهوره وهو ظابط له رتبته ويتعامل مع الجميع بحدود فهل هذه الحدود سوف تتطبق عليها ام ان للقدر راي اخر 😊❤
