ڪـَانت عينــااه أعمق مـن
أن أنظر اليهاا وامضـي •
¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢¢
دريد:- السلام عليكم اني الضابط دريد من مواليد 1975 ولدت من اب وام مسيحين من سكنة حي العامل اني طويل وجسمي معظل بحكم عملي وجهي ابيض وعيوني صفر لحية ماكو فقط شارب جماعتي الهتلية دائما يكلولي جنك بنية بفترة مراهقتي جنت اشوف الناس من الطائفة الشيعية كل سنة يحيون العزاء ويرتدون السواد وكذلك تلكة عدهم اشكال وانواع المأكولات كولها مجانا من تسئلهم يكولك اتفضل اكل خيرات ابو علي جنت اتسائل بيني وبين نفسي هم هيج فارغين ويحيون ذكرئ. شخص مات قبل 1400 سنة الئ ان التقيت بصديقة عمري ضلع من اضلاعي ساندرا وضليت استهزا بتقاليد الشيعة الئ ان اكتشفت امها شيعية هي بدورها كعدتني وعلمتني علئ الحسين اللي تبكي الاقلام والصحف علئ مصابه روحي له الفداء
......
عودة الئ الماضي
دريد: - جنت طالع من الكلية والحر صامطني صمط وعرك يكت انتظر هذا منتظر وين ولة حتئ نولي للبيت واني كاعد علئ مسطبة الجامعة فاتت بنية يا الله تكتل كتل مجتمع بيها الجمال العراقي القديم بعيون مسحوبة بنية وخدود مليانة وشفايف سبحان الخالق ابدع بخلقة علئ گد ما حلوة ضليت صافن بيها اني. لا باس بية بس علئ جمالها ضليت صافن النوب لابسة صاية سودة عاكسة علئ جمالها جان تقربت مني
ساندرا:- عفية اخوية ممكن تدليني علئ قسم الهندسة اني طالبة جديدة
دريد: - بالخدمة اشرتلها علئ الطريق راحت القسمها
مرت الايام واني بكل يوم اشوفها تجي للجامعة محتشمة علئ غير البنات اللي اغلب لبسهن ميكون مستور اتعجب عليها شنو هاي الديانة
بمرة جنت داخل للدوام وشفتها كاعدة علئ المسطبة وتبجي
شالتني الغيرة وضجت عليها اتقربت منها كلتلها خيرج بابا ليش جاي تبجين
ساندرا: - بدموع روح عني يلة هو انت هم مثلهم عقولكم كلكم فارغة مجتمع ذكوري فاشل
دريد :- بعصبية شهالكلام غير افتهم شبيج وتحجين هالشكل عميتي الكل انتي شنو هاي الصلافة
ساندرا:- ببكاء يغلطون عليه ذولي اللي عقولهم فارغة يكولون خطية ياكلون من الزبالة فقراء يومية تجي بنفس الجبة احنا صح فقراء بس ممدينا ايدنا ابوية عمرة كولة يشتغل علمودنا شفتين يشتغل الصبح بالدائرة والعصر تكسي حتئ يعيشنا بس اخ الضروف التخلي هذولي الحثالة يحجون علينا
دريد :- تقربت عليها شو بابا ارفعي راسج
باوعتلي بعيونها التكتل وبيها دموع وشفايفها ترجف
كلتلها بكل مجتمع اكو الزين واكو الشين هذا الزين اللي كل الناس تحجي بي ويحمدون باخلاقة ممكن تلكي فقير بس كل الناس تحبة وهذا الشين الناس تضدة وتكرهة واخلاقة زفت فشيسوي يجي يخرب علئ الزين يغلط عليه يضدة يخرب سمعتة يستهزا بي هذا ليش هيج يسوي بدافع الغيرة لا غير لان يغار هيج يحجي واني اغلب بنات عائلتي ممحجبات وصدكيني اذا وحدة منهن فكرت تلبس مراح اكون ضدها حكون مساندها دائما فانتي هسة تكومين تمسحين دموعج وتغسلين وجهج وتنكتين ملابسج لان اتدمرت تراب
ساندرا: - فعلا كلامة اثر بية وخلاني اعيد حساباتي كلها بابا متعب ويشتغل شفتين حتئ اسمح لهذولي الحثالة يخربون عزيمتي لازم انجح واكسر خشومهم
اني الطالبة ساندرا من مواليد 1980 شهر العاشر ولدت من اب مسيحي لكن بعدين اعتنق الاسلام وام مسلمة شيعية ابوية التقة بامي بالدوام وكانت حلوة كولش وجهة اسمر وعيونها سود لكن بيها جاذبية حلوة ابوية انعجب بيها وقبلو اهلة. بس هي مقبلت لان غير ديانة ودينهم يحتم عليهم انو متزوج واحد من غير دين فاظطر ابوية انو يعتنق الدين الاسلامي بس تركو اهلة فاتزوجو هو وامي وابتعدو عن الكل صار اخوية الاسكاندر اول واحد والنوب اني وبعدين اختي ديانة واخو العنقود هم تؤم اخوية ايليا واختي سلفيا كان بابا ونعم الاب اللي ينضرب بي المثل بالحنية والرأفة والرحمة والمحبة معيشنا حياة كريمة المهندس المعماري ابراهيم ادوار الوس من اصل مسيحي لكن اعتنق الدين الاسلامي بيوم من الايام ابوية سوة حادث وانقتل الولد واضطر ابوية يدفع الفوكة والجواه حنئ يدفع الفصل لان عائلتة متبرين منة اهل ماما ساعدوه وكذلك بعنة بيتنا وسيارة بابا وسيارة اخوية وسكنا بيت بالايجار كان ابوية من بعدها ميلحك ع المصرف بعدين كام يشتغل شفتين الصبح بالدائرة والعصر تكسي
كمت نكتت صايتي السودة وغسلت وجهي واتشكرت منة بدون حتئ ما اعرف اسمة اتشكرت لان كانت كلماتة بلسم علئ الجرح وخلصت اخير محاظرة ورحت للبيت
من دخلت البيت شفت شي حرفيا خلاني انصدم.
***********************
- سأبقى بانتظار يوم جميل
صنعته في مخيلتي. -
************************
يا ترئ شنو راح يصير وي ساندرا
شنو الشافتة ساندرا وانصدمت
شنو موقف دريد بالايام القادمة
بنات تصويت ع كل بارت حتئ تصعد مشاهدات القصة
الكاتبة :- زينب الحربي
أنت تقرأ
(الحسين والمسيح)
Randomفي تلك الاجيال السابقة بين مناطق بغداد القديمة حيث كان النظام ظالم وبائد بين قتل وظلم بين سجن وذبح منع الصلاة وسفك الدماء هناك حيث يتوجه الناس للحسين ماذا سيحدث. ؟ هل سيجتمع قلبان علئ حب الحسين ام ان للقدر راي اخر
