(الحسين والمسيح)

part......40

للكاتبة: - زينب الحربي
للتواصل انستكرام:- zienab_alharbi

……………………………………

جميل ذلك الصباح الذي تبدئه بوجه من تحب

جميل اليوم الذي اصحو فيه واجد وجهك بجانب وجهي

جميل ذلك الفراش الذي يجمعنا
وذلك الغطاء الذي يغطي اجسادنا

جميل ذلك الهواء الذي يمتزج بشعر انفاسنا ويدخل رئتانا سويا

جميلة تلك الابتسامة التي ابتسمها حين استيقظ علئ وجهك

جميل ذلك شعور الرضا بعد تلك الابتسامة التي تاتي عفويا
جميلة تلك الاحداث الممتلئة بالرقة والعذوبة التي تجمعنا صباحنا ونحن علئ نفس الفراش لاقول لك وبلهجة عراقية

گبل ليلوحه مي وينغسل رمشي
صباحك خير يا كلشي ،
صباح الخير لعيونك النعسانة
صباح الناس يبدي بصوت من فيروز
وانتِ الشعر والحانةه .

دريد:- بدلت وطلعت يم جماعتي اللي استقبلوني بالركص كلتلهم هيو تعبان وجوعان

منتظر:- ليكون طردتك شكد عيب رجال شكدك شكبرك مرة تطردك

دريد:- اكوم اشكك لك اتادب تطردني شنو بس غير عفت العسل واشتاقيتلكم كلت اشوفهم قبل لا اطب جوة يجوز بعد ما اطلع

منتظر:- اي صدكت اذا مطلعت ضاربتك ميت نعال وطاردتك فلا اتسمئ منتظر

دريد:- يطبك مرض دنحجي ومنحس غير صرخة قوية من جوة ركضت اني ومنتظر الشباب مدخلو جان اشوف ساندرا مجلبة براس رضية (زوجة اخو سمر) ولج يمعودة خير تركيها اشلون عروس انتي

ساندرا:- خليت ايدها جوة رجلية ولزمتها من كفشتها واللي حق الحق اليوم لو توكف العشيرة اطلع ضيمي كولة بيها

دريد:- ههههههه ولج عوفيها حاولت اجر ساندرا منها ماكو مجلبة بيها وذيج تصرخ وج يمعودة اوكفي خل نتفاهم سحلتها حيل منها وضميتها بصدري دفعتني ورجعت كعدت فوكاها وطاحتلها دك راشديات ومحد يكدر يتقرب الساندرا كلها تخاف عبالهم مسودنة عاد جريتها جرة قوية حيل ضميتها بحضني قوي الا سيطرت عليها وج اثكلي خرب بيومج فضحتنا

ساندرا:- والله وابو الحسن علي ثواني اذا لكيتها اذبحها هسة وانعل حتئ اليطلع وراها تغلطين عليها دماغسز اشرف منج ومن رجلج ماتت ومخلصت من شكلج تروحين فدوة لتراب قبرها يا جلبة تف عليج وعلئ المعرف يربيج وان شاء الله حوبتها متتعداج

دريد:- هشش انجبي ولج شبيج غير افهم شكو ضمت راسها بصدري وكامت تبجي بحركة

ساندرا:- ضميت راسي بصدرة وكمت ابجي بصوت عالي اشرتلة عليها وكمت ابجي حيل

دريد:- بحنان شبيها شسوتلج كولي هسة اطيحلج حظها

ساندرا:- مسوتلي هاي هي سدو الموضوع اسفة اعتذر منكم كلكم امسحوها بوجهي رحت لغرفتي وكعدت ودنكت كمت ابجي ليش مو ميتة هي ليش تغلط عليها هيج ليش تحجي علئ الاطفال منو سمحلج انتي