للكاتبة:- زينب الحربي
¢¢¢¢¢¢¢¢¢¢¢¢¢¢¢¢¢¢
بيش احلفك؟
وانه ادري بروحي
مو ذاك العزيز حته اگول بـَٰٰٰٰـٰدا؏ٓــَٰـَُٰٰٰتي
¢¢¢¢¢¢¢¢¢¢¢¢¢¢¢¢¢¢¢¢¢¢¢|
دريد:- دين مبقة براسي واني اشوفة يتقدم يريد يضربها بس عجبني جرئتها بحركة سريعة رفعت ايدها كدامة
ساندرا:- لهنا حدك اذا ايدك تنرفع صدكني اكسرها الك ومحد يوكف بوجهي حتئ وابوية محترمتكم لهسة لخاطرة بس اذا تتجاوز حدودك صدكني ادفنك ليوكف بوجهي عم ولا خال ولا اقارب بلاها صلة الرحم التوصلنا للذلة الحسنات اللي تجينا منها تاركتها الكم وهسة تحافظ علئ المتبقي من كرامتك وتولي من خلقتي احسن ما اصيح للامن يمسحون بيك الكاع
ادلم:- انجبي انجبي لج صايرتلي مرة والله هسة اسحلج هنا وانعلبوج لابو اليطلع وراج بنت الشيعية هسة صايرة تريد دراسة وامها اخذت عمي من عدنا بعد ما جان عزيز الكل
ساندرا:- تاج راسك وراس عشيرتك كلها امي من تجيب اسمها يفضل تتوضة وتخلي ايدك ع راسك احتراما لاسمها من كد مطاهر منو انت وتجي تحجي علئ الشيعة فد مندلة يعني انت وجاي تحجي عليهم ربك ابوية معلمنا الاحترام جان هزئتك هنا وطيحت حظك كتلي عزيز مو واضح عزيز من خليتو بنفسة وكلكم رحتو ورة نسوانكم الكتلتهن الغيرة من امي لك لو زلم انتو ما تجركم مرة ومخلياتكم طليان عدها امي اللي تحجي عليها لسة متقبل تجيبكم بسؤء هي اللي مخلية حبكم بكلب ابوية لهسة يبجي ومقهور عليكم بس بعد الشفتة اليوم حتئ لو ابوية يرجعلكم مراح اخلي يلا امشي من خلقتي خليني ساكتة ما اريد احجي اكثر
ادلم:- لج اذا ما ابهذل احوالج واكسر هذا خشمج العالي ما اسمي ادلم.
ساندرا:- اعلئ ما بخيلك اركبة وشوفني رجولتك تسمحلك تندك بمرة ولو بية رجولة اكثر منك هسة يلا روح منا ولتخليني اتجاوز اكثر
في امان الله مشيت بطريقي لكيت دريد واكف بباب الجامعة صبحت عليه وفتت للجامعة
دريد:- اتعجبت علئ كمية القوة الشايلتها يعني ذاك اليوم تبجي علمود ملابس لان متنمرين عليها اليوم وكفت بوجهة عبالك مو رجال الواكف كدامها طفل
صحت عليها لحظة ساندرا اوكفي
ساندرا:- التفتت من صاحلي. نعم دريد اتفضل محتاج شي
دريد: - اريد احجي وياج بموضوع اذا متصير زحمة من تخلصين تعالي هنا ع المسطبة متانيج ماشي
ساندرا:- هزيت راسي ودخلت للمحاظرة كملت اول محاظرة وطلعت اكلت لفة وشربت مي مقبل الولد ياخذ مني فلوس مدري ليش كال واصلات ضليت متعجبة معقولة بابا اجة لهنا ودفع مدري تركت التفكير وفتت للمحاظرة الثانية كملتها والثالثة كملتها وطلعت ردت اروح للبيت واتذكرت كلام دريد اتنهدت وكعدت علئ المسطبة منتظرتة
دريد:- راحت ساندرا رحت وصيت ابو اللفات اذا اجتي بنية كذا كذا مواصفاتها لتاخذ منها فلوس من اطلع اني انطيك كال ماشي كملت المحاظرة الاولئ وفعلا طلعت لكيتها تشتري ابتسمت واشرت للولد هو فهمني ما اخذ منها فلوس كملت المحاظرات وطلعت لكيتها منتظرة سلمت ردت عليه السلام كلتلها تسمحيلي اكعد
أنت تقرأ
(الحسين والمسيح)
Randomفي تلك الاجيال السابقة بين مناطق بغداد القديمة حيث كان النظام ظالم وبائد بين قتل وظلم بين سجن وذبح منع الصلاة وسفك الدماء هناك حيث يتوجه الناس للحسين ماذا سيحدث. ؟ هل سيجتمع قلبان علئ حب الحسين ام ان للقدر راي اخر
