للكاتبة زينب الحربي
للتواصل انستكرام: -zienab_alharbi
………………………………………………
امس حتى الشمع نايم ،
وانه لـ جيه الفجر صاحي
، ذره حيل مابيّه .
قلم تعبان اريد اليلزم صفاحي
ل(باهر جنديل)
………………………………………………
ساندرا:- بعد عناء مع البجي كمت رحت للبيت دخلت ولكيت العائلة مجتمعة يا الله شعدهم اكبر مجموعة حياية بالبيت مجموعين دخلت السلام عليكم ردو عليه السلام دخلت سلمت علئ عمامي وبوستهم يا الله نسوانهم وبناتهم جايات سلمت عليهن مرت عمي ادريس مبينة حبابة وخلوقة وجهة بشوش بشرتها بيضة وتجاعيد حول عيونها ناطياتها حد من الطمانينة اما زوجة عمي ابرهم عبالك الساحرات اللي تحجيلنا عنهن ماما بالقصص حواجبها ثخان وقصيرات مرفوعات ومخلية كحل عرب داير مداير عيونها وتحديد احمر وحمرة وردية هسة خلي بس مو هيج سلمت عليها ردت من ورة خشمها رحت علئ البنات قسم يحبوني وسلمو عليه بكل احترام بس بنت عمي ابرهم الجبيرة محبيتها مدري اشلونها المهم رحت توجهت البيبي ام ابوي وسلمت عليها وبوستها حبتني وشمتني بس حسيت شي مانعها جان حجة الغثة
ادلم:- ببتسامة جانبية خبيثة هاي شبيهن عيونج هالشكل مورمات عبالك باجية بس لا انتي وحبيب الكلب تركتو بعض صاح بي عمي ادريس ادلللللللم
ساندرا:- من رخصتك عمي خلي يحجي ميضرني حجية بشي ديضر سمعتة بدون ميدري صح بيناتنة مشاكل وتقاطع بس مو معناها نسينة صلة الدم الدم بعمرة مصار مي واني بنت عمة وعرضة هو ديحجي هيج علمود يضرني ويخرب صورتي كدام الكل الحب لا عيب ولا حرام اذا يعتبرة شي محلو فديضر نفسة قبل ليضرني صاح ابن عمي ادريس كال عوفي بعد اخوج واحد زعطوط وليهمج اخذي راحتج هزيت راسي ومشيت جان حجت بيبي
خاجية(ام ابراهيم) :- ولج شو انتي ما تحشمين احد ما تحترمين احد والمسيح لو كمتلج اكسر راسج ابن عمج تاج راسج تكومين تبوسين ايدة وتعتذرين لا اخليهم يذبحوج هسة
ساندرا:- بابا راد يحجي اشرتلة بعيوني كلتلها بيبي فقط امي وابوية واخواني واخواتي وشخص بعد ذولة تاج راسي غيرهم ما اعتبرهم شي بحياتي بعدين الاحترام ينطلب مينرفض اشوكت ما الشخص يحترم روحة يحترمة البقية واذا هو ممحترمها فكل احترام ما الة اما بالنسبة ليش اقلل ادب وياه لان هو ديقلل ادب شفتيني قللت ادب وي البقية وهسة مستعدة اخليهم يذبحوني واساعدهم اني علئ انو ابوس ايدة واكبر راسة جان حجت مرت عمي كلتلها عوفيها يوم عوفيها هاي مو مال حتئ توصخين السانج وتحجين وياها كلتلها كلا يرئ الناس بعين طبعه وعفتها ورحت غسلت وبدلت واريد اصلي بس فوك حيل حارة تجوي جبت مصلايتي ورحت للاستقبال هم كاعدين بالصالة جان بابا وعمي بس كاعدين ترخصت منهم وفرشت سجادتي اريد اصلي طبت مرت عمي كامت تحجي علئ ابوية تكلة شو ما معلم ولدك علئ تقاليدنا غلسنا وعفناها تحجي كملت صلاتي وكمت لكيتهم يتغدون ماما صاحت لبابا وعمي واجوي يتغدون اني اخذت صينيتي كلتلها ماما صبيلي بصينية وحدي اريد اطلع برة كلهم انتقدو هالتصرف بس مردينة عليهم اخذت صينيتي وطلعت برة دخلت كلتلها ماما حخليها هنا واصعد اقرا من يكملون صيحيلي اغسل المواعين ماشي هزتلي راسها عفتها ورحت صاحتلي اغسل المواعين كملت ولميت الزبالة اجيت الماما كلتلها ماما الزبالة وين اذبها
أنت تقرأ
(الحسين والمسيح)
Randomفي تلك الاجيال السابقة بين مناطق بغداد القديمة حيث كان النظام ظالم وبائد بين قتل وظلم بين سجن وذبح منع الصلاة وسفك الدماء هناك حيث يتوجه الناس للحسين ماذا سيحدث. ؟ هل سيجتمع قلبان علئ حب الحسين ام ان للقدر راي اخر
