မနက်ခင်းရောက်တာနဲ့ အိမ်ထဲဝင်တဲ့နွေရောင်ခြည်ကနွေးနွေးထွေးထွေး .
ပုံမှန်နေ့ရက်တွေလို ဒီနေ့မှာလည်းရှင်သန်ရဦးမယ် ။ အိုးထဲဆီကို အနေတော်ရဖို့အတွက် လက်ညိုးနဲ့သုံးရင်းချိန်တယ် အိုးပူမပူထိပ်ကလေးနဲ့စမ်းရင်း ဝက်သားပြားကိုစကြော်တယ် ။
သစ်သားခုံထမင်းစားပွဲပေါ်မှာ မနက်စာပေါင်မုန့်ကြော်နဲ့ ကြက်ဥ၊ ဝက်သားပြားနဲ့ခရမ်းချဥ်သီးတို့က တစ်ပန်းကန် ၊ အာဟာရပြည့်ဝတဲ့မနက်စာကိုတော့ ကောင်းကောင်းလုပ်တတ်ပါရဲ့ ။
အလုပ်သွားဖို့အတွက် အိမ်သော့ကိုခတ်ရင်း တုတ်ကောက်ကိုသုံးလို့ လှေကားထစ်တွေကိုနင်းရတယ် ။ နေနေကျဖြစ်တဲ့အခါ ကျင့်သားရသွားတဲ့နေရာမို့ အခက်အခဲက မရှိတော့ဘူး ။
" သွားပြီနော် "
ခပ်တိုးတိုးနှုတ်ဆက်လိုက်သံက အနားမှာဘယ်သူမှမရှိမှန်းသိပေမယ့် နှုတ်ဆက်နေကျမို့ အမြဲပြောဖြစ်နေတာ တာဝန်တစ်ခုလို ။
.
.
" ဝန်ထမ်းထပ်ခေါ်မယ်ဆိုရင် လူကြီးမင်းရဲ့ စုစုပေါင်းကျသင့်ငွေက ၃၅၀ ယွမ်ဖြစ်ပါမယ် ဒီလိုဆိုရင် .. "
" ငါ ငွေအကြောင်းပြောနေတာမဟုတ်ဘူး ဒီနေ့အတွင်း အလုပ်သမားလာနိုင်မလားဘဲသိချင်တာ! "
" ကျွန်တော်အနူးအညွှန့်တောင်းပန်ပါတယ်ဗျ . တစ်ချက်စစ်ဆေးကြည့်ပေးပါ့မယ် "
ဖုန်းရဲ့တစ်ဖက်ကလူမှာအတော်လေးဒေါသထွက်နေတာကြောင့် သူဟာ အောက်ကဆက်သွယ်ရေးပစ္စည်းတွေပေါ်က နံပါတ်ပါတဲ့ခလုတ်တွေကိုသာလက်နဲ့စမ်းရင်း အလျင်အမြန်ဖြေကြားလိုက်ရတယ် ။
" ကြိုတင်စာရင်းပေးတာမျိုးမရှိတော့ . ဒီနေ့တော့အဆင်မပြေလောက်ပေမယ့် .. "
" ဒီနေ့မရဘူးဆိုမှတော့ ဘာလုပ်ရမှာလဲ! အပိုစကားတွေပြောနေရတာပဲ "
ဖုန်းချသံနဲ့အတူ ဆက်သွယ်ရေးကပြတ်တောက်သွားခဲ့တာမို့ သူ သက်ပြင်းဖွဖွသာချလိုက်ပေမယ့် အပြုံးတို့မပျက်ဘူး ။ အလုပ်မှာဒီလိုမျိုးလူတွေအများကြီးတွေ့ခဲ့ရပြီးပြီမို့ အဆင်ပြေပါတယ် ။ ဒီမှာရှိတဲ့ဝန်ထမ်းတွေကလည်း ချို့ယွင်းသူတွေအတွက်သီးသန့်မို့ အားလုံးဟာ အတူတူသာဖြစ်တယ် ။
YOU ARE READING
Your Eyes Tell《 Completed 》
Fanfiction[ YiZhan ] - Full Credit This is a remake version of 《 Your Eyes Tell 》. Some of the dialogue with the characters i will use here is from the movie.
